4th Sunday After Easter

 

ANO ANG IBIG SABIHIN NG “SUMAMPALATAYA SA DIYOS?

(What Does It Mean to Believe in God?)

John 14:1-10; Gawa 7:54-60

 “Huwag na kayong mabalisa; sumampalataya kayo sa Diyos, sumampalataya din kayo sa akin.

 Panimula:

Ang dakilang preacher na si George Whitefield ay nagtanong sa isang sa isang nagsisimba,“Ano ang pinaniniwalaan mo tungkol sa Diyos?” Sumagot ang lalaki, “Kapareho lang ng pinaniniwalaan ng aking simbahan.”“Ano ba ang paniniwala ng iyong simbahan?” Sagot ng lalaki, “Pareho lang siguro ng aking paniniwala.”Tanong ulit ng pastor, “Ano ang paniniwala ng iyong simbahan at ikaw?”

Sagot ng lalaki, “Pareho lang.”

Si C.H. Spurgeon ay nagtanong sa maraming tao kung sila ay naniniwala sa Diyos? Sagot nila, "Opo."  Naniniwala rin sila na si Cristo ay namatay para sa kanilang katubusan.   Ngunit napansin ng pastor na sila ay namumuhay sa kasalanan. Ang kanilang paniniwala ay hindi nakikita sa kanilang buhay at gawa.

 Sabi ni C.S. Lewis, “Hindi mo talagang malalaman, kung ikaw ay tunay na sumasampalataya, hanggang hindi nagiging usapin ng buhay o kamatayan ang iyong pananampalataya. Paano mo malalaman kung matibay nga ang isang lubid?  Kung itatali mo dito ang isang mamahalin at mabigat na bagay, kailangan, na ito ay matibay at mapagkakatiwalaan.”  Gayundin ang pananampalatayang Kristiano, kailangan mo itong alamin, kung ito ay katotohanan.  Dahil dito nakasalalay ang iyong kaligtasan.

 Sumampalataya Kayo sa Diyos

 Ang pananampalataya sa Diyos ay hindi sa isip lamang. Malinaw sa halimbawa ni Stephen sa Acts 7, na ang pananampalataya ay lubusang desisyon ng pagkakaloob ng buong buhay sa Diyos hanggang kamatayan.

 Ano ngayon ang kawalan ng pananalig? Unbelief in the Bible is the conscious rejection of God and his Word, which makes him a liar. Maaring sasabihin ng isang tao na siya ay naniniwala sa Diyos, kung ang taong ito naman ay namumuhay sa kasinungalingan, o panig sa kabaligtaran ng katotohanan – ang taong ito ay walang pananalig sa Diyos.

 Do not let your actions deny your faith. We better believe and live according to our Christian faith. Abraham believed and obeyed God. Kabaligtaran ng Diablo, naniniwala ang demonyo sa Diyos, ngunit hindi niya iginagalang ang Diyos. Kaya, kung tayo ay naniniwala sa Diyos, ngunit ayaw nating sumunod sa Diyos – our faith is the faith of the devil. Ito ay paniniwala sa Diyos na walang pagsisisi. Paniniwala na walang pagbabagong buhay. Ito ay paniniwala na hindi makapagliligtas.

Sumampalataya  kay Jesu-Cristo.

 Wika ng Panginoong Jesus, “Sumampalataya kayo sa akin.” Dito, makikita natin na ipinapantay ni Jesus ang sarili sa Diyos. Sabi pa ng Panginoong Jesus sa Juan 10:30, “Ako at ang Ama ay iisa.”  Kaya, kung sumasampalataya tayo sa Diyos Ama, dapat din tayong sumampalataya sa Diyos Anak. At siyempre, dapat din tayong sumampalataya sa Diyos Espiritu Santo.

 Ang pagsampalataya kay Jesu-Cristo bilang panginoon ay nagbibigay sa atin ng;

 1.      Una, kapatawaran ng kasalanan tungo sa ganap na pagbabagong buhay.  Si Jesus ang kordero ng Diyos na nag-aalis ng ating mga kasalanan (Juan 1:29). Ang tunay na pananalig kay Cristo ay nagreresulta sa ganap na pagtalikod mula sa kasalanan.  May nagsusugal pa ba sa atin? May lugar pa ba ang pagsisinungaling? Ang kayabangan o pagmamalaki? Ang kagaspangan ugali at paninibugho?

2.      2. Pangalawa, ang pananalig kay Jesu-Cristo ay nagbubunga ng buhay na walang hanggan (1 Juan 5:13).

3.      3. Pangatlo, ang pananalig sa panginoong Jesus ay nagbubunga ng ganap na kaligtasan John 3:16).

 Sa ating mga teksto, mababasa ang mga sumusunod:

 1.      Wala tayong dapat ikabalisa, kahit harapin man tayo ng kamatayan, kung tayo ay lubos na sumasampalataya sa Diyos at sa Panginoong Jesus. Somehow, we may be tempted to lose our faith by worrying and complaining.  As if we can not put our trust in God. But we are invited by Jesus to be still.  Exodus 14:14 says, “The Lord will fight for you; you need only to be still.”

2.      2. Isa pa, sabi ng Panginoong Jesus, “Ipaghahanda ko kayo ng lugar sa bahay ng aking Ama. Sa bahay ng aking Ama ay may maraming silid.  Sa Greek, ang silid na tinutukoy ay monai.  Dito galing ang salitang monastery.  Ibig sabihin, lugar ng pahingihan o resting place. Dito maari tayong magpahinga dahil kasama natin ang Panginoon.

 

May kwento tungkol sa isang anak na ampon, kaya ng namimigay na ng mana ang magulang sa kanyang mga anak, medyo nag-aalala ang ang anak na ampon.  Baka hindi siya bibigyan ng lugar na pagtitirikan ng bahay.   Napansin ng tatay ang restless na kilos ng kanyang anak.  Nilapitan ito at binigyan ng kasiguruhan na tatanggap ito ng manang lupain, dahil siya ay anak din. 

 

Tayo rin po ay tinanggap ng Diyos bilang mga ampon dahil kay Cristo (Efeso 1:5).  Hindi po tayo mga original na anak ng Diyos gawa ng ating mga kasalanan (Efeso 2:1). Sa pamamagitan ng pananalig sa Anak ng Diyos, tayo ay itinuring na mga anak ng kaitasasan.

 

3.      3. Ang pinaka-mahalaga, sa buhay na walang hanggan, kasama natin ang panginoong Jesus.  Sabi niya, “Kukunin ko kayo, upang kung nasaan ako, doon din kayo.”

A      Ang tunay na pananampalataya ay nagbibigay na tunay na kasiguruhan.  Dahil ang Diyos ay tapat at      banal,  ang kanyang pangako ay kanyang tutuparin sa sinumang mananalig. Amen. 

 

Ang Mabuting Pastol  John 10:1-10

 Panimula:

Ang dakilang chess player na si Paul Morphy, habang siya ay kasalukuyan pang chess champion, ay inimbitahan upang tignan ang isang painting na ang pamagat ay “The Chess Player”.   Sa painting, naglalaro si Satanas laban sa isang chess player.  Kung mananalo si Satanas, kukunin nito ang kaluluwa ng kalaban. Sa painting mukhang matatalo ang chess player, dahil mukha itong kinakabahan, desperado at parang matatalo. Kumuha si Paul Morphy ng mga actual chess pieces. Inayos niya ang mga piyesa at inaral ang position ng laro sa painting. At sabi niya, “Ako ang lalaban kay Satanas ayon sa laro sa painting.”  At naipanalo ni Morphy ang laro. Talo si Satanas.”

 Sa ating buhay, kung sakali mang mukha tayong matatalo, kaya paring ipanalo ni Jesus ang ating laban. Mananalo tayo, kung si Jesus ang lalaban para sa atin.

 Maraming tao ang disappointed, dahil sarili nila ang kanilang sinusunod sa halip na ang kalooban ng Diyos. Kung pipiliin lamang natin ang Panginoong Jesus upang maging pastol ng ating buhay, makikita natin kung paano niya tayo ipaglalaban. Sabi sa Exodus 14:14, “Ipagtatanggol kayo ni Yahweh, pumanatag lamang kayo.”

  ANG DIYOS ANG ATING MABUTING PASTOL

1.       Ipinaglalaban ng mabuting Pastol, ang mga tupa.  (The sheep are basically helpless by themselves.)

a.       Sa loob ng kulungan, ang pastol ang bantay. Kahit may kulungan at pastol, maaring may magnakaw sa mga tupa. Ang mga magnanakaw ay maaring umakyat sa pader na mataas at nakawin ang mga tupa.

b.       Sa labas ng kulungan, may mga mababangis na hayop (bears or wolves), na maaring sumila sa mga tupa. Ang pastol ang tanging makapagliligtas sa mga tupa.

 

2.       Inaakay ng mabuting Pastol ang mga Tupa

a.       Kaya kilala ng mga tupa ang boses ng pastol. May healthy relationship ang tupa sa kanilang pastol.

b.       Sinusunod ng mga tupa ang pastol.  They follow directions by trusting the Lord. God’s ways are not our ways (Isaiah 55:8-9 – “For my thoughts are not your thoughts, nor are your ways my ways,” says the Lord. For as the heavens are higher than the earth, so are my ways higher than your ways, and my thoughts than your thoughts.) But even when we do not understand God's ways, because of faith, we can still put our trust in God. 

 

3.       Inaalagaan ng Pastol ang mga tupa.

a.       Nadarama ng mga tupa ang pagmamahal ng pastol. The sheep know they are loved. (Opposed to being manipulated and used.)

b.       Busog ang mga tupa. The sheep are well provided.

 

Nasa atin ang pagpili. Sino ang iyong susundin bilang pastol ng ating buhay? Sarili o ang Diyos?

Surrender your life, surrender your will to God. Piliin natin ang Panginoong Jesus bilang pastol ng ating buhay.

_______________________________________________

The Lord is My Shepherd

Psalm 23

Relationship with the Lord as our Shepherd gives:

1.       a. Satisfaction, “I have all I need.”

2.       b. Security, “Even though I walk through the valley of death, I will fear no evil. “

3.       c. Salvation, “He anoints me with oil. He prepares a banquet...”

 

SERMON 1. Higit pa sa Inaasahan. Third Sunday of Easter (April 23, 2023). Luke 24:13-35

 

SERMON 1. Higit pa sa Inaasahan.

Third Sunday of Easter (April 23, 2023).  Luke 24:13-35

 Panimula:

May inaasahan ka ba na hindi natupad? Kaya masama ang loob mo? Bitter ka?  At hindi mo na mapigilan ang iyong ngitngit at galit?  At sino-sino na ang iyong sinisisi?   Hmm…teka kapatid.  Gusto kitang imbitahan na makinig ng Salita ng Diyos for this morning.  Tungkol sa sermon na : “Higit pa sa Inaasahan.”

May kwento tungkol sa isang college graduate student na umaasang ibibili siya ng bagong kotse ng kanyang daddy, kung ito ay makakapasa sa Bar Exam.  Mayaman ang pamilya at Malaki ang tiwala ng ama sa anak. Pumasa naman ang binata at umaasa na matatanggap niya ang bagong kotse sa Thanksgiving Service ng pamilya.

Sa Thanksgiving Service, isang Bible ang ibinigay na regalo sa binata.  Sumama ang kanyang loob.  Lubha siyang nalungkot. “Biblia?” Sabay ibinalibag ang Bible. Sa pagtilapon ng Bible, tumilapon din ang dalawang susi  na nakaipit dito. Isa para sa bagong kotse. Ang pangalawang susi ay susi ng motorsiklo na hindi inaasahan ng binata.

Sa ating Bible Story, mapapansin sa mga dialogues na;

A.     A. ang mga alagad ay may inasahan, na hindi natupad.

Ayon sa verse 17, sila ay malungkot at nag-uusap tungkol “ sa mga nangyari”.

Ayon sa dalawang alagad na patungo sa Emmaus, (vv. 19-21),

“Anong pangyayari?” tanong ni Jesus. (Hindi nila nakikilala si Jesus).  Sumagot sila, “Tungkol kay Jesus na taga-Nazaret, isang propetang makapangyarihan sa salita at gawa maging sa harap ng Diyos at ng mga tao. 20Isinakdal siya ng aming mga punong pari at mga pinuno ng bayan upang mahatulang mamatay, at siya'y ipinako sa krus. 21Siya pa naman ang inaasahan naming magpapalaya sa Israel.

 Ano ang pakiramdam natin, tuwing tayo ay disappointed? Umasa, nabibigo…nag-ngingitngit.

·       -  We may feel betrayed. Feeling na nadaya dahil umasa.

·     -    Disappointed kaya umuwi nalang sa Emmaus. May mga Bible scholars na nagsasabi, na ang dalawang alagad ay maaring mag-asawa o magkapatid, dahil nakatira sila sa parehong tahanan. They share the same disappointment. May mga taong ganyan, kapag sila ay may sama ng loob, pumupunta sila sa isang lugar para magpalipas ng oras, para ma-relax, at para ayusin ang kanilang damdamin.

B.      Naglakbay si Jesus Kasama ang Dalawang Alagad.

Ang totoo, lahat ng mga alagad ay may sakit ng kalooban dahil nakita nilang namatay si Jesus. Sila ay kasamang naglibing kay Jesus, paano sila aasa na siya ay mabubuhay pa?

Ngunit buhay ang Panginoon! Nagtagumpay si Jesus sa kamatayan! At ngayon, siya ay kasama nila sa kanilang paglalakbay pauwi sa Emmaus.

Oo, sila ay disappointed. 

Oo, masama ang kanilang kalooban.

Oo, bigo po sila sa kanilang inaasahan!  

Ngunit naroon si Jesus para sa samahan sila. Siya ay buhay!

There were three encounters with the risen Lord:

-Remember the women who came to anoint the body of Jesus, they felt uncertain, but Jesus removed their uncertainty.

-When the eleven disciples were afraid, sila ay nagtago, dumating si Jesus para sa kanila.

-Now these two disciples, when they were disappointed, Jesus came for them, para sabihin ng Panginoon…anak higit pa sa inasaahan mo, ibibigay ko sa iyo.

Who are the Two Disciples?

Wala tayong alam tungkol sa kanila, basta ang isa, Cleopas ang pangalan.  Ang Emmaus, hindi rin natin alam kung saan ito. Hindi sila kasali sa eleven.  Maaring sila ay “ordinary” followers of Jesus.

May mga church goers tulad ng dalawa, na hindi man kilala.  Hindi officer sa Church Council, hindi rin nakikita sa Choir, hindi lay preacher. Kasama sa mga “simba-uwi” group.

Nung atin problema king church, ding miembrung deni, simple la solusyun, agad dang sabian – “Tara muli tana.” (Kung may problema sa church, ang ganitong mga miembro, lagging may madaling solusyo…sinasabi nila, “Tara uwi na tayo.”)

 Para kay Jesus, ang ganitong ordinaryong alagad ay mahalaga.  Dapat sila katagpuin.

C.      C. Karanasan na Higit pa sa Inaasahan.  

Naranasan ng dalawang  alagad ang higit sa kanilang inaasahan.  Una, binuksan ng Panginoong ang kanilang kaisipan upang maunawan ang nasasaad sa Bible tungkol sa Messias.  Sa loob ng 11 kilometrong paglalakbay, tinuruan sila ng Panginoon.

At pagdating sa bahay nila, nakisalo ang Panginoong Jesus sa kanila. Sa hapag, kinuha ni Jesus ang tinapay, siya ay nagpasalamat at hinati niya ang tinapay.

On this part of the story, we must reflect on how they recognize Jesus.  Sa palagay ko po, nakilala nila si Jesus sa ginawa nito sa tinapay. Kilala nila si Jesus sa kanyang mga ginagawa.  Ito ang tatak ng isang alagad. Hindi man nila nakilala ang Panginoon sa physikal na anyo.  Ngunit nakilala nila ang Panginoon sa kanyang mga gawain. Sila ay mga tunay na alagad-dahil na nakaka-alam kung sino ang Panginoong Jesus. 

At realize nila na, nakasama nila ang muling nabuhay na Panginoon! Kaya kahit gabi na, muli silang bumalik sa Jerusalem, upang ibalita na nakatagpo nila ang muling nabuhay na Jesus.

Conclusion:

Kung ang bawat kaanib ng simbahan,  ay maging alagad na nakatagpo, at ganap na nakakilala sa Panginoon, ay titindig upang magpatotoo tungkol sa Panginoong Jesus…

·         - Makapangyarihan ang kanilang patotoo at halimbawa sa buhay.

·        - Magagamit sila ng Diyos tulad ng mga apostol, at mga babaeng unang nakasaksi sa muling nabuhay na Jesus.

Lahat tayo ay mahalaga sa gawain ng Diyos.  Katagpuin nawa tayo ng Panginoon.  At ating ibalita na natalo ng Panginoon ang kasalanan at kamatayan. At ang sinumang maniniwala at mananalig ay maliligtas. Amen.

 

 

 

SERMON SUGGESTION: March 26, 2023

TITLE: Check Your Faith!

BIBLE READING: John 11:1-45

"Check your brakes!" - ang sign na ito ay palaging mababasa bago pumasok sa highway. Dahil ito ay nagliligtas ng buhay.

Checking our faith also saves life. Because it is clear in the Bible, "Believe and you will be saved."(Acts 16:31).

But what is unbelief?

1. Unbelief may mean, total lack of faith in Christ. May mga tao na talagang ni katiting, kahit kaunti lang ay wala silang pananalig sa Diyos. This people may totally have nothing to do with God, tulad ng mga atheist, o mga hindi naniniwala na may Diyos.

2. Unbelief may mean, secondly, somehow they belief that there is God, but they do not put their trust in God. Tulad ito ng kalagayan ni Satanas. Naniniwala si Satanas sa Diyos pero hindi siya sumusunod at hindi siya nagtitiwala sa Diyos. May mga tao ring ganito. Ayon sa Santiago 2:19, "Sumasampalataya ka na ang Diyos ay iisa, hindi ba? Mabuti iyan! Ang mga demonyo man ay sumasampalataya rin, at nanginginig pa."

3. Unbelief may also mean a dead faith. Parang, mayroon akong pusa, pero patay nga lang... may pananalig, pero patay nga lang din. Dahil walang gawa. Patuloy ng Santiago 2:20, "Isa kang hangal! Nais mo pa bang patunayan ko sa iyo na walang kabuluhan ang pananampalatayang walang kasamang gawa?" Ito ay patay na pananampalataya.

4. Sa ating pagbasa, si Martha ay biktima ng ika-apat na uri ng unbelief. Ito ay ang kakulangan ng pananampalataya o little faith.

"Kung dumating ka lamang, hindi sana namatay ang kapatid ko." Ito ang hugot ni Martha kay Jesus. Naniniwala si Martha na ang Panginoong Jesus ay dakilang manggagamot, ngunit higit doon ang magagawa ng Panginoon.

What is believing in Christ?

Sagot ng Panginoong Jesus, "Muling mabubuhay ang iyong kapatid. Ako ang Buhay at muling pagkabuhay."

Jesus is not just a healer. Check your faith! May pagkakataon na hindi pagagalingin ng Diyos ang nananalangin na may sakit. May pagkakataon na hindi sasagutin ang ating panalangin. But do you keep on believing? Check your faith! Baka po limitado lang ang pagkilala natin sa Panginoon. Jesus is the ultimate life giver. At sino mang mananalig sa kanya, kahit patay ay muling mabubuhay, at hindi na mamamatay kailanman. 

Pagdidisipulo Gamit ang Caregroups at NOW Ministries

Pagbuo ng CareGroups: Para sa Epektibong Pagdidisipulo Gamit ang N.O.W. Ministries sa Local Church

Dahil tayo ay inuutusan ng Panginoong Jesus na “gawing alagad ang lahat ng tao”, kailangan tayong magsanay ng mga miembro na maglilingkod bilang alagad na hahayo, maglilingkod, mangunguna, magtuturo at mangangaral ng Salita ng Diyos.

Kung pastor at deakonesa lamang ang gagawa sa mga ministeryo, kaunting tao lamang ang maabot ng iglesia.

Maling kaisipan ang paniniwala na “ang pastor at deakonesa ay sinugo upang maglingkod sa simbahan.”

Sa Great Commission, sinusugo ang pastor, deakonesa at ang BUONG IGLESIA sa “sanlibutan”.  Ibig sabihin, tayo bilang iglesia ay sinusugo sa labas ng iglesia, upang gawing alagad ni Cristo ang lahat ng tao.

Ang mga pastor at deakonesa ay itinatalaga upang manguna sa iglesia na maglilingkod at mangangaral sa komunidad kung nasaan ang iglesia. Kung kaya kailangang sanayin bilang disipulo ang mga miembro, upang ang buong iglesia ay umabot sa pamayanan.

A. Magsanay ng mga Caregroup Leaders

Ang pagsasanay ng mga CareGroup Leaders ay mabisang paraan ng Pagdidisipulo. Ang pastor ay magiging epektibong discipler kung gagawin niya ito.

a. Hindi sosolohin ng pastor ang gawain na mag-isa. Kung may maraming caregroup leaders, mas maraming tao ang maabot ng iglesia.

b. Kung may maraming alagad na nangunguna sa mga gawain ng Bible Studies, visitations, personal evangelism at outreach, mas mabilis lumago ang iglesia.

c. Sa intensyonal na pagdidisipulo ng mga caregroup leaders, at mga miembro, siguradong matutupad natin ang utos ni Cristo, na gawing alagad Niya ang mga tao.

B. Mabisang Nurture Ministries

Dapat maalagaan ang mga miembro ng iglesia. Kailangang tumibay ang pananampalataya at katapatan ng bawat miembro. Gamit ang Caregroup system, mahalaga na mahikayat ang bawat miembro na;

a. Regular na ma-abot (connected) sila ng iglesia.
b. Makapag-simba ng regular (Sunday Worship)
c. Maging kabilang sa isang Caregroup para sa regular na Bible Study, prayer meeting.
d. Mapabilang ang bawat miembro sa pasanin at ministeryo ng iglesia sa komunidad.

C. Mabisang Outreach Ministries

Ang Outreach ay gawaing pagtulong ng iglesia lalo sa mga hindi kaanib sa labas ng iglesia. Ang pagtulong sa miembro ay maituturing na bahagi ng nurture ministries, ngunit ang pagtulong sa hindi miembro ay “OUT-Reach”.  Ito rin ang tinatawag na WORKS OF MERCY ng ating iglesia, kabilang ang pagbibigay pagkain, tulong sa mahihirap, pagbisita sa maysakit, pagbisita sa nakabilanggo, pagtulong na pagkumpuni ng sirang bahay ng hindi miembro, scholarship program, medical mission, relief distribution, disaster response at iba pa.

Ang Caregroup, ay hindi lamang para sa miembro sa NURTURE ministries. Sa panahon ni John Wesley, sa caregroup (class meeting) ay may collection na ginagamit ng grupo sa pagtulong. Ang bawat caregroup ay may misyon na ginagawa sa pamayanan, sa abot ng kanilang kakayanan. Sila ay regular na nag-aayuno upang may maibigay sa nagugutom.

Sa isang iglesia, ang caregroup ng mga UMW ay lumilikom ng ₱50. per person, weekly. Sila ay regular na tumutulong sa gift giving ministry para sa mga senior citizens na hindi miembro sa baranggay. Namimigay ang iglesia ng fruits at food packs sa mga matatanda, at maraming nahihikayat na pamilya ang umaanib sa iglesia.

Kailangang gumawa ng regular na misyon ang bawat caregroup, upang INTENSYONAL na umabot sa mga hindi kaanib ng iglesia.

D. Mabisang Witness Ministries

Ang layunin natin ay PAGDIDISIPULO, kaya hindi natatapos sa pagtulong ang ating gawain. Nais nating gawing ALAGAD ni CRISTO ang mga miembro, pati ang hindi pa kaanib sa iglesia. Nais natin silang mapabilang sa buhay ng iglesia bilang katawan ni Cristo.

Ang iglesia na may mabisang Caregroup ministries ay
may makakagawa ng mabisang Christian NURTURING, ay
nakakagawa rin ng mabisang OUTREACH ministries, at
Makakagawa rin ng mabisang WITNESS Ministries.

Dahil sa regular na pagtulong ng mga caregroups sa pamayanan, ang pagpasok ng iglesia sa WITNESS / EVANGELISM program nito sa komunidad ay napakabisa.

Maraming Evangelistic Crusade ang aking napapansin, na ginagawa sa pamamagitan ng biglaang pag-imbita ng mga taong hindi kakilala, at walang kaugnayan sa mga miembro ng iglesia. Para silang “lupa na biglang tinamnan”, na hindi man lang diniligan at binungkal muna.

Sa paggamit ng Caregroups, at regular Outreach, ang mga iniimbitahan sa Evangelistic Crusades ay ang mga matagal ng binibisita, pinag-pray at inabutan ng tulong ng caregroups. Ibig sabihin, matagal na silang “binubungkal at dinidiligan,” at sa Crusade ay handa na para “taniman” ng Salita ng Diyos.

At pagkatapos ng Evangelistic Crusade, ang mga tumanggap ay aalagaan ng Caregroups para sa follow-up at nurturing, hanggang ganap na maging bagong kaanib sa iglesia ang mga ito.

Maging INTESYONAL SA PAGDIDISIPULO,
Magsanay tayo ng mga Caregroup leaders,
Bumuo ng mga Caregroups sa mga Miembro,
Abutin ang mga hindi kaanib, at isama sa Caregroups at hikayating maging kaanib.

Gawin nating alagad ni Cristo ang lahat ng tao.

Tungkulin ng Church Council Officers

TUNGKULIN

NG MGA CHURCH COUNCIL MEMBERS 

1. Chairperson, ihahalal ng taunan ng Charge Conference upang gumanap ng sumusunod na tungkulin. 

a.  manguna sa pagtupad ng tungkulin ng Council

b. maghanda ng tatalakayin sa mga meeting, sa kaalaman ng pastor at ng lay leader, 

c. mag-aanalisa at magtatalaga ng mga gaganap sa mga napagkasunduan ng Council,

  d. nagpapa-alala sa ibang miembro ng Council sa pagpapatupad ng mga tungkulin at gawaing               napagkasunduan,

e. manguna sa Council sa pagbalangkas ng plano, paggawa ng layunin at pagsusuri para sa ikauunlad ng iglesia, 

2.  Lay Leader, ang kaanib na kakatawan sa lahat ng laiko sa iglesia at aasahang gaganap ng mga sumusunod na tungkulin;

a.  gumawa ng pamamaraan upang malaman ng mga laiko ang kanilang mga tungkulin, lalo na sa kanilang ministeryo sa iglesia at sa kani-kanilang mga tahanan, trabaho, at komunidad, 

b. palagiang makipagtalastasan sa pastor tungkol sa kalagayan ng iglesia

c. tumupad bilang miembro ng Charge Conference, 

d. tagapagpatupad sa mga aksyon ng Annual Conference

e. patuloy na magsagawa ng pag-aaral para sa ikauunlad ng iglesia 

f.  iminumungkahi na siya ay maging sertifikadong mangangaral upang maging katulong ng pastor sa pagtuturo at pangangaral. 

3.  Pastor-Parish Relations Committee, may 5 hanggang 9 miembro na ihahalal ng Charge Conference.  Sila ay dapat na magkaroon ng;

a.  Malinaw na kabatiran sa ministeryo ng iglesia

b. May kaalamang Biblikal sa tungkulin ng pastor.

c. Katulong ng pastor sa pagkilala sa mga kakayahan ng                    mga kaanib para sa epektibong paglilingkod.

Ang mga miembro ng komite ay ang Chairperson, 1 kabataan, 1 may gulang  (UMM, o UMW), lay leader at ang lay member para sa Annual Conference. Sakop ng kanilang tungkulin ang;

a.   makipagtulungan, kumunsulta, at magpa-alala sa  pastor sa mga bagay na dapat unahin, sa mga kailangang gawin sa misyon at ministeryo ng iglesia. 

b.  Pagyamanin ang kaugnayan ng pastor, at deaconesa sa iglesia at kumilos para alisin ang anumang gagambala sa  ministeryo ng iglesia.

c.   Gumawa ng taunang pagsusuri sa pangangailangan ng Mga manggagawa sa larangan ng pagsasanay at dagdag na pag-aaral

d.  Magturo sa katangian at misyon ng Nagkaisang Iglesia metodista

e.  Pagpili at pagsuri sa mga nagnanais maging lay preachers at maging manggagawang pastor o deakonesa.

f.  Magsuri kung makatutulong ang pananatili ng manggagawa sa kasalukuyang destino.

4.  Finance Committee, magsumite ng budget at magsagawa ng paraan para sa kaunlarang financial ng iglesia. Gumawa ng mga paraan upang matustusan ang mga pangangailangang financial ng iglesia. Dalawa sa kanila ang magiging Tagabilang ng mga handog, mga pangako at ikapu.  Isa sa kanila ang magiging Financial Secretary, na nagtatala sa mga pananalapi ng iglesia. 

Ang komite ay kabibilangan din ng:

a. Treasurer - magiingat sa yamang financial ng iglesia

b. ibang kaanib na hinalal ng Charge Conference

5.  Membership Secretary - nagtatala ng taunan sa mga listahan ng mga kaanib, mga naragdag na miembero, mga nabinyagan at iba pa.  Sa kanyang pagiingat ang mga talaan ng mga kaanib. 

6. Board Of  Trustees,

a.  nagiingat sa kagamitan ng iglesia at kaayusan ng iglesia

b.  taunang nagsusuri sa mga kagamitan 

c.  nagbibigay pahintulot sa mga nanghihiram ng mga gamit ng iglesia kasama ang pastor. 

7.  Treasurer, ingat yaman ng iglesia.  Tungkulin niya ang: 

a.  pangalagaan ang kapakanang financial ng iglesia at gumastos lamang ayon sa itinakda sa                     budget. 

b.  Mag-issue ng resibo sa mga donasyon at ikapu / pangako

c.  Mag-ulat ng regular (buwanan) sa kalagayang financia ng iglesia

d.  Magbayad ng tungkulin sa Distrito (Tithe  / Apportionment)

8.  Lay Member of the Conference, kumakatawan sa iglesia sa Annual Conference at mag-uulat sa mga napagkasunduan na dapat ipatupad sa iglesia lokal.

9.  Nurture Committee, ang gaganap sa tungkuling may kaugnayan  sa;

        a.  Edukasyon

b. Pagsamba

c.  Christian Formation (Retreats, Trainings etc.)

d. Pangangalaga ng mga Kaanib (Visitations)

e.  Pagkakatiwala o Stewardship

f.   Bible Study at Worship Groups

10 . Outreach Committee, gaganap ng tungkulin sa:

a.  kawanggawa o pagtulong sa mga nangangailangan sa komunidad (social concerns), 

b.  nangangailangan ng tulong sa hinggil sa hustisya at social advocacy.

Ang ministeryong ito ay kinabibilangan ng kaugnayan ng iglesia sa lipunan, pakikipag-ugnayan sa ibang relihiyon, pakikipagtulungan sa pamayanan sa usaping pangkalusugan o katahimikan ng pamayanan.

11.  Witness Committee, tagapagtaguyod ng:

a.  mga gawaing ebanghelismo ng iglesia at,  

b.  maglulunsad ng mga mabisang pamamaraan ng panghihikayat para sa Panginoon.

Hakbang sa Pagbuo ng Caregroups / Cell Groups

Hakbang sa Pagbuo ng Cellgroup.

A. PAGHAHANDA

Rekomendado na mismong pastor ang bubuo ng caregroups sa iglesia lokal.

1. SPIRITUAL PREPARATION NG PASTOR. Ihanda ang sarili sa pamamagitan ng pananalangin, pag-aayuno at pagbabasa ng Biblia, mga aklat, o artikulo sa internet tungkol sa pagbuo ng cellgroup.  Ang 40 days o higit pa na paghahanda ay mahalaga at hindi optional.

a. Saliksikin ang sarili gamit ang tanong sa https://www.umc.org/en/content/book-of-discipline-304-qualifications-for-ordination. Kahit ang mga hindi pa ordained ay mabuting aralin at tuparin ito.

2. COMMITTMENT TO ORGANIZE CELLGROUPS. Italaga ang sarili sa gagawing pagbuo ng cellgroups. Sa kasaysayan ng Metodismo, ang pagbuo ng cellgroup (o class meeting noon) ay mahalagang sangkap para sa paglago ng iglesia.

3. Kung nagawa na (ng pastor) ang sariling espiritual na paghahanda, (40+ days prayer and fasting) PUMILI NG MGA CHURCH LAY LEADERS (alinsunod sa 1Tim. 3:8-13) sa lokal church na may,

a. Spiritual maturity. Nagsasanay ng spiritual disciplines. Marunong manghikayat o mag evangelize (kung kulang ang kaalaman sa evangelism, isama ito sa future trainings na gagawin).

b. Spiritual leadership. Pinagkakatiwalaan bilang maka-diyos na lider simbahan. Marunong magturo ng Biblia (Sunday School, home Bible Study, o lider ng caregroup).

c. Spiritual Committment. Handa upang tumupad bilang Cellgroup leader ng iglesia.

4. Maghanda ng mga cellgroup materials na gagamitin sa unang 6 months.

Halimbawang materials.

a. https://ptrjess.blogspot.com/2019/09/aralin-para-sa-bagong-kaanib.html

b. https://ptrjess.blogspot.com/2019/01/spiritual-disciplines-tagalog.html

c. https://ptrjess.blogspot.com/2015/08/mga-doktrinang-binibigyang-diin-ng.html

d. https://ptrjess.blogspot.com/2019/02/assorted-lessons-2.html

Note: maaring gamiting materials ang : Purpose Driven Life, o ang Upper Room Disciplines at Our Daily Bread. Kailangan lamang ay maging resourceful ang pastor. Bigyan ng kopya (printed copies) ang bawat lider. Pag-aaralan nila ito ng 2 months.

5. Ihanda ang retreat training para sa mga cellgroup leaders.

Sa puntong ito, wala pang nagaganap na cellgroups sa mga church members. Ang pastor at mga leaders pa lamang ang involved sa paghahanda.


B. BAKIT KAILANGAN ANG CELL GROUP SA ATING IGLESIA?

Ang cell group ay napatunayang mabisa para sa paglago ng iglesia. Sa patotoo ng pinakamalaking simbahan sa buong mundo, sa pangunguna ni Paul Yonggi Cho, ng South Korea, ang isang dahil ng tagumpay ng Diyos sa kanyang iglesia ay ang cell group system.

Sa mga walong (8)factors na binabanggit ni Christian A. Schwarz, eksperto sa Church Growth, isa ang cell group system sa kanyang natuklasan sa pagpapalago ng iglesia (Natural Church Development).

Anumang pagkilos sa ating panahon tungkol sa church growth, ang cell group ay kabilang sa mga dahilan kung paano tumatatag at lumalaki ang iglesia ng Panginoon.

Sa aking palagay, ang Pastor Centered Model ang pumipigil sa ating paglago.

Pastor Centered Model Church

Sa ganitong modelo, ang pastor ang gumaganap ng halos lahat ng gawain sa iglesia. Si pastor, ang nangangaral, tiga-dalaw, nananalangin sa may sakit, siya ang evangelist, tiga libing, tiga kasal, binyag, administrator at lahat. Sumusweldo siya para paglingkuran ang mga miembro.

Habang lumalaki ang iglesia lokal, lumalawak ang gawain ni pastor. Hanggang hindi na niya ito makaya, at magpapalipat na lamang siya ng destino.

Sa Mateo 28:19, sinasabi ng Panginoong Jesus na "gawin natin alagad niya ang lahat ng mga bansa".   Gawing alagad, hindi lamang miembro ng iglesia.  Sa ating bautismo, bilang alagad, kailangan tayong magsanay upang maglingkod, at hindi miembro na paglilingkuran.

Cell Group Church Model

Ang cell group system ay paraan upang matupad ang hangarin ng Panginoon na "maging alagad" ang mga kaanib ng iglesia. Sa ganitong paraan, ang mga miembro, simula sa mga "spiritual leaders" ng simbahan ay kukuha ng bahagi, upang tumulong sa pastor at deakonesa, na maglingkod, mangaral, magturo, manghikayat, at magsanay ng mga kaanib upang maging alagad na magsasanay din sa iba upang maging alagad.

Sa ganitong modelo, matutupad ang sinasabi ni San Pablo sa Efeso 4:12, at 16;

“Ginawa niya ito upang ihanda sa paglilingkod ang lahat ng mga banal, para sa ikatitibay ng katawan ni Cristo, ang iglesya,”
‭‭
“Sa pamamagitan niya, ang mga bahaging pinag-ugnay-ugnay ng kasukasuan ay magiging isang katawan; at kung maayos na gumaganap ng tungkulin ang bawat bahagi, ang buong katawan ay lálaki at lalakas sa pamamagitan ng pag-ibig.”
‭‭