Ground Breaking for a Church - Tagalog

 Pagtitipon

Tawag sa Pagsamba: 

(Sasabihin ng Tagapanguna)

Ang ating tanggulan ay ang Diyos na Lumikha ng langit at lupa. 

Kapulungan: Maliban na ang Diyos ang nagtayo ng tahanan, 

                            ang ginawa ng nagtayo ay walang kabuluhan. 

Himno ng Pagpupuri

*Panalangin: Lahat

Dakila at Banal na Panginoon, Diyos ka ng kaitaasan, ngunit lagi ka sa aming piling.  Samahan mo po kami habang kami ay nagtitipon, upang italaga ang lupaing ito, bilang parangal sa iyong dakilang Pangalan. 

 

Ipagkaloob mo ang iyong Banal na Espiritu sa iyong iglesia na magtitipon sa lugar na ito.  At sa bawat sulok, ibuhos mo ang iyong  kaluwalhatian.  Puspusin mo ito ng iyong pag-ibig, upang matagpuan ka ng mga nagsisihanap sa iyo. 

Sa mga magsisimba sa dakong ito, bayaan mong maranasan nila ang kapayapaan at kapangyarihan ng iyong kadiyosan. Sa kapangyarihan at kadakilaan ng aming Panginoong Jesus. Amen!

*Pagbasang Sagutan: Pagtatalaga sa Templo 

                  (Awit 122:1-2,6-9; 2 Chron. 7:16)

Tagapanguna:  Ako ay nagalak nang sabihin nila: “Pumunta na tayo sa bahay ni Yahweh.”

Kapulungan: Pinili ng Diyos at iniuukol ang Templong ito upang dito siya sambahin magpakailanman. Laging babantayan at mamahalin ng Diyos ang Templong ito magpakailanman.

Tagapanguna: Dahilan sa bahay ni Yahweh, ating Diyos,

    ang aking dalangi'y umunlad kang lubos.

Kapulungan: Pinili ng Diyos at iniuukol ang Templong ito upang dito siya sambahin magpakailanman. Laging babantayan at mamahalin ng Diyos ang Templong ito magpakailanman.

*Tugon: Ang Ama'y Papurihan

       Ang Ama’y papurihan, at ang Anak at ang Diwang Banal

      Paghahari’y walang hanggan, ng una at ngayon man.       

      Walang hanggan. Amen! Amen!

Pagbasa sa Biblia:  

Maigsing Mensahe:  

Pagsalok ng Lupa (Breaking of the Ground)

(Sasabihin ng Pastor): 

Para sa kaluwalhatian ng Panginoon, sa harapan ng kapulungang ito, ngayon ay ating bubungkalin ng lupa ng iglesiang itatag, na may pangalang The United Methodist Church, Sta. Rita, Pampanga.  Ang pagtatayo nito ay ating tungkulin, at pagkakataon, upang itatag ang isang simbahan ng Diyos, 

    simbahan kung saan magtitipon ng mga anak ng Diyos 

        lugar kung saan sasambahin at pupurihin ang Panginoon, 

            at kung saan dadakilain ang Panginoong Jesus na ating Tagapagligtas.

(Sasalok ng lupa (gamit ang pala), ang mga piniling sponsor o maglilingkod.)

Pastor: Magtitipon ang iglesia sa lugar na ito, kung saan matututunan ng mga bata ang tungkol sa pag-ibig ng Diyos,  at sila ay lalago sa biyaya at kabutihan ng Diyos at ng kapulungan. 

Kapulungan: Itinatalaga namin ang lugar na ito para sa Panginoon! 

Pastor: Dito magtitipon ang iglesia, at ang mga kabataan ay masayang mananalangin at maglilingkod. 

Kapulungan: Itinatalaga namin ang lugar na ito para sa Panginoon! 

Pastor: Sa lugar na ito, ang mga anak ng Diyos ay sasamba, at ang mga nabibigatan at may suliranin, at makakaranas ng kapahingaan at kapayapaan. 

Kapulungan: Itinatalaga namin ang lugar na ito para sa Panginoon! 

Pastor: Dito magtitipon ang iglesia, at dito sasambahin ang Diyos.  Ang Biblia ay babasahin at ipapaliwanag upang maging buhay na Salita.  At ang mga Sacramento ay ipagdiriwang, upang ang bawat buhay ay maging handog sa Diyos. 

Kapulungan: Itinatalaga namin ang lugar na ito para sa Panginoon! 

Pastor: Magtitipon dito ang mga anak ng Diyos, at mararanasan ang biyaya ng Diyos, sa buhay ng mga nagkakaisang magkakapatid sa Panginoon.  Mararanasan ng kapulungan ang kapatawaran at bagong buhay kay Cristo.  At sa pagpuspos ng Espiritu Santo, mararanasan ng kapulungan ang pagliligtas ng Diyos mula sa kasalanan. 

Kapulungan: Itinatalaga namin ang lugar na ito para sa Panginoon! 

Panalangin: 

Panginoon na lumikha ng lupa, sumasalok kami ng lupa, bilang tanda ng iyong biyaya para sa mga anak mo na magtitipon sa lupaing ito.  Itulot mo po mapagbiyaya naming Panginoon, na maitayo ang iglesia sa lugar na ito bilang papuri sa iyong kaluwalhatian.  Pagpalain mo ang iyong mga anak, upang buong galak nilang itayo ang iyong bahay sambahan.  Mamalagi nawa ang iyong presensya sa kanilang buhay.  pagpalain mo po ang kanilang kabuhayan, at manatili kang pumapatnubay sa bawat isa. Sa pangalan ni Jesus, AMen. 

Pagpapala: 

Ang Diyos na Lumikha ng lahat ng bagay, ang siya nawang magkaloob ng inyong pangangailangan.  Siya nawa ang maging patnubay ninyo, at magbigay sa inyo ng biyayang walang sukat, ngayon at hanggang sa walang katapusan. Amen. 

Ground Breaking Liturgy for a Christian House / English

GROUND BREAKING LITURGY - ENGLISH 

GREETINGS

Except the Lord build the house, they labor in vain who build it.

 

HYMN OF PRAISE:

Great is Thy faithfulness, O God my Father

There is no shadow of turning with Thee

Thou changest not, Thy compassions, they fail not

As Thou hast been, Thou forever will be.

 

Great is Thy faithfulness, great is Thy faithfulness

Morning by morning new mercies I see

All I have needed Thy hand hath provided

Great is Thy faithfulness, Lord, unto me  

 

Summer and winter and springtime and harvest

Sun, moon and stars in their courses above

Join with all nature in manifold witness

To Thy great faithfulness, mercy and love

 

Pardon for sin and a peace that endureth

Thine own dear presence to cheer and to guide

Strength for today and bright hope for tomorrow

Blessings all mine with 10, 000 beside

 

OPENING PRAYER*

 

Almighty and everlasting God, ever exalted yet always near:

Be present with us, gathered here.

to set apart this ground upon which we stand

to the honor and glory of your great name.

Let your Spirit descend upon your family that will stay together here,

and within this land let your glory dwell.

Fill with your love all who shall seek your face here.

and as they depart from this place,

go with them in the peace and power of your Holy Spirit.

through Jesus Christ our Lord. Amen.

 

SCRIPTURE READING:  Exodus 3:5, Holy Ground

MESSAGE:  Short greetings and message.

 

 

BREAKING OF GROUND

 Pastor:

To the glory of God, in the presence of this family and friends

I now direct that ground be broken for the Punsalan family.

The responsibility and the privilege rest upon the family

to cause a building to rise here

that shall be a house of love, laughter, and harmony,

and a place devoted to the unity and love of your family

and to the glory of our Lord and Savior Jesus Christ.

 

Litany of Blessing as the Family, Relatives and Friends Break the Ground.

Breaking of the Ground:

 

Pastor:

 Praise the Lord, all you nations!

ALL: Extol him, all you peoples!

 

Pastor:

 For great is his steadfast love toward us,

ALL: And the faithfulness of the Lord endures forever.

 

The Pastor turns one spadesful of earth, saying:

 Pastor:

With faith in Jesus Christ, this work is begun and this ground is broken in the name of the Father, and of the Son, and of the Holy Spirit.

ALL: Amen

The husband and wife turn one spadesful of earth, saying:

With faith in our God, we thank God for his provisions, for this land and all the God-given resources entrusted to us. We break this ground in the name of the Father, and of the Son and of the Holy Spirit. Amen.

Closing Prayer  

O Lord our God, we praise You for Your gift of land and the ability to use it wisely. Grant that what we have undertaken this day to the glory of Your name may be successfully completed for the good of all Your people. We place out plans for this building site in Your hands, trusting that with Your guidance, they will bear much fruit in due time. We make this prayer to You in the name of Jesus, our Lord and King.

Benediction

Go in peace. Serve the Lord. And may the Almighty God bless us: Father, Son, and Holy Spirit. Amen.

Sermon: May 14, 2023 - Our Testimony of Love, John 14:15-21

Ang Ating Patotoo ng Pag-ibig - Juan 14:15-21

(Our Testimony of Love) May 14, 2023

__________________________________________________________  

Ayon sa US Attorneys Office, may mga paraan upang maging effective court witness.  Ilan sa mga payo nila:

 

·         Refresh Your Memory, be exact and avoid estimates about the incident.

·         Speak In Your Own Words. Speak clearly. Be convincing.

·         Be A Responsible Witness. Sincerely and seriously talk about the incident as you recall it. Tell the truth. Do not exaggerate.

·         Think before you speak. Explain your answer. Be positive and confident.

·         Follow court rules.

Ang isang napaka-halagang tungkulin nating mga Kristiano ay ang ang pagiging saksi o witness for Christ sa mundong ito na ayaw maniwala sa Salita ng Panginoon. Last Sunday, napag-usapan natin, na marami ang nagsasabing sila ay mga naniniwala sa Diyos, ngunit hindi nakikita sa kanilang buhay ang katibayan ng kanilang pananampalataya. Faith without works is dead! Faith without works of love is a failure to testify about Christ.

 Kapag tayong mga Kristiano sa ating panahon, ay hindi na po tayo naninindigan para sa katotohanan ng ating pananampalataya, hindi na rin magiging mabisa ang ating patotoo. Hindi ito magiging convincing.  

1. LOVE JESUS 

 Kaya sabi ng Panginoong Jesus sa kanyang mga alagad, “Kung mahal ninyo ako, sundin ninyo ang aking mga utos.”

Ang ating patotoo ay dapat mag-ugat sa ating pag-ibig kay Cristo. Sabi ng Panginoon, “Kung…kung, mahal ninyo ako.” Maari tayong bumagsak sa usapang ito.  Baka hindi pagmamahal sa Diyos ang ating dahilan kung kaya nandito tayo ngayon. 

 May kabataan na nagsisimba at tinanong siya ng pastor, “Bakit ka nandito anak?”  Sagot ng kabataan, “Nandito po ako kasi nandito ang crush ko.”   Hindi pag-ibig sa Diyos ang dahilan.  Bakit ka nandito bilang pastor, “Wala po akong makitang trabaho, kaya nagpastor na lang ako.” Pera pala ang dahilan, hindi pag-mamahal sa Diyos. Some may have more narcissistic reasons, gustong maging tanyag, at ang iba may gustong patunayan sa kanilang galing.

 May kwento, (just to further illustrate my point) tungkol sa isang pastor na naghahangad sa tungkulin bilang Bishop, sabi ng pastor – “I believe I am the most qualified.” His reason is not to serve God and people, but his pride. Beware mga kapatid. Baka hindi na pag-ibig sa Diyos ang ating dahilan ng paglilingkod.

 Gayundin po sa bawat miembro ng iglesia. Sabi ng Panginoon, “If you love me…” You can only be my disciples, if you love Jesus with all your heart, soul, mind and strength.

 

2. 2. OBEY CHRIST'S COMMANDMENTS

 Ang mga Pariseo sa panahon ni Jesus, ay sumusunod sa 10 Commandments, at extra 613 na mg utos. At may extra 1,500 pang kadugtong ang mga 613. Mga utos na bawal, bawal, bawal. Tulad ng – Bawal maghakot ng damit mula sa nasusunog na bahay tuwing Sabbath.  Huwag magsalamin tuwing Sabbath, baka makita mo ang puting buhok sa iyong ulo at baka matukso kang bunutin mo ito. Bawal kumain na hindi naghuhugas ng kamay. Bawal, bawal, bawal.

 Ang Panginoong Jesus, ay may apat (4) lang specific Commandments sa mga alagad, mula sa Chapters 13-14. Una yung “love me” na napag-usapan na natin. Tatlo pang ayon sa Gospel of John ay ang mga sumusunod.

 

a.      Utos ng pag-ibig upang paglingkuran ng mga alagad ang isa’t isa.  “If I then, the Lord and the Teacher, have washed your feet, you also ought to wash one another’s feet. For I have given you an example, that you also should do as I have done to you” (13:14-15).

Isang paghuhugas sa paa, ng ating kapwa alagad ay yung – ingatan natin ang dangal o refutation ng ating kapwa Kristiano. Huwag tayong magsiraan. Linisin po natin ang image ng ating kapwa, at huwag itong dudumihan.

b.      Utos ng pag-ibig upang mahalin ng mga alagad ang isa’t isa.  • “A new commandment I give to you, that you love (agapate—from agape) one another, just like I have loved you; that you also love one another. By this everyone will know that you are my disciples, if you have love for one another” (13:34-35). Ang agape love na iniutos ni Jesus ay hindi lang pagmamahal sa damdamin, kundi sa gawa.  Dahil ang pag-ibig ay matiyaga, at mabait.  Maraming tao ang maari lamang mahalin, kung pagtitiyagaan mo silang mahalin.

c.       Utos na magtiwala sa Diyos, lalo sa panahon na nahihirapan ka at naguguluhan. “Don’t let your heart be troubled. Believe in God. Believe also in me” (14:1). Trust in God and be still. Sabi sa Exodo 14:14, “God will fight your battles.  Be still.” Cool ka lang kapatid, mahal ka ng Diyos.

 

3.      HABANG TAYO AY NAGPAPATOTOO, KASAMA NATIN ANG HOLY SPIRIT

Sa ating pagbasa ngayon (Chapter 14), may pagbabago sa tawag sa Holy Spirit. Dahil mula sa Chapter 1-6, ang ginamit na salita ng Book of John ay pneuma. Samantalang sa Chapter 14, ang ginamit na term ay parakletos.

·         Bumaba ang Espiritu (pneuma) kay Jesus tulad ng isang kalapati (1.32)

·         Kailangang maipanganak na muli ang isang tao sa tubig at Espiritu (pneuma), upang pagharian ng Diyos (3:32-33)

·         Ang Espiritu (pneuma) ang nagbibigay buhay (6:63)

 Kapag sinabing pneuma, dito, ang tinutukoy ay ang Espiritu Santo na makapangyarihan at nagbibigay ng buhay at bagong buhay. Hindi pwedeng ma-born again ang isang tao, kung hindi ito gawa ng Diyos. Oo, pwedeng baguhin ng isang tao ang kanyang sarili.  Pero ang pagbabagong ito ay hindi gawa ng Diyos, kaya hindi ito makapagliligtas. Iba ang pagbabagong gawa ng Espiritu Santo sa buhay ng isang tunay na alagad. “Ang taong ipinanganak ayon sa laman ay laman, at ang ipinanganak ayon sa Espiritu ay espiritu.” (John 3:6).

 Sa ating pagbasa, nagsimulang tawagin ang Holy Spirit, bilang parakletos. Ano ang ibig sabihin nito?

Parakletos, ang ibig sabihin, ay abogado o lawyer, na magtatanggol at magpapatotoo para sa iyo. Isang tao na magpapalakas ng loob, magpapayo, at kasama mo sa oras ng panganib o pangangailangan. (Barclay, 194).

Ito ngayon ang susi sa mabisang patotoong Kristiano.  Hindi lamang ito patotoo natin.  Kundi ito ay magiging patotoo pati ng Diyos na nasa atin. 

Dahil ang pneuma, ay - power of the Holy Spirit at work in us. Gumagawa ang Diyos sa ating kalooban. 

Ngunit ang parakletos, ay - power of God testifying for us.  God at work with us. 

Conclusion:

Una, siguraduhin natin na tunay ang ating pag-ibig sa Panginoong Jesus.

Pangalawa, siguraduhin natin na sinusunod natin ang ang mga utos ni Cristo tungkol sa pag-ibig sa kapwa alagad at ibang tao.

Kung gagawin natin ang mga ito, siguradong sasamahan tayo ng Espiritu Santo sa ating pagpapatotoo.

 

__________________________________________      

Sermon: Nov 6, 2022 Faith Over Fear

 Nagagapi ng Pananampalataya ang Takot (November 6, 2022)

Haggai 1:15b-2:9 • Psalm 98  •  2 Thessalonians 2:1-5, 13-17  •  Luke 20:27-38

 

(Panimula: Kwentong Pulpito)

Magsimula tayo sa isang kwento tungkol sa isang pamilya na sumakay sa taxi.  Napansin ng tatay ng pamilya na cool ang driver ng taxi. Maingat itong magmaneho at masayahin ang driver.  Sa kanilang tahimik na paglalakabay, nais kausapin ng tatay ang driver, kaya tinapik niya ito sa balikat.  Nabigla ang driver! Kamuntik na niyang banggahin ang bus sa kabilang kalsada! Kaya nanginig sa takot ang lahat!

“Sorry, hindi ko akalain na mabibigla ka sa isang tapik lamang sa balikat.” – sabi ng tatay.

Sagot ng driver, “Hindi po ninyo kasalanan kuya.  Talaga po nakakaramdam ako ng takot, dahil…first time ko pong magmaneho ngayon.”

Good Sunday morning po sa lahat.  Ang topic po natin today ay tungkol sa pananampalataya sa Diyos.  Ang pananampalataya po ay ang pinakamabisang panlaban sa takot! Kahit pa first time magmaneho ng sinasakyan mong taxi!

Sa totoo lang, marami ang mga bagay na maari nating katakutan sa buhay.  Hindi po exempted ang mga Kristiano sa karanasan ng takot.  There are types of fear sa buhay, tulad ng fear of sicknesses, loneliness, uselessness na nararamdaman ng mga seniors.  Takot na, mawawalan ka na ng silbi sa buhay. Fear of rejection, o fear of failure sa mga kabataan, na hindi sila mahal ng sari nilang magulang o hindi sila magtagumpay.  Next year, 2023, marami ang natatakot, dahil sa padating na economic recession sa buong mundo. Ang climate change, nagbabanta ito ng takot ng paglubog, baha at pagkasira ng buhay dahil sa mga bagyo at ibang kalamidad.

Sa gitna ng lahat ng ito mga kapatid, mayroon tayong pananampalataya sa Diyos na buhay! Amen?!

Ayon sa Efeso 6:16, “Lagi ninyong gawing panangga ang pananampalataya, na siyang papatay sa lahat ng nagliliyab na palaso ng diyablo.” Always wear your shield of faith.

Sa pagharap natin sa buhay, may tatlong kinatatakutan ang marami:

1.       Fear of Uncertain Future

2.       Fear of the Ultimate Evil

3.       Fear of Death

Harapin natin ang mga ito, gamit ang ating pananampalataya sa ating Panginoong Jesus.

Faith Against Fear of Uncertain Future (Ang Karanasan ng mga Judio sa Haggai 1:15b-2:9)

Sa ating pagbasa sa Lumang Tipan, makikita natin ang pangamba ng mga Judio habang nagbabalak silang itayo muli ang templo.  Winasak ng ma Babylonians ang templo, pinatay ang maraming mamayan, at lugmok sa kahirapan ang Israel. Salamat na lamang, dahil pagkatapos ng mabagsik na pananakop ng Babylonia, ang mga Persians ang bagong empire.  Dahil kung mabagsik ang mga Babylonians, mababait ang mga Persians na sumakop sa Israel.  Sa pangunguna ni Cyrus at Darius ng Persia, ang mga Israelites ay pinabalik sa Israel upang itayo nilang muli ang kanilang bayan.

Kaya pag-uwi ng mga remnants, ang mga natirang buhay pa sa mga mamamayan, (dahil karamihan ay namatay), nakita nila ang nakalulunos na kalagayan ng wasak na templo, mga sirang bahay, at kawawang kalagayan ng bansa.  Kaya agad-agad na itinayo ng mga tao ang kanilang mga bahay.  Nagtanim silang muli, upang itayo muli ang kanilang kabuhayn.   Sa ganitong kalagayan nagbigay ng challenge si Prophet Haggai, upang isama ng mga tao ang pagtatayo sa templo sa kanilang plano.  Pero sabi ng mga mamamayan, “Sinasabi ng mga taong ito na diumano'y hindi pa napapanahon upang itayong muli ang Templo.”(Haggai 1:2). 

Discouraged ang mga tao na itayo ang templo, una, para unahin nilang itayo ang sari-sarili nilang bahay.

Pangalawa, dahil mahirap sila.  Ang unang templo, ay pinatayo ni Solomon, sa panahon na sobrang yaman ng Israel.  Ngayon, sobrang hirap nila. Wala silang kasiguruhan sa darating na bukas.

Nangaral si Propeta Haggai, upang manawagan sa Israel, na  magpakatatag ang Israel. Sabi ni Yahweh, “Patuloy ninyong gawin ang Templo sapagkat ako'y kasama ninyo.”(Haggai 2:4). Kaya kumilos na may pananampalataya ang mga bayan, gamit ang pagtitiwala sa Diyos, naitayo ng mga Israelita ang templo ng higit na maganda kaysa noong una. Sa muling pagtatayo ng templo, nakita ng mga Israelita ang kabutihan, at kapangyarihan ng Diyos.

Faith Against Fear of the Ultimate Evil (2 Thessalonians 2:1-5, 13-17)

Ang pagbasa sa Epistle of 2 Thessalonians 2:1-5, 13-17 ay nakapangingilabot.  Ito ay tungkol sa pagdating ng Suwail o anti-Christ. Ayon sa 2 Tessalonica 2:3-“Huwag kayong magpapadaya kaninuman sa anumang paraan. Hindi darating ang Araw ng Panginoon hangga't di pa nagaganap ang huling paghihimagsik laban sa Diyos at ang paglitaw ng Suwail na itinakda sa kapahamakan.   Itataas niya ang kanyang sarili at kakalabanin ang lahat ng kinikilalang diyos at sinasamba ng mga tao. Uupo siya sa Templo ng Diyos at magpapakilalang siya ang Diyos.” Paglitaw ng Suwail, taglay niya ang kapangyarihan ni Satanas. Gagawa siya ng lahat ng uri ng mapanlinlang na mga himala at kababalaghan. (2:9).

Ito na ang paglaganap ng labis na kasamaan, dahil ang Masama ay papalakpakan, ito yung iboboto ng mga mamamayan, ito ang gagawin nilang bayani at leader – ang Masama. Ang Masama ang magpapakilalang Diyos. Kaya siguradong magdurusa, at paparusahan niya ang mga tunay at tapat na naglilingkod sa tunay na Diyos. Mangyayari ito mga kapatid.  Sa totoo lang, unti-unti na nating nakikita ang kaganapan nito. Tandaan, mapagtatagumpayan natin ito, sa pamamagitan ng pananatiling matatag sa pananampalataya.

Faith Against the Fear of Death (Luke 20:27-38)

Ang ating Gospel Reading ay pag-uusap sa pagitan ng Panginoong Jesus at mga Saducees.  Saducees do not believe in resurrection.  Para sa kanila, walang muling pagkabuhay. Para sa kanila, ang kamatayan ang magtatagumpay sa buhay. Para sa mga Saducees, kamatayan ang mga last say! Basta para sa kanila, mamamatay ako, ikaw at lahat tayo. PERIOD! For them, death is final conclusion of life! Kamatayan! Wala na! Yun na yun!

Ngunit sabi ng Panginoong Jesus sa John 11:25, “Ako ang muling pagkabuhay at ang buhay. Ang sinumang sumasampalataya sa akin, kahit mamatay ay muling mabubuhay.” Pero marami pa rin ang may takot sa kamatayan.  Ayaw natin na may masamang mangyari sa atin, o sa ating mahal sa buhay. Maraming nasasaktan kapag may namamatay. Nagkaroon ng stampede sa Korea (Oct. 30, 2022), namatay ang 149. Araw-araw, nagpapasabog ng missiles ang Russia sa Ukkraine, marami ang namamatay.  Sa atin, wala mang digmaan. Pero may sakit at mga aksidente.  Walang makaka-iwas sa kamatayan.

Ang ating pananampalataya sa Diyos, sa pamamagitan ni Jesu-Cristo ang tanging panlaban natin sa kamatayan. Ito ang tanging paraan, upang makamit natin ang muling pagkabuhay, at buhay na walang hanggan.  Si St. Chrysostom, isang mangangaral sa Antioch, sa capital noon ng Roman Empire, ay binantaan, na ipapatapon siya ni Empress Eudoxia, dahil hindi nagustuhan ng reyna ang kanyang sermon.  Matapos mabalitaan, nagwika si St. Chrysostom: “Ano ang katatakutan ko? Kamatayan ba? Pero alam ninyo na nasa buhay ko si Cristo, ang kamatayan para sa akin ay pakinabang.  Itatapon ako? Ang buong daigdig ay sa Panginoon! Kahirapan ba? Ngunit wala tayong dalang dumating sa mundo, at wala rin tayong dadalhin pag-alis sa mundo.  Kaya ang lahat ng takot na mararanasan sa daigdig ay aking pinagmamasdan, at napapangiti ako dahil ang nakikita ko ay pawang kabutihan. Ang kahirapan ay hindi ko katatakutan. Hindi ko rin hinahanap ang karangyaan. Hindi ko kinatatakautan ang kamatayan.”

Mababasa sa Proverbs 29:25 “The fear of man bringeth a snare: but whoso putteth his trust in the LORD shall be safe.” Pagtagumpayan po natin, labanan natin ang takot, sa pamamagitan ng ating pananalig sa Diyos. Amen.

4th Sunday After Easter

 

ANO ANG IBIG SABIHIN NG “SUMAMPALATAYA SA DIYOS?

(What Does It Mean to Believe in God?)

John 14:1-10; Gawa 7:54-60

 “Huwag na kayong mabalisa; sumampalataya kayo sa Diyos, sumampalataya din kayo sa akin.

 Panimula:

Ang dakilang preacher na si George Whitefield ay nagtanong sa isang sa isang nagsisimba,“Ano ang pinaniniwalaan mo tungkol sa Diyos?” Sumagot ang lalaki, “Kapareho lang ng pinaniniwalaan ng aking simbahan.”“Ano ba ang paniniwala ng iyong simbahan?” Sagot ng lalaki, “Pareho lang siguro ng aking paniniwala.”Tanong ulit ng pastor, “Ano ang paniniwala ng iyong simbahan at ikaw?”

Sagot ng lalaki, “Pareho lang.”

Si C.H. Spurgeon ay nagtanong sa maraming tao kung sila ay naniniwala sa Diyos? Sagot nila, "Opo."  Naniniwala rin sila na si Cristo ay namatay para sa kanilang katubusan.   Ngunit napansin ng pastor na sila ay namumuhay sa kasalanan. Ang kanilang paniniwala ay hindi nakikita sa kanilang buhay at gawa.

 Sabi ni C.S. Lewis, “Hindi mo talagang malalaman, kung ikaw ay tunay na sumasampalataya, hanggang hindi nagiging usapin ng buhay o kamatayan ang iyong pananampalataya. Paano mo malalaman kung matibay nga ang isang lubid?  Kung itatali mo dito ang isang mamahalin at mabigat na bagay, kailangan, na ito ay matibay at mapagkakatiwalaan.”  Gayundin ang pananampalatayang Kristiano, kailangan mo itong alamin, kung ito ay katotohanan.  Dahil dito nakasalalay ang iyong kaligtasan.

 Sumampalataya Kayo sa Diyos

 Ang pananampalataya sa Diyos ay hindi sa isip lamang. Malinaw sa halimbawa ni Stephen sa Acts 7, na ang pananampalataya ay lubusang desisyon ng pagkakaloob ng buong buhay sa Diyos hanggang kamatayan.

 Ano ngayon ang kawalan ng pananalig? Unbelief in the Bible is the conscious rejection of God and his Word, which makes him a liar. Maaring sasabihin ng isang tao na siya ay naniniwala sa Diyos, kung ang taong ito naman ay namumuhay sa kasinungalingan, o panig sa kabaligtaran ng katotohanan – ang taong ito ay walang pananalig sa Diyos.

 Do not let your actions deny your faith. We better believe and live according to our Christian faith. Abraham believed and obeyed God. Kabaligtaran ng Diablo, naniniwala ang demonyo sa Diyos, ngunit hindi niya iginagalang ang Diyos. Kaya, kung tayo ay naniniwala sa Diyos, ngunit ayaw nating sumunod sa Diyos – our faith is the faith of the devil. Ito ay paniniwala sa Diyos na walang pagsisisi. Paniniwala na walang pagbabagong buhay. Ito ay paniniwala na hindi makapagliligtas.

Sumampalataya  kay Jesu-Cristo.

 Wika ng Panginoong Jesus, “Sumampalataya kayo sa akin.” Dito, makikita natin na ipinapantay ni Jesus ang sarili sa Diyos. Sabi pa ng Panginoong Jesus sa Juan 10:30, “Ako at ang Ama ay iisa.”  Kaya, kung sumasampalataya tayo sa Diyos Ama, dapat din tayong sumampalataya sa Diyos Anak. At siyempre, dapat din tayong sumampalataya sa Diyos Espiritu Santo.

 Ang pagsampalataya kay Jesu-Cristo bilang panginoon ay nagbibigay sa atin ng;

 1.      Una, kapatawaran ng kasalanan tungo sa ganap na pagbabagong buhay.  Si Jesus ang kordero ng Diyos na nag-aalis ng ating mga kasalanan (Juan 1:29). Ang tunay na pananalig kay Cristo ay nagreresulta sa ganap na pagtalikod mula sa kasalanan.  May nagsusugal pa ba sa atin? May lugar pa ba ang pagsisinungaling? Ang kayabangan o pagmamalaki? Ang kagaspangan ugali at paninibugho?

2.      2. Pangalawa, ang pananalig kay Jesu-Cristo ay nagbubunga ng buhay na walang hanggan (1 Juan 5:13).

3.      3. Pangatlo, ang pananalig sa panginoong Jesus ay nagbubunga ng ganap na kaligtasan John 3:16).

 Sa ating mga teksto, mababasa ang mga sumusunod:

 1.      Wala tayong dapat ikabalisa, kahit harapin man tayo ng kamatayan, kung tayo ay lubos na sumasampalataya sa Diyos at sa Panginoong Jesus. Somehow, we may be tempted to lose our faith by worrying and complaining.  As if we can not put our trust in God. But we are invited by Jesus to be still.  Exodus 14:14 says, “The Lord will fight for you; you need only to be still.”

2.      2. Isa pa, sabi ng Panginoong Jesus, “Ipaghahanda ko kayo ng lugar sa bahay ng aking Ama. Sa bahay ng aking Ama ay may maraming silid.  Sa Greek, ang silid na tinutukoy ay monai.  Dito galing ang salitang monastery.  Ibig sabihin, lugar ng pahingihan o resting place. Dito maari tayong magpahinga dahil kasama natin ang Panginoon.

 

May kwento tungkol sa isang anak na ampon, kaya ng namimigay na ng mana ang magulang sa kanyang mga anak, medyo nag-aalala ang ang anak na ampon.  Baka hindi siya bibigyan ng lugar na pagtitirikan ng bahay.   Napansin ng tatay ang restless na kilos ng kanyang anak.  Nilapitan ito at binigyan ng kasiguruhan na tatanggap ito ng manang lupain, dahil siya ay anak din. 

 

Tayo rin po ay tinanggap ng Diyos bilang mga ampon dahil kay Cristo (Efeso 1:5).  Hindi po tayo mga original na anak ng Diyos gawa ng ating mga kasalanan (Efeso 2:1). Sa pamamagitan ng pananalig sa Anak ng Diyos, tayo ay itinuring na mga anak ng kaitasasan.

 

3.      3. Ang pinaka-mahalaga, sa buhay na walang hanggan, kasama natin ang panginoong Jesus.  Sabi niya, “Kukunin ko kayo, upang kung nasaan ako, doon din kayo.”

A      Ang tunay na pananampalataya ay nagbibigay na tunay na kasiguruhan.  Dahil ang Diyos ay tapat at      banal,  ang kanyang pangako ay kanyang tutuparin sa sinumang mananalig. Amen. 

 

Ang Mabuting Pastol  John 10:1-10

 Panimula:

Ang dakilang chess player na si Paul Morphy, habang siya ay kasalukuyan pang chess champion, ay inimbitahan upang tignan ang isang painting na ang pamagat ay “The Chess Player”.   Sa painting, naglalaro si Satanas laban sa isang chess player.  Kung mananalo si Satanas, kukunin nito ang kaluluwa ng kalaban. Sa painting mukhang matatalo ang chess player, dahil mukha itong kinakabahan, desperado at parang matatalo. Kumuha si Paul Morphy ng mga actual chess pieces. Inayos niya ang mga piyesa at inaral ang position ng laro sa painting. At sabi niya, “Ako ang lalaban kay Satanas ayon sa laro sa painting.”  At naipanalo ni Morphy ang laro. Talo si Satanas.”

 Sa ating buhay, kung sakali mang mukha tayong matatalo, kaya paring ipanalo ni Jesus ang ating laban. Mananalo tayo, kung si Jesus ang lalaban para sa atin.

 Maraming tao ang disappointed, dahil sarili nila ang kanilang sinusunod sa halip na ang kalooban ng Diyos. Kung pipiliin lamang natin ang Panginoong Jesus upang maging pastol ng ating buhay, makikita natin kung paano niya tayo ipaglalaban. Sabi sa Exodus 14:14, “Ipagtatanggol kayo ni Yahweh, pumanatag lamang kayo.”

  ANG DIYOS ANG ATING MABUTING PASTOL

1.       Ipinaglalaban ng mabuting Pastol, ang mga tupa.  (The sheep are basically helpless by themselves.)

a.       Sa loob ng kulungan, ang pastol ang bantay. Kahit may kulungan at pastol, maaring may magnakaw sa mga tupa. Ang mga magnanakaw ay maaring umakyat sa pader na mataas at nakawin ang mga tupa.

b.       Sa labas ng kulungan, may mga mababangis na hayop (bears or wolves), na maaring sumila sa mga tupa. Ang pastol ang tanging makapagliligtas sa mga tupa.

 

2.       Inaakay ng mabuting Pastol ang mga Tupa

a.       Kaya kilala ng mga tupa ang boses ng pastol. May healthy relationship ang tupa sa kanilang pastol.

b.       Sinusunod ng mga tupa ang pastol.  They follow directions by trusting the Lord. God’s ways are not our ways (Isaiah 55:8-9 – “For my thoughts are not your thoughts, nor are your ways my ways,” says the Lord. For as the heavens are higher than the earth, so are my ways higher than your ways, and my thoughts than your thoughts.) But even when we do not understand God's ways, because of faith, we can still put our trust in God. 

 

3.       Inaalagaan ng Pastol ang mga tupa.

a.       Nadarama ng mga tupa ang pagmamahal ng pastol. The sheep know they are loved. (Opposed to being manipulated and used.)

b.       Busog ang mga tupa. The sheep are well provided.

 

Nasa atin ang pagpili. Sino ang iyong susundin bilang pastol ng ating buhay? Sarili o ang Diyos?

Surrender your life, surrender your will to God. Piliin natin ang Panginoong Jesus bilang pastol ng ating buhay.

_______________________________________________

The Lord is My Shepherd

Psalm 23

Relationship with the Lord as our Shepherd gives:

1.       a. Satisfaction, “I have all I need.”

2.       b. Security, “Even though I walk through the valley of death, I will fear no evil. “

3.       c. Salvation, “He anoints me with oil. He prepares a banquet...”

 

SERMON 1. Higit pa sa Inaasahan. Third Sunday of Easter (April 23, 2023). Luke 24:13-35

 

SERMON 1. Higit pa sa Inaasahan.

Third Sunday of Easter (April 23, 2023).  Luke 24:13-35

 Panimula:

May inaasahan ka ba na hindi natupad? Kaya masama ang loob mo? Bitter ka?  At hindi mo na mapigilan ang iyong ngitngit at galit?  At sino-sino na ang iyong sinisisi?   Hmm…teka kapatid.  Gusto kitang imbitahan na makinig ng Salita ng Diyos for this morning.  Tungkol sa sermon na : “Higit pa sa Inaasahan.”

May kwento tungkol sa isang college graduate student na umaasang ibibili siya ng bagong kotse ng kanyang daddy, kung ito ay makakapasa sa Bar Exam.  Mayaman ang pamilya at Malaki ang tiwala ng ama sa anak. Pumasa naman ang binata at umaasa na matatanggap niya ang bagong kotse sa Thanksgiving Service ng pamilya.

Sa Thanksgiving Service, isang Bible ang ibinigay na regalo sa binata.  Sumama ang kanyang loob.  Lubha siyang nalungkot. “Biblia?” Sabay ibinalibag ang Bible. Sa pagtilapon ng Bible, tumilapon din ang dalawang susi  na nakaipit dito. Isa para sa bagong kotse. Ang pangalawang susi ay susi ng motorsiklo na hindi inaasahan ng binata.

Sa ating Bible Story, mapapansin sa mga dialogues na;

A.     A. ang mga alagad ay may inasahan, na hindi natupad.

Ayon sa verse 17, sila ay malungkot at nag-uusap tungkol “ sa mga nangyari”.

Ayon sa dalawang alagad na patungo sa Emmaus, (vv. 19-21),

“Anong pangyayari?” tanong ni Jesus. (Hindi nila nakikilala si Jesus).  Sumagot sila, “Tungkol kay Jesus na taga-Nazaret, isang propetang makapangyarihan sa salita at gawa maging sa harap ng Diyos at ng mga tao. 20Isinakdal siya ng aming mga punong pari at mga pinuno ng bayan upang mahatulang mamatay, at siya'y ipinako sa krus. 21Siya pa naman ang inaasahan naming magpapalaya sa Israel.

 Ano ang pakiramdam natin, tuwing tayo ay disappointed? Umasa, nabibigo…nag-ngingitngit.

·       -  We may feel betrayed. Feeling na nadaya dahil umasa.

·     -    Disappointed kaya umuwi nalang sa Emmaus. May mga Bible scholars na nagsasabi, na ang dalawang alagad ay maaring mag-asawa o magkapatid, dahil nakatira sila sa parehong tahanan. They share the same disappointment. May mga taong ganyan, kapag sila ay may sama ng loob, pumupunta sila sa isang lugar para magpalipas ng oras, para ma-relax, at para ayusin ang kanilang damdamin.

B.      Naglakbay si Jesus Kasama ang Dalawang Alagad.

Ang totoo, lahat ng mga alagad ay may sakit ng kalooban dahil nakita nilang namatay si Jesus. Sila ay kasamang naglibing kay Jesus, paano sila aasa na siya ay mabubuhay pa?

Ngunit buhay ang Panginoon! Nagtagumpay si Jesus sa kamatayan! At ngayon, siya ay kasama nila sa kanilang paglalakbay pauwi sa Emmaus.

Oo, sila ay disappointed. 

Oo, masama ang kanilang kalooban.

Oo, bigo po sila sa kanilang inaasahan!  

Ngunit naroon si Jesus para sa samahan sila. Siya ay buhay!

There were three encounters with the risen Lord:

-Remember the women who came to anoint the body of Jesus, they felt uncertain, but Jesus removed their uncertainty.

-When the eleven disciples were afraid, sila ay nagtago, dumating si Jesus para sa kanila.

-Now these two disciples, when they were disappointed, Jesus came for them, para sabihin ng Panginoon…anak higit pa sa inasaahan mo, ibibigay ko sa iyo.

Who are the Two Disciples?

Wala tayong alam tungkol sa kanila, basta ang isa, Cleopas ang pangalan.  Ang Emmaus, hindi rin natin alam kung saan ito. Hindi sila kasali sa eleven.  Maaring sila ay “ordinary” followers of Jesus.

May mga church goers tulad ng dalawa, na hindi man kilala.  Hindi officer sa Church Council, hindi rin nakikita sa Choir, hindi lay preacher. Kasama sa mga “simba-uwi” group.

Nung atin problema king church, ding miembrung deni, simple la solusyun, agad dang sabian – “Tara muli tana.” (Kung may problema sa church, ang ganitong mga miembro, lagging may madaling solusyo…sinasabi nila, “Tara uwi na tayo.”)

 Para kay Jesus, ang ganitong ordinaryong alagad ay mahalaga.  Dapat sila katagpuin.

C.      C. Karanasan na Higit pa sa Inaasahan.  

Naranasan ng dalawang  alagad ang higit sa kanilang inaasahan.  Una, binuksan ng Panginoong ang kanilang kaisipan upang maunawan ang nasasaad sa Bible tungkol sa Messias.  Sa loob ng 11 kilometrong paglalakbay, tinuruan sila ng Panginoon.

At pagdating sa bahay nila, nakisalo ang Panginoong Jesus sa kanila. Sa hapag, kinuha ni Jesus ang tinapay, siya ay nagpasalamat at hinati niya ang tinapay.

On this part of the story, we must reflect on how they recognize Jesus.  Sa palagay ko po, nakilala nila si Jesus sa ginawa nito sa tinapay. Kilala nila si Jesus sa kanyang mga ginagawa.  Ito ang tatak ng isang alagad. Hindi man nila nakilala ang Panginoon sa physikal na anyo.  Ngunit nakilala nila ang Panginoon sa kanyang mga gawain. Sila ay mga tunay na alagad-dahil na nakaka-alam kung sino ang Panginoong Jesus. 

At realize nila na, nakasama nila ang muling nabuhay na Panginoon! Kaya kahit gabi na, muli silang bumalik sa Jerusalem, upang ibalita na nakatagpo nila ang muling nabuhay na Jesus.

Conclusion:

Kung ang bawat kaanib ng simbahan,  ay maging alagad na nakatagpo, at ganap na nakakilala sa Panginoon, ay titindig upang magpatotoo tungkol sa Panginoong Jesus…

·         - Makapangyarihan ang kanilang patotoo at halimbawa sa buhay.

·        - Magagamit sila ng Diyos tulad ng mga apostol, at mga babaeng unang nakasaksi sa muling nabuhay na Jesus.

Lahat tayo ay mahalaga sa gawain ng Diyos.  Katagpuin nawa tayo ng Panginoon.  At ating ibalita na natalo ng Panginoon ang kasalanan at kamatayan. At ang sinumang maniniwala at mananalig ay maliligtas. Amen.