United Methodist Church Articles of Religion (Tagalog)

Artikulo ng Pananampalataya

Ang mga Artikulo ng Relihiyon ay pinili ni Wesley mula sa 39 na Artikulo ng Church of England  at ipinadala sa mga Metodista sa Amerika. Ang Iglesia Metodista Episcopal sa pasimula pa lamang ay tinaglay na ang mga artikulong ito sa pagpapahayag ng ating pananampalataya.

1. Tungkol sa Pananampalataya sa Banal na Trinidad

Mayroong iisang buhay at tunay na Diyos, walang pinagmulan at walang katapusan, walang katawan o mga sangkap man, nagaangkin ng walang hanggang kapangyarihan, karunungan at kabutihan; ang lumikha at kumakalinga ng lahat ng mga bagay na nakikita at di nakikita. At sa pagkakaisa ng ka-Diyosang ito ay may tatlong persona, na nagtataglay ng iisang kalikasan, kapangyarihan at pagkawalang hanggan- ang Ama, ang Anak, at ang Espiritu Santo.
Referensya - Deut. 6:4; Jer. 10:10; Jn. 4:24; 1 Tim. 1:17
 
2.  Tungkol sa Salita o Anak ng Diyos

Ang Anak, na siyang Salita ng Ama, ay tunay at walang hanggang Diyos, kaisa sa kalikasan ng Ama, ay naging tao sa sinapupunan ng pinagpalang Birhen; anupa't ang dalawang buo at ganap na kalikasan ng pagka-Diyos at pagkatao ay nagsama sa iisang persona na kailanman ay hindi mapaghihiwalay; kaya't may iisang Kristo, tunay na Diyos at tunay na tao, na tiyak na naghirap, napako sa krus, namatay at inilibing upang ipakilala ang Kanyang Ama sa atin at upang maging handog hindi lamang para sa katutubong kasalanan (original sin) kundi para din naman sa mga nagawang kasalanan (actual sin) ng tao.

Referensya: Juan 10:30 - “Ako at ang Ama ay iisa.” ; Juan 8:24; Filipos 2:6, Isias 9:6; Ang Alpha at Omega sa Pahayag 1:8 ay ang Diyos Ama, at siya rin ang Panginoong Jesus sa 1:18.  Colosas 1.15-20;  Si Jesus ay ang Alpa't Omega - Pahayag 22.12; Juan 10.30; sa Mateo 2.11 at 28.17 si Jesus ay sinamba, at walang pagbabawal na ipinapahayag ang Biblia tungkol dito. Col. 2:9; Jn. 14:9

3. Tungkol sa Pagkabuhay na Muli ni Kristo

Si Kristo ay tunay na nagbangon mula sa mga patay, at muling nanumbalik sa kanyang katawan, kasama ang lahat ng mga bagay na may kinalaman sa kasasakdalan ng kalikasan ng tao, na sa ganitong anyo siya ay umakyat sa langit at doo'y nakaluklok hanggang sa siya'y bumalik na muli upang hukuman ang lahat ng mga tao sa huling araw.   Referensya - 1Cor.15.20; Mateo 28.7; Roma 8.34

4. Tungkol sa Espiritu Santo

Ang Espiritu Santo na nagbuhat sa Ama at Anak ay kaisang kalikasan, karilagan at kalwalhatian ng Ama at ng Anak, tunay at walang hanggang Diyos.

Referensya- Luke 11.13; 2Cor. 3.17; Ang Espiritu Santo ay ang Espititu ni Jesus ang Anak, Gal.4.6; na siya ring Espiritu ng Ama -1Cor. 2.12

5. Tungkol sa Kasapatan ng Banal na Kasulatan Para sa Kaligtasan

Ang banal na Kasulatan ay naglalaman ng lahat ng mga bagay na kinakailangan para sa ikaliligtas, kaya't anumang hindi nababasa doon, o hindi napapatunayan sa pamamagitan nito ay hindi masasabi sa sinumang tao na isang bagay na dapat sampalatayanan, o isiping ituro na kailangan para sa kaligtasan.  Sa tawag na kasulatan ang tinutukoy ay yaong mga aklat na pinasiyahang bumuo ng canon ng Matandang Tipan at Bagong Tipan, na ang kanilang kapangyarihan ay hindi kailan man pinag-alinlangan sa iglesia.

Referesnya: Jn. 5:39; Santiago 1:21

6.   Tungkol sa Matandang Tipan

Ang Matandang Tipan ay hindi salungat sa Bagong Tipan, sapagkat maging sa Matandang Tipan at Bagong Tipan, ang walang hanggang buhay ay iniaalok sa sangkatauhan ni Kristo, na siyang tanging Tagapamagitan sa Diyos at tao, sapagkat siya'y Diyos at tao. Kaya nga hindi dapat pakinggan yaong nagsisipagsabing  ang mga naunang ama (sa pananampalataya) ay nagsisipaghanap lamang ng mga pangakong pansamantala.  Bagamat ang batas na ipinagkaloob ng Diyos kay Moises na tumutukoy sa mga seremonyas at mga ritual ay hindi para sa mga Kristiano, ni ang mga utos pampamahalaan nuon ay hindi kailangang tanggapin ng alinmang bansa, ganun man, walang Kristianong makapagsasabing siya ay labas sa pagtalima sa mga kautusang tinatawag na moral.

   

7.   Tungkol sa Kasalanang Orihinal

Ang kasalanang orihinal ay hindi minana kay Adan, kundi yaon ang kahinaan ng kalikasan ng bawat tao, na katutubong likas ng mga anak ni Adan, na sa pamamagitan nito ang tao ay nalayo sa dating pagkamatuwid at napahilig ang sarili sa kasamaan at sa ganito ay nagpapatuloy.

Referensya: Romans 5:12; 19

8. Tungkol sa Malayang Kalooban (Of  Free Will)

Ang kalagayan ng tao pagkatapos magkasala ni Adan ay gayon na lamang, na sa kaniyang sariling lakas at mga gawa ay hindi siya maaring manampalataya at tumawag sa Diyos; kaya nga wala tayong lakas upang gumawa ng mabuti na kalugodlugod at katanggap-tanggap sa Diyos, kung wala tayo sa biyaya ng Diyos sa pamamagitan ng pag-akay ni Kristo, upang tayo'y magkaroon ng mabuting kalooban.

9. Tungkol sa Pagiging Matuwid ng Tao (Of the Justification of Man)

Tayo ay kinikilalang matuwid sa harap ng Diyos alang-alang lamang sa ginawa ng ating Panginoon at Tagapagligtas na si Jesu-Kristo, sa pamamagitan ng ating pananampalataya at hindi dahil sa sarili nating mga gawa o mga karapatan.  Kaya nga ang paniniwala na tayo'y inaaring matuwid sa pamamagitan lamang ng pananampalataya ay isang makabuluhang aral at tunay na puspos ng kaligayahan.

Referensya- Efeso 2.8-9; Juan 3.16; Roma 3.28

10.    Tungkol sa Mabuting Gawa 

Bagamat ang mga mabubuting gawa, na mga bunga ng pananampalataya at kasunod ng pagkaaring matuwid ay hindi makapagaalis ng ating mga kasalanan at hindi makapipigil sa kabagsikan ng paghuhukom ng Diyos; gayun man, ang mga ito ay nakalulugod at katanggap-tanggap sa Diyos, kay Kristo at nagmumula sa isang tunay at buhay na pananampalataya, anupat sa pamamagitan nito, ang isang buhay na pananampalataya ay nakikilala, gaya ng pagkilala sa isang punong kahoy sa pamamagitan ng kanyang bunga. 

11.Tungkol sa Gawang Hindi na Kailangan (Supererogation)

     

Ang mga gawang kusang loob - tangi, higit at labis sa mga ipinaguutos ng Diyos - na tinatawag na mga gawang supererogation ay hindi maaring ituro ng walang pagmamataas at pagbabanalbanalan.  Sapagkat sa pamamagitan nito, ang mga tao'y nagsasabing sila'y hindi gumagawa para sa kanyang sarili ng higit sa tungkuling kinakailangan; gayong maliwanag na sinasabi ni Kristo; kung nagawa na ninyo ang lahat ng ipinaguutos sa inyo ay sabihin ninyo, "Kami'y walang kabuluhang mga alipin."

12.  Tungkol sa Kasalanan Pagkaraang Ariing Matuwid (Sin After Justification)

Hindi  ang lahat ng kasalanang nagawa pagkaraan ng karanasan ng pagkaaring matuwid ay kasalanan laban sa Espiritu Santo, at hindi mapapatawad.  Kaya nga, ang pagsisisi ay hindi dapat itanggi sa mga nahuhulog sa pagkakasala matapos makaranas ng kapatawaran. Pagtanggap natin sa Banal na Espiritu, tayo'y maaring mawalay sa biyayang tinanggap at mahulog muli sa kasalanan, subalit sa biyaya ng Diyos muling makababalik at magbago ng ating mga buhay. 

        At dahil dito, dapat ngang itakwil yaong mga nagsasabing sila'y hindi na mahuhulog sa kasalanan sa buong buhay nila sa lupa; o nagkakait naman ng kapatawaran sa mga tunay na nagsisisi.

13.  Tungkol sa Iglesia

Ang nakikitang iglesia ni Kristo ay isang kalipunan ng mga taong tapat, at ipinapangaral ang dalisay na salita ng Diyos at ang mga sakramento ay tiyak na ginaganap alinsunod sa utos ni Kristo sangayon sa lahat mga bagay na kinakailangan. 

Ang mga simbahan hindi nananampalataya sa pagka-diyos ng Panginoong Jesus at hindi sumusunod sa mga kautusan ng Diyos ay hindi natin ibinibilang na sangay ng Kristianismo. 

14.   Tungkol sa Purgatoryo

Ang aral ng Iglesia Romana tungkol sa purgatoryo, pagpapatawad ng pari, pagsamba at pagluhod sa mga larawan, relikyas o sampu ng pananalangin sa mga santo, ay isang musmos na haka, kathang walang turing at hindi lamang walang saligan sa Kasulatan kundi labang laban sa Salita ng Diyos. 

Referensya: Exodo 20:1-4

15.  Tungkol sa Pagsasalita sa Kalipunan sa Wikang Nauunawaan ng Mga Tao

Isang bagay na labang laban sa Salita ng Diyos ang  nakaugalian ng unang iglesia (Iglesia Romana) ang manalangin ng hayagan sa loob ng iglesia o kaya'y gumanap ng sakramento sa wikang hindi nauunawaan ng mga tao (e.g.Latin).

Ang artikulong ito ay sinulat ng mga Protestant Reformers at bumanggit sa 1 Cor. 14.2,19 upang patunayan na hindi wasto ang manalangin, mangaral, o gumanap ng sakramento sa salitang hindi naiintindihan ng mga tao (Hal. Latin). Ang sabi ni Origen, isa sa mga matanda ng unang iglesia noong 202 A.D.  Ang taga Grecia ay nagdarasal sa salitang Griego, ang mga Romano sa wikang Romano, bawat isa sa kanyang sarilng wika."  Ang pananampalataya ay walang kahulugan kung ito'y hindi maisasalin sa buhay, wika at damdamin ng mga tao. 

16. Tungkol sa Sakramento

Ang sakramentong iniutos ni Kristo ay hindi lamang mga sagisag ng pananampalataya ng mga Kristiano kundi tanda rin naman ng mga tiyak na biyaya at ng mabuting kalooban ng Diyos sa atin, na sa pamamagitan nito, siya'y gumagawang hindi nakikita sa atin at hindi lamang nagbibigay buhay, kundi nagpapalakas din at nagpapatibay sa ating pananampalataya sa kanya. 

17. Tungkol sa Bautismo

Ang bautismo ay hindi lamang pagsaysay ng pananampalataya at tatak na dapat pagkakilanlan ng mga Kristiano sa mga hindi nabautismohan, kundi ito rin naman ay tanda ng kapanganakang muli. Ang bautismo sa maliliit na bata ay pasimula sa ebanghelio at mananatili sa iglesia. 

18.  Tungkol sa Hapunan ng Panginoon     

Ang Hapunan ng Panginoon ay hindi lamang tanda ng pag-ibig na dapat masumpungan sa mga Kristiano kundi ito'y isang sakramento ng pagkatubos sa atin sa pamamagitan ng kamatayan ni Kristo; ano pa't sa kanilang mga matuwid, may karapatan sila sa pamamagitan ng pananampalataya na tumanggap nito.  Ang pagtanggap natin ng tinapay ay pakikibahagi sa katawan ni Kristo at gayon din ang saro ng pagpapala ay isang pakikibahagi sa dugo ni Kristo. 

Ang turo sa transustansiyasyon o ang pagbabagong likas ng tinapay at alak sa Hapunan ng Panginoon (upang maging literal na katawan ni Kristo) ay walang katotohanan at walang batayan sa Banal na Kasulatan, malinaw na sumisira ito sa tunay na kahulugan ng Banal na Komunyon, at nagbibigay pagkakataon para sa maraming haka-haka. Ang katawan ni Kristo ay ipinagkakaloob, tinatanggap, at kinakain sa Hapunan, tanging sa paraang makalangit at espiritual.  At ang tanging paraan sa pagtanggap sa katawan ni Kristo at pagkain nito sa Hapunan ay sa pamamagitan ng pananampalataya. 

Ang Sakramento ng Banal na Hapunan ay hindi iniutos ni Kristo upang sambahin.

19.  Tungkol sa Dalawang Bahagi (Ang Saro at Tinapay)   

Ang  saro ng Panginoon ay hindi dapat ipagkait sa mga layko o mga kaanib;  sapagkat ang dalawang bahagi ng Hapunan ng Panginoon, sa utos ni Kristo ay dapat na ipagkaloob sa lahat ng Kristiano. 

20.  Tungkol sa Isang Hain ni Kristo na Ginanap sa Krus

Ang handog ni Kristo, na minsang ginawa, ay siya lamang ganap na katubusan, hain at kabayaran para sa lahat ng mga kasalanan ng buong sanlibutan maging katutubo (original sin) o ginagawa man  (actual sin); at wala ng iba pang  makapagpapa-tawad sa kasalanan maliban doon.  Kaya nga, ang paghahain ng mga misa, na dito'y sinasabing iniaalay na muli ng pari si Kristo para sa mga buhay at patay, upang maalis ang sakit o pagkakasala ay isang gawang pamumusong at pandarayang mapanganib.

21.  Tungkol sa Pag-aasawa ng mga Ministro

Ang mga ministro ni Kristo ay hindi inaatasan sa kautusan ng Diyos na ipangako ang hindi pag-aasawa; kaya nga matuwid sa kanila, gaya ng lahat ng Kristiano na mag-asawa ayon sa kanilang minamagaling, na ang gayon ay lalong makatulong sa kanila tungo sa kabanalan. 

22. Tungkol sa mga Ritual at Seremonya ng mga Iglesia 

Hindi karapat-dapat na ang mga ritual at seremonyas ay magkakatulad sa lahat ng mga lugar, sapagkat ang ito'y tunay namang magkakaiba at nagbabago ayon sa pagkakaiba ng mga bansa, panahon, at kaugalian ng mga tao, basta't hindi ito salungat sa Salita ng Diyos.   Sinuman, ayon sa kanyang sariling palagay, ay magnanais at sadyang lalabag sa mga ritual at seremonya ng iglesia na kanyang kinabibilangan, at salungat sa Salita ng Diyos, kung ang mga ito'y itinatag at pinapatupad ng mga namumuno sa iglesia, ay kailangang ituwid ng lantaran, upang ang iba ay tumakot na tumulad sa kanya, sapagkat ang mga ganito ay makagugulo sa kaayusan ng iglesia at maaring makatisod sa mga mahihinang kapatid.

Ang bawat iglesia ay maaring gumawa, bumago at magalis ng mga ritual at seremonya, upang ang lahat ng bagay ay magkaroon ng kaayusan. 

23.  Tungkol sa Tungkulin ng mga Kristiano sa Pamahalaan

Tungkulin ng lahat ng Kristiano, lalong lalo na ng mga ministro na igalang at sumunod sa mga batas at sa mga utos ng mga namamahala at pinakamataas na kapangyarihan sa kanilang bayan, kung saan sila ay mga mamamayan, o kaya'y kanilang tinatahanan; at gawin ang lahat upang makatulong at makasunod sa mga may kapangyarihan.

24.  Tungkol sa Ari-arian ng mga Kristiano

Ang kayamanan at mga ari-arian ng mga Kristiano ay hindi kanila, maging sa karapatan, titulo at pagkamay-ari, gaya ng maling pagmamalaki ng ilan.  Gayon man, ang bawat tao ay nararapat, sa mga bagay na kanyang tinatangkilik ay magbigay ng sagana sa paglilimos sa mga dukha, ayon sa kanyang kakayahan.

25. Tungkol sa Panunumpa ng Isang Kristiano

Kung paanong tayo'y naniniwala na ang walang kabuluhan ang bigla-biglang panunumpa, ay ipinagbabawal sa mga Kristiano ng ating Panginoong Jesu-Kristo at ni Santiago na kanyang apostol, ganun pa man sinasabi natin na hindi ipinagbabawal ng pananampalatayang Kristiano ang pagsumpa sa harap ng husgado sa ngalan ng katapatan at pag-ibig, alinsunod sa mga turo ng mga propeta para sa katarungan, wastong paghatol at katotohanan.

Tungkol sa Pagiging Banal  (On Sanctification)

Ang pagiging banal ay tumutukoy sa pagbabagong ginagawa ng Banal na Espiritu na paglisan natin mula sa pagkahulog natin sa kasalanan, tinatanggap ito sa pamamagitan ng pananampalataya kay Jesu-Kristo, sa kanyang dugong tumubos, luminis sa lahat ng ating kasalanan; na hindi lamang nagligtas sa atin mula sa kasalanan kundi pa naman luminis sa lahat ng ating karumihan, nagligtas sa atin sa kapangyarihan ng kasalanan at nagbigay sa atin ng lakas, sa pamamagitan ng biyaya, upang ibigin natin ang Diyos ng buong puso at upang tayo ay ganap na makasunod sa kanyang mga  utos.  

Ang  artikulong ito ay paraan ng pagbibigay diin sa doktrinang Sanctification o Pagpapakabanal.  Tinatawag itong Pangalawang Kaloob (Second grace) dahil ang kaligtasan ay hindi lamang pagkamit ng minsanang kapatawaran (Justification) kundi nagpapatuloy ito sa walang humpay na pagkilos ng Diyos sa buhay ng mga naligtas.  

Covenant Service (Tagalog)

*Pambungad na Panalangin (Lahat)

   O Diyos na naka-aalam sa nilalaman ng aming mga puso,  Tinipon mo kami upang maging iyong iglesia,   Sa aming paglapit, kinikilala namin ang Iyong kadakilaan at awa.  At kami ngayon ay makikipagtipan sa Iyo, bukas ang aming mga puso,   Saliksikin mo Panginoon ang aming buong pagkatao.

  Manguna ka Banal na Espiritu tungo sa katotohanan at tanggapin mo po kami at kaawaan, alang-alang kay Jesu-Cristo ang naghaharing Panginoon, kaisa ng Espiritu Santo,  iisang Diyos magpakailan pa man. Amen.

SAGUTANG PAGBASA - PASASALAMAT SA DIYOS

L:  Pasalamatan natin ang Diyos sa lahat ng kanyang kabutihan.

K: Aming Diyos, nakikipagtipan kami sa Iyo,
     ikaw ang aming Panginoon at Kaibigan.
     Naging mabuti po kayo sa amin sa mga nakalipas na taon.
     Pinasasalamatan ka namin sa iyong pag-ibig at pagkalinga.
     Pinupuri namin ang Iyong Banal na  pangalan, O aming Panginoon at Diyos.

L:  Ikaw ang nagbigay sa amin ng buhay
      at pag-asa inilagay mo po kami sa isang mundo
      na puno ng inyong kaluwalhatian.

K:  Binigyan mo po kami ng pamilya
      at mga kaibigan at pinagpala mo kami
      ng maraming kapatid at kasama.

L:  Pinupuno mo ang aming mga puso tuwing kami'y uhaw sa Iyo,
      at ikaw ang nagbibigay sa amin ng tunay na kapayapaan.

K:  Kayo ang aming Tagapagligtas, at tinawag mo kami sa isang banal
      at marangal na tungkulin upang maglingkod kay Jesu- Cristo,
      at maging bahagi ng kanyang katawan, ang iglesia.

L:  Ikaw ang liwanag namin sa kadiliman
     ang aming lakas sa kahinaan at mga pagsubok
     ang makasama ka ay ang aming tanging kaligayahan
     sa paggawa, ikaw ang aming kalakasan.

K:  Inaalala mo kami tuwing kami ay nakalilimot
     Hinahanap mo kami tuwing kami ay lumalayo sa 'Yo
     Sinasalubong mo kami na may pagpapatawad
     tuwing kami ay nagbabalik loob sa iyo.

Lahat: Sa lahat ng iyong kabutihan, pinupuri ka namin
at pinasasalamatan!

ANG AKING TIPAN SA DIYOS

Pastor

Mga kapatid sa Panginoon, ang buhay Kristiano ay pagkakaroon ng buhay na ligtas sa kasalanan at nakatalaga sa Diyos.  Sa pamamagitan ng bautismo,  pumasok na tayo sa isang bagong  uri ng pamumuhay.  Naging kabilang tayo sa katawan ni Jesu-Cristo. Tinatakan tayo ng kanyang dugo upang tayo ay manatili sa kanya,  kailan pa man.

Sa isang banda, nangako ang Diyos sa atin ng isang bagong buhay kay Cristo, ang pinagmulan at kaganapan ng ating pananampalataya. Sa kabilang banda, kinakailangan tayong mangako, at makipagtipan sa Diyos, na hindi na tayo mabubuhay para sa sarili natin kundi para sa Panginoon na lamang.  Dahil tanging ang Diyos ang  umibig at nag-alay ng buhay para sa atin.

    Ngayon, nagtitipon tayo upang makipagtipan sa Diyos.

Italaga ninyo ang inyong mga sarili  bilang alipin ni Cristo.

Ipagkaloob ninyo ang sarili sa kanya, upang lubusan niya kayong pagharian. Maraming gawain si Cristo-Jesus, ang iba'y magaan at ang iba'y marangal, at mayroon ding mabigat at puno ng pagtitiis.
Mayroong gawain ang Diyos na nagbibigay kaligayahan sa atin, at mayroon ding gawain na hihiling ng ating sakripisyo. May mga gawain para sa Diyos na magagawa lamang sa pamamagitan ng pagtalikod sa sarili.  Mahalaga kung gayon na maunawaan natin kung ano ang ibig sabihin ng pagiging alipin ng Diyos. Lumapit kayo sa Diyos at manalangin.

Lahat:

   Panginoong Jesus, gawin mo akong alipin.  Susunod ako sa iyong mga utos at hindi na ako mabubuhay para sa aking sarili.  Tatalikuran ko ang aking sariling kagustuhan alang-alang sa Iyo Panginoon.

Pastor:

     Maging kuntento kayo at maging mapagpasalamat sa mga kaloob ng Diyos sa inyong buhay.

Lahat:

     Panginoon, gawin mo po ang nais mo para aking buhay. Inilalagay ko ang aking buong buhay sa iyong mga kamay. Sa paggawa man o sa kahirapan, sa karangalan o sa kahihiyan, sa kayamanan o kawalan.  Mapasa-akin man ang lahat ng bagay o mawala ang lahat sa akin.  Ang buong buhay ko ay sa iyo.

Pastor:

 Tagapagligtas lamang si Jesus ng mga naglilingkod sa kanya.

Ang kaloob niyang kaligtasan ay para lamang sa mga masunurin sa kanyang mga utos.
Panginoon lamang siya ng mga nagpapa-alipin sa kanya.
Ang tanging tinatanggap niya ay ang mga nagpapakumbaba sa kanyang harapan.

Makipagtipan kayo sa Diyos.  Isabuhay ninyo ang tipan na ito sa Panginoon.  Pakinggan ninyo ito-

Una, ipangako ninyo na magkakaroon kayo ng oras ng pakikipag-usap sa Diyos sa umaga at gabi.  Hilingin ninyo palagi ang pagtnubay ng Diyos, at hilinging kayo ay kanyang tanggapin.  At ayon sa tipan na ito, laging saliksikin ang iyong puso kung totoo ngang isinuko mo na ang iyong buhay sa Diyos.
Paka-isipin mo ang iyong mga nagawang kasalanan.
Pagbulayan mo ang mga banal na utos ng Diyos, na gaano man sila  kabigat, sinusunod mo ba ang mga ito ng buong kaligayahan sa tulong ng Espiritu?   Siguraduhin na hindi ka nagsisinungaling ngayon sa harapan ng Diyos.

Pangalawa, laging maging seryoso at tapat sa pakikiharap sa Diyos, sa diwa ng kanyang kabanalan at malalim na paggalang.

Pangatlo, tanggapin mo ang tipan ng Diyos sa iyo. Magtiwala ka lamang sa mga pangako at kaawaan ng Diyos upang magkaroon ka ng kalakasang tuparin ang mga ito.  Huwag kang magtitiwala sa sarili mong kabutihan at lakas.

Pang-apat, mangako na magiging tapat ka sa Diyos. Ipinagkaloob mo na sa Diyos ang iyong puso, bumigkas na tayo ng pangako sa kanya.  Nakatalaga na tayo sa Panginoon.  Ang patnubay ng Diyos ay sumasainyo, huwag na kayong babalik sa pagkakasala!

Maging handa kayo sa pagbigkas ng pangako sa Diyos ngayon. Buksan ninyo para sa Diyos ang inyong mga puso at manalangin.

PANALANGIN NG TIPAN

Lahat:

O banal na Diyos, alang-alang kay Jesu-Cristo na Iyong Anak, nagpapakumbaba po ako sa iyo.  Patawarin mo po ako sa aking mga pagkakasala.  Yamang ikaw ay nangako na magiging maawain ka kung magbabalik loob ako sa iyo ng buong puso.

Pastor  

Inuutusan kayo ng Diyos na alisin sa inyong buhay ang mga diyus-diyusan (anumang bagay na pinapahalagaan ninyo ng higit sa Diyos) .

Lahat:

Panginoong Jesus, buong puso kong iwinawaksi ang mga ito, at nakikipagtipan ako na hindi ko papayagang maghari sa aking buhay ang kasalanan. Noon Panginoon, tinalikuran kita at gumawa ako ng mga bagay na labag sa Iyo.  Ngayong ikaw ay nasa buhay ko, hindi na ako papayag na malayo pang muli sa iyo. Wala po akong maipagmamalaking kabutihan, wala po akong mukhang ihaharap sa inyo dahil sa aking mga kasalanan.

Pastor

Sa pamamagitan ni Cristo, ipinagkakaloob ng Diyos ang kanyang
sarili para sa Iyo.

Lahat:

Saksi ko ang langit at lupa, Ikaw ang aking Panginoon at Diyos. Tinatanggap kita Ama, Anak at Espiritu Santo at nangangako ako na iyo ang aking buhay, puso at lakas bilang iyong alipin, maglilingkod ako sa kabanalan at katuwiran habang ako ay nabubuhay.

Pastor 

Ipinagkaloob ng Diyos si Jesus upang maging tanging Daan tungo sa Diyos.

Lahat: 

Panginoong Diyos, tinatanggap ko si Jesus bilang tanging Daan at nakikipagtipan ako sa Kanya. Panginoong Jesus, lumalapit po ako sa inyo, hamak na isang makasalanan.  Hindi nga po ako karapat-dapat na makasalo sa iyong mga lingkod.  Tinatanggap kita at tinatalikuran ko na ang aking karumihan.

Tinatalikuran ko ang aking sariling karunungan, ikaw ang aking magiging gabay. Tinatalikuran ko ang aking sariling kagustuhan, ikaw ang masusunod sa aking buhay.

Pastor: 

Tinatawagan tayo ng Diyos na sumunod kay Jesus.

Lahat: 

Susunod ako sa iyo, Jesus, ito ang aking tipan. Ayon sa iyong kaawaan, ako ay nangangako na sa buhay man o kamatayan, hindi ako hihiwalay sa Iyo at sa Iyong iglesia.
Pastor:
Ipinagkakaloob ng Diyos ang kanyang mga Banal na Utos bilang tuntunin ng inyong buhay.

Lahat: 

Karangalan ang sumunod sa iyo, O Panginoon.  Ang iyong mga utos ay banal, matuwid at mabuti.  Tinatanggap ko ang mga ito bilang tuntunin ng aking buhay at hindi ako lilimot sa aking mga tungkulin. Panginoong Diyos, alam mo na  ginagawa ko ang Tipan na ito ng walang pagkukunwari.

Kung mayroon man, O Diyos tulungan mo akong ituwid ang aking sarili.

At ngayon,

Purihin ka O Amang Diyos!
Mula ngayon ikaw ang aking magiging Ama at Panginoon!

Purihin ka Diyos Anak!
minahal mo ako ng lubos at hinugasan sa aking mga kasalanan
at ngayon, Ikaw ang aking Panginoon at Tagapagligtas!

Purihin ka Diyos Espiritu Santo!
Na dahil sa iyong kapangyarihan, tinawag mo ako
mula sa kasalanan tungo sa Diyos.
Dakilang Diyos, Makapangyarihan sa lahat,

Ama, Anak, at Banal na Espiritu,
Ikaw ang aking Banal na Kaibigan,
Nakikipagtipan ako sa iyo bilang iyong lingkod,
Mangyari nawa ang tipan na ito sa lupa
at kikilalanin sa kalangitan. Amen!

_______________________________
Pangalan at Lagda

(Gawin ang kasunduang ito hindi lamang sa iyong puso, kundi sa salita.  Hindi lamang sa salita kundi sa paglagda. Ng buong paggalang, gawin itong tipan sa Diyos.  Lagdaan at sinupin. Gamitin ito bilang katibayan ng iyong pakikipagkasundo sa Diyos, at bilang inspirasyon upang magkaroon ng kalakasan sa mga pagsubok.)  

Himnario ng Nagkaisang Iglesia Metodista (Tagalog - Mga Clasikong Himno)

ANG KUMPLETONG SIPI NG BOOKLET NG IMNARYONG ITO AY AVAILABLE
KAY PTR. JESTRIL, CP 09271349895.

160 Bilang ng mga Imno, kasama ang mga bagong salin ni Ptr. Jess Alvarado.

_______________________________________________
Christ the Lord is Risen Today

Si Jesus ay nabuhay - aleluya
Mga angel nagsaysay - aleluya
Itanyag ang katwaan - Aleluya
Lupa't langit magdiwang - aleluya.

Naganap ang pagtubos - aleluya
Pagbabaka'y natapos - aleluya
Nagtagumpay na lubos - aleluya
Sa kamataya't lunos - aleluya. 

Nawalang kabuluhan - aleluya
Ang batong tinatakan - aleluya
Pinawi'y kamatayan - aleluya
Paraiso'y binuksan - aleluya. 

Palalong kamatayan - aleluya
Ang tibo mo'y nasaan? - aleluya
Si Jesus ay nabuhay - aleluya
Sa Iyo'y nagtagumpay - aleluya! 

Dios Natin ay Luwalhatiin
(CRL Hymnal, Liriko ni Rev. Danilo Sanchez, Musika: Pajaro)

Dios natin ay l’waltian, atin S’yang papurihan,
May paggalang na lapitan, Ngalan N’ya’y ipag-awitan.

Koro:   
Diyos ng awa,  Diyos ng pagsinta, tanggapin aming pagsamba;
Alay namin puso’t kalul’wa, at laging ppupurihin Ka.  Amen.

Sala nati’y ipahayag, nang kamtin ang patawad,
Ating dalhin ang bagabag, pala N’ya ay igagawad.

Nasa ng Diyos ay hanapin, aral N’ya’y dinggin natin.
Buhay natin ay ihain, atas N’ya ay ating tupdin.

___________________________


O Bathala Kung Masdang May Paghanga
(How Great Thou Art)

O Bathala, kung masdang may paghanga,  sanlibutang, Ikaw ang lumikha;                 
Bit'win at b'wan kulog man na maingay,  kapangyarihan Mo'y sinasaysay.
Koro:
Umaawit ang aking kalul'wa, dakila Ka, O Dios Ama 
Umaawit ang aking kalul'wa, dakila Ka, dakila Ka.

Ang dangal Mo'y bihis ng kagubatan,   awit ng ibon sa kakahuyan;                   
Liwanag sa bundok, lunsod at bayan;  huni ng batis at ng hangin man.

Pagdating ng Cristong lalong mabunyi, dadalhin N'ya ako sa l'walhati;             
Mapagpakumbaba akong sasamba,  sasaysayin, Dios ko, dakila Ka!

_____________________  

O Diyos Naming Ama 

(Great is Thy Faithfulness)

O Dios naming Ama laging tapat ka, Hindi nagbabago sa twi-twina; 

Namamalagi ang awa’t pagsinta, Ang katapatan Mo’y walang hangga.

Koro: 

Tunay Kang matapat, Tunay Kang matapat

Araw-araw aking namamalas, ang nasa ko ay aking natatanggap, 

Tunay Kang matapat hanggang wakas.Amen.

Tag-ani, tag-ulan at sa tag-araw; B’wan,araw at bitwin kumikinang,

Nag-aawitan na may kasayahan, Katapatan mo O Dios ay tunay.

Kapatawaran at kapayapaan, mga pangako Mong umaakbay,

Ang pag-asa’t lakas ay sumisilang, Ang lahat na ito’y labo’b lamang.

_________________________  

Kapanatagang Maligaya
(Blessed Assurance, Jesus is Mine)

Kapanatagang maligaya, na idinulot ng Diyos Ama
Sa klaluluwang nagkasala, na nahahanda sa parusa.

Koro:
Ako’y aawit gabi’t araw, sa pagpupuring walang humpay,
At ang kay Cristo na pangalan, purihin nating walang hanggan. Amen.

Wagas na handog ng pagsuko, wagas na daing ng pagsamo,
Wagas na labi, sampung puso, ang ihahandog kong pangako.

Wagas na gawa ng pag-ibig, sa Dios at tao’y isusulit,
Upang malayo sa panganib, at sapitin ko yaong langit.

_______________________________ 

Sa Tana’ May Balitang Mainam
(We’ve a Story to Tell)

Sa tana’y may balitang mainam, upang puso’y liwanagan,
Balita ng katotohana’t kapayapaa’t buhay! Kapayapaa’t buhay!

Koro:
Ang dilim ay magliliwanag at sa lupa ay itatatag,
Ni Cristo ang kaharian ng pag-ibig at liwanag. Amen.

Mayroong awit na aawitin, puso kay Cristo ay dalhin,
Awit sa sama ay susupil, dudurog sa patalim.  Dudurog sa patalim.

May magandang balita sa lahat, na ang Hari sa itaas,
Sinugo ang Anak na liyag, upang tayo’y iligtas! Upang tayo’y iligtas!

Nagligtas ay ating ipahayag, daang malungkot tinahak,
Upang ang lahat ng tao, sa Kanya ay maligtas, katotohana’y gawad.


_________________________


Tawag ng Macedonia’y Napakinggan
(Send the Light)

Tawag ng Macedonia’y napakinggan, “Ilaw kami’y dalhan.”
May mga kaluluwang nadirimlan, at nangaliligaw.

Koro:
Ang ilaw ng Bagong Balita, siyang paliwanagin!
Sa lahat ng nagiging aba, sa salang nasa atin. Amen.

Tinig ng Macedonia’y napakinggan”Ilaw, kami’y dalhan!”
Tulong naman namin ay nalalaan, upang dalhin ang ilaw.

Biyaya ni Jesus ay makakamtan, na taglay ng ilaw.
Kaya’t ibalita ang kanyang aral, sa mga naligaw.

Sa gawang pag-ibig h’wag manglupaypay at dalhin ang ilaw,
At samantalang may lakas pa’t buhay, itanglaw ang ilaw.

__________________________

Putungan ang Hari

(Crown Him with many Crowns)

Hari ay putungan si Cristong Cordero,  

Pakinggan ang hukbo ng anghel na nag- aawitan;

Siya ang Panginoon at Manunubos ko,

Atin Siyang luwalhatiin Haring walang hanggan.

Cristong Anak ng Dios ating dakilain,

Pagliligtas Niya’y ipahayag sa sang katauhan;

Naghirap Siya sa krus nang dahil sa atin,

Bawat manalig sa Kanya ay may kaligtasan,

Si Cristo ang Haring nagbibigay buhay,

Sa libingan Siya’y nagtagumpay puspos ng luwalhati,

Ngayo’y nakaluklok sa tronong marangal,

Walang hanggan tayong kasama Niyang maghahari.

Putungan si Cristong Hari ng pag-ibig,

Sa kalbaryo’y kusang namatay nang tayo’y maligtas;

Kaya’t ang ngalan Niya’y paksa ng pag-awit,

Kaluwalhatian Niyang taglay ay di magwawakas. Amen!.

_____________________  

Ang Pag-asa Ko’y Natatag

(My Hope is Built on Nothing Less)

Ang pag-asa ko’y natatag, sa kabanalan at hirap,

Ng ngalang Jesus na tanyag,  higit sa larawang lahat.

Koro:

Si Cristo’y batong matibay,  na aking kinasaligan

Di gaya ng buhanginan. Amen. 

Maging alon mang mabagsik, at bagyo’y di maibubuwal

Ang pag-asa sa biyayang aking pinanghahawakan. 

Siya kung dito ay dumating, ako nawa ay maratnang

May damit ng kabanalan, Diyos ay pinaglilingkuran. 

____________________  

Banal! Banal! Banal!

(Holy! Holy! Holy!)

Banal! Banal! Banal!, Dios na maalam,  Ikaw ngayo’y aming pinapupurihan;

Banal! Banal! Banal! Makapangyarihan,  Dios na tatlong Personang marangal.

Banal! Banal! Banal! Sa ‘Yo nag-aalay,  at nanambahan ang lahat ng banal

Kerubin at Serapin ay nagluluhuran, sa pagsamba sa ‘Yo walang hanggan.

 Banal! Banal! Banal! Kahit di mamasdan ng makasalanang taong nadirimlan,

 Ang kal’walhatian Mo at kabanalan,   puspos pag ibig at kalinisan.

Banal! Banal! Banal! Dios dinadakila  ng tanang likha Mo sa langit at lupa;

Banal! Banal! Banal!Mahabaging lubha,  Dios na tatlong Personang dakila. Amen.

___________________   

Aking  Minamahal, Iyong Kaharian

(I Love Your Kingdom Lord)

Aking minamahal, iyong kaharian

Iglesiang binayaran ng dugo mong marangal.

Ang tunay kong nasa'y makitang marangal

Walang bahid at dalisay iglesia mong mahal.

Ang aking dalangin lahat kong gawain,

Sa kanya ko dadalahin nang pala ay kamtin.

Ang ka'walhati'y kan'yang ibibigay

Sa Zion kong bayang mainam puspos ng kat'waan.

________________________  

PurihinSiya na Diyos at Hari

(Praise to the Lord, the Almighty)

Purihin Siya na Dios at Hari ng sansinukob!

Kaluluwa ko, magpuri sa iyong manunubos!

Ang Dios natin ay luwalhatiing lubos,  awitan Siyang may pag-irog.

Purihin Siya na may ari ng sangkalikasan,

Sa ngalan Niya lahat tayo ay may kaligtasan;

Bawat tao, bawat kanyang nilalang ay pinagpapalang tunay.

Puri sa Dios na Siyang tanging Panginoon natin,

Patnubay Niya’t habag ay laging sumasaatin;

Umaaliw kung tayo’y naninimdim,  Pag-ibig Niya’y walang maliw.

Puri sa Dios, Siya ay lagi nating luwalhatiin!

Sa bawat sandali ang Dios ay ating purihin!

Pagluwalhati’y ating ulit-ulitin,  Ang Dios ay laging purihin. Amen.

____________________________  

Ang Pag-asa Ko’y Natatag

(My Hope is Built on Nothing Less)

Ang pag-asa ko’y natatag, sa kabanalan at hirap,

Ng ngalang Jesus na tanyag, higit sa larawang lahat.

Koro:

Si Cristo’y batong matibay, na aking kinasaligan

Di gaya ng buhanginan.  Amen. 

Maging alon mang mabagsik,  at bagyo’y di maibubu'bwal

Ang pag-asa sa biyayang aking pinanghahawakan. 

Siya kung dito ay dumating, ako nawa ay maratnang

May damit ng kabanalan, Diyos ay pinaglilingkuran. 

_________________  

Ang Iyong Puso Kaya’y nalinis Na?

(Are You Washed in the Blood?)

Ang iyong puso kaya'y nalinis na sa dugo ng Corderong Banal?

Ang tiwala mo kaya'y nalagak na sa dugo ng Corderong Banal?

Koro: 

Sala mo kay rumi!  Nahugasan na ba ng dugo?

Ang iyong puso kaya'y nalinis na,  nahugasan na ba ng dugo?

Bawat araw ba'y nagpapasakop ka kay Jesus na kordero ng Diyos?

Bawat oras ba'y nagtitiwala ka  kay Jesus na Kordero ng Diyos?

Maputi  ba ang iyong kasuotan, nahugasan ka ba ng dugo?

Pagdating niya handa ka bang tunay, nahugasan ka ba ng dugo?

Kasalana'y iwaksi ng lubusan, magpalinis ka na sa dugo.

May bukal na lunas sa kasalanan, magpalinis ka na sa dugo.  

______________________________________________  

Si Jesus ay Kaibigan

(What A Friend We Have in Jesus)

Si Jesus ang kaibigang  matapat kailan pa man;

Tayo ay tinutulungan at pinapatnubayan;

Kay daming lumbay at hirap na ating pinapasan;

Bakit di natin ilagak sa Kanya, lahat-lahat?

May pagsubok ba sa buhay  at bigat pinapasan?

Tayo’y huwag manlulupaypay,  sa Diyos natin isaysay;

Si Jesus walang katulad na karamay sa hirap,

Sa kanya tayo tumawag,  upang tayo’y maligtas. 

Tayo ba ay may pasanin, at mga suliranin?

Sa Diyos natin idalangin,  at tayo’y aaliwin;

Kaibigan ma’y lumimot, sa Diyos natin idulog;

Kay Jesus tayo pasakop  at laging magpakupkop. Amen

__________________________  

Kay Jesus Iniaalay Ko
(I Surrender All)

Kay Jesus Iniaalay ko, sa Kaniya ang lahat:
Akin Siyang iibigin, magpahanggang sa wakas.

Koro:
Iniaalay ko, Iniaalay ko,
Sa ‘yo ang lahat Oh, Cristo, iniaalay ko. Amen.

Kay Jesus iniaalay ko, paluhod sa paanan:
Kamunduha’y tatalikdan, kupkupin mo ngang tunay.

Kay Jesus iniaalay ko, gawin akong ‘yong Iyo;
Banal na diwa’y puspusin, ikaw ay suma akin.

Kay Jesus iniaalay ko,  Ama buhay sa Iyo:
Pag-ibig mo ay ilapit, sa aki’y ipakamit.

Kay Jesus iniaalay ko, ang boong pagkatao;
Aleluya! Layang lubos, gloria sa Manunubos!

______________________________ 

Kalooban Mo ang S’yang Sundin
(Have Thine Own Way Lord)

Kalooban Mo ang s’yang sundin putik ako na huhugisin,
Ayon sa ibig Mo ay gawin, handa akong Iyong baguhin.

Kalooban Mo nawa’y gawin ako ngayon ay ‘yong subukin.
Ako’y hugasa’t paputiin, nakatungong Ikaw’y hihintin.

Kalooban Mo’y s’ya kong sundin ako’y tulungan ang dalangin,
Kapangyarihan ay Iyo rin hipuin Mo at pagalingin.

Sundin Mo ang ‘Yong kalooban, ako’y sakupin ng lubusan.
Hanggang si Cristo ay mamasdang tanging sa aki’y tumatahan. Amen.

_________________________

Ang Pangako Ko Jesus Ikaw’y Paglingkuran
(O Jesus I Have Promised)

Ang pangako ko Jesus Ikaw’ y paglingkuran,
Ako ay saklolohan O Jesus na mahal!
Ang pakikipaglaba’y di katatakutan,
Tatahakin ang daan kung papatnubayan.

Maramdaman kong laging malapit ka sa ‘kin;
Sanglibutan ay sutil, tukso’y walang tigil;
Kaaway nagdidilim ako’y naninimdim;
Kaya Jesus kupkupin at ako’y akayin.

Bayaang Mong sa lihim ang tinig Mo’y dinggin,
Manga maling nasain ay aking patayin;
Patotohanang muling ako’y pipigilin;
Ang nais Mo’y sabihin, at aking susundin.

Ang pangako Mo, Jesus, sa bawa’t susunod,
Kung saan Ka lulukluk doon kami kupkop;
Ako’y isang nangakong sa ‘yo’y maglilingkod;
Tulong Mo ay ihandog upang makasunod. Amen.

______________________________ 


Ang Ningning ng Kaawaan
(Brightly Beans the Father’s Mercy)

Ang ningning ng kaawaan, ng Amang tumatanglaw;
Sa ‘ti’y pinababantayan mga ilaw sa pampang.
Koro:
Bayaang nagliliwanag ilaw sa tabing dagat;
Upang ang nangaglalayag ay Iyong mailigtas. Amen.

Kay dilim ng kasalanan alon ay umuungal;
May mga matang pag-asa’y ang liwanag sa pampang.

Hayo na’t papagningasin ilaw mong makulimlim,
Nang iba’y mangaligtas din; at maagaw sa dilim.

____________________________________ 

Jesus Kong Ligayang Tunay
(Thou My Everlasting Portion)

Jesus kong ligayang tunay at sa akin ay buhay,
Sa landas ng kahirapan ako’y Iyong samahan;
Sa piling Mong hirang, sa piling Mong hirang,
Sa landas ng kahirapan ako’y Iyong samahan.

Hindi ang lugod at yaman ang hanap ko at dangal,
Kaya’t sa katotohanan ako’y Iyong samahan.
Sa piling Mong hirang, sa piling Mong hirang,
Kaya’t sa katotohanan ako’y Iyong samahan.

Sa dilim ng kaparangan, bangis ng karagatan,
At hirap ng paglalakbay, ako’y Iyong samahan.
Sa piling Mong hirang, sa piling Mong hirang,
Sa hirap ng paglalakbay ako’y Iyong samahan. Amen.

_________________________________   

O, Muli Ninyong Iawit, Ang Sabing Matamis  

(Wonderful Words of Life) 

O, muli ninyong iawit, ang sabing matamis            

Na ang twa ko'y masisilip, doo't mababatid.          

Buhay at pag-ibig, pala at tangkilik                   

Anong dikit, anong dikit, ng sabing matamis   

Anong dikit, anong dikit, ng sabing matamis

Si Jesus ay nagagawad, ng sabing masarap,                                                              

 Ang tinig Niyang matimyas, ganito ang saad,                                                           

Ligtas ka sa habag, langit ang tumawag;                    

Anong galak, anong galak, ng sabing masarap 

Anong galak, anong galak, ng sabing masarap

Dingging muli ang pag-awit, ng sabing matamis,   

Ang sala ay nalilinis, ng dugong natigis.             

Buhay at pag-ibig, pala at tangkilik,                   

Anong dikit, anong dikit, ng sabing matamis  

Anong dikit, anong dikit, ng sabing matamis

________________  

Ako ay May Kaibigan  Na Lubhang Mapagmahal
(I’ve Found a Friend)

Ako ay may kaibigan  na lubhang mapagmahal,
Ako’y Kanyang tinalian  nang din a mahiwalay
Sa lubos na katamisan  Aming pag-iibigan;
Ako’y nagging Kanya lamang, magpakailan pa man.

Ako ay may nasumpungan na tanging kaibigan;
Sa krus Siya ay namatay upang ako’y mabuhay.
Kaya at lahat kong taglay, handog ko sa nagbigay;
Puso, lakas ko at buhay ay Kanya kalian man.

Ako ay may nasumpungang tapat na kaibigan!
Tagapayo at patnubay, malakas kong sanggalang.
Ano ang maghihiwalay sa Kanyang pagmamahal?
Sa mabuhay o mamatay, Ako’y di iiwanan. Amen.

_____________________

Dios ay Suma’yo Hanggang Muling Pagkikita-kita Natin
(God be With You Till We Meet Again)

Dios ay suma’yo hanggang muling pagkikita-kita natin,
Kalinga N’ya ay ‘yong dalhin sa lahat nga ng ‘yong lakbayin.
Koro:
Sa muling pagkikita-kita sa paanan ni Jesus;
Sa muling pagkikita-kita, patnubayan ka nawa ng Dios. Amen.

Tanggapin ang Kanyang biyaya, ang ingat patnubay N’ya,
Ang mahal N’yang pag-aadya nang malisya ka nga sa sama.

Bathalang dakila’y suma’yo sa hirap nang pagtawid mo.
Sa tuksong nasa sa mundo, sa gayo’y magkikita tayo.

Lingap N’ya nawa ay ‘yong kamtan, sa pag-ibig N’ya’y lukuban;
Nang magtagumpay kang tunay sa dulot nitong sanglibutan.

____________________

Ako Ngayo’y Kay Cristo

Now I Belong To Jesus)

Pagmamahal sa akin ni Cristo di magmamaliw, di magbabago

Buhay Niya ay inihandog nang ako’y matubos.

Koro:

Ako ngayo’y kay Cristo, si Cristo’y sa akin

Kahit pumanaw sa mundo, at langit ay datnin. Amen! 

Buhat sa lusak ng kasalanan iniligtas ako ng lubusan

Ang buhay ko ay hawak niya dahil ako’y kanya. 

Sa aking puso’y nag-uumapaw ang kagalakan sa bawat araw

Buhat nang iligtas ni Jesus sa ligaya’y puspos. 

_______________________  

Buhay Ko'y Iyong Kuni't, Banalin sa Gawain

(Take My Life and Let it Be)

Buhay ko'y Iyong kuni't, banalin sa gawain                        

Kamay ko'y pagalawin, sa udyok ng paggiliw, sa udyok ng paggiliw.

Paa ko'y kuni't gawing, Matulin sa gawain,

Aking laging awitin, Dios ay ating purihin, Dios ay ating purihin.

Bibig ko'y puspusin Mo, Biyayang mula sa Iyo;               

Ang pilak at ginto ko, ipaglilingkod sa 'Yo, ipaglingkod sa Iyo.

Ang pag-ibig ko, O Dios, Ay aking ihahandog;            

Nang maging Iyong lingkod, Na sa Iyo'y susunod, sa Iyo ay susunod. Amen.

______________________   

Patnugot Ko ay si Jesus

(He Leadeth Me)

Patnugot ko ay si Jesus, At kaaliwan ng loob,                

Sa anomang aking kilos, Ako ay Kaniyang kupkop. 

Koro: 

Patnugot Kita, O Jesus, Sa anomang aking kilos;           

Tapat akong tagasunod, Sa salita Mong mairog. AMEN. 

Kahit sa masayang bayan, O sa kapighatian man,                   

Sa dagat na kalawakan, Ang patnugot ko ay Ikaw.

Jesus kamay ko'y abutin, At huwag Mo akong hapisin    

Sa laot ng madlang lagim, Patnugot Kita at aliw

At sa aking kawakasan, Biyaya Mo ay pakamtan,            

O Jesus, sapagkat Ikaw, Ang patnugot ko saan man.

_________________________   

Ang Bawat Nilalang ng Dios

(All Creatures of Our God and King) 

Ang bawat nilalang ng Dios, 

Magpuri sa Manunubos; Aleluya! Aleluya!  

Ang araw na maliwanag at ang buwang sakdal dilag; 

Dios ay ating papurihan, Aleluya! Aleluya! Alelu…ya!

O mga hanging malakas, 

At nasa langit sa ulap; Dios ay inyong papurihan!

Pagbubukang liwayway man, dapit hapong dumaratal,

Dios ay inyong papurihan. Aleluya! Aleluya! Alelu…ya!

O lupang laging nay taglay, 

Na pala iyong kamay, Dios ay inyong papyrihan!

Bungang kahoy at bulaklak, mag- awitan nang may galak!

Dios ay ating papurihan, Aleluya! Aleluya! Alelu…ya!

Tayong  lahat na tinubos  

ni Jesus na Anak ng Dios- Dios ay ating l’walhatian;  

Tayong laging naninimdim kung sumasapit ang dilim, 

Dios ay ating lwalhatian, Aleluya! Aleluya!  Alelu…ya! Amen!

_________________  

O  Dios  ng Aming Mga Magulang

(God of Our Fathers)   

O  Dios  ng aming mga magulang, akayin kami at patnubayan.

Ng iyong ilaw  ng kabanalan, mula sa iyong  kal’wahatian.

 Ang pag-ibig na aming tinanggap, sa aming bayan ay ilaganap;

Ikaw nawa sa ami’y mag-ingat, kautusan mo’y aming matupad.

Ipag-adya kami sa panganib, ng kamay mo na mapagtangkilik:

Palakasin mo an gaming bisig sa kapayapaan ay ihatid.

Buhay ng aming bansa’y puspusin, ng liwanag ng iyong luningning;

Buong puso naming mamahalin ang ngalan mo’y aming pupurihin. Amen.

_________________________   

Sa Lupang Kagandahan

(For The Beauty of the Earth)

Sa lupang kagandahan at sa kal'walhatian

Sa pag-ibig na alay mula sa 'ming pagsilang.

Koro: 

Diyos ng buong nilalang pinasasalamatan. Amen!

Sa panahong mainam, ng gabi at ng araw

Parang at bulaklakan, bituin araw at buwan.

Sa galak ng tainga, puso, isip at mata

Hiwagang magkasama, ng himig at ligaya.

Dahil sa pag-ibig ng kapatid at magulang

At mga kaibigan, sa lupa't sa langit man.

Sa iglesia mong banal tuwina ay katuwang

Sa nangangailangan ng gawaing marangal.

Sa banal mong kaloob na sa amin ay handog,

Sa dakilang pag-irog ni Cristong mananakop.

________________________   

Pagtakas ng Dilim 

(When Morning Guilds the Sky)

Pagtakas ng dilim ako ay gigising, si Cristo’y purihin!

S gawa’t dalangin aking sasabihing, “Si Cristo’y purihin!”

Tunog ng batingaw, aking napakinggan, “Cristo’y papurihan!” 

Siyang alingawngaw ng mga awitan, “Cristo’y papurihan!” 

At kung may pasanin, aking wiwikain, “Si Cristo’y purihin!”

Kahit na dumilim di ko papansinin, “Si Cristo’y purihin!” 

At sa kalangitan, masayang awitin, “Cristo’y papurihan!”

At ang kalupaan aawit din naman, “Cristo’y papurihan!” 

__________________________   

Maglingkod kay Jesus ay Kaaliwan

(It Pays to Serve Jesus)

Maglingkod kay Jesus ay kaaliwan pagka’t sa kanya’y may kagalakan;

Ito’y isang ganap na katungkulan  ng tao sa bawa’t araw.

 Koro:

Maglingkod kay Jesus,  tayo’y maglingkod,

Bawa’t  maglingkod; tayo’y  maglingkod,

Kay Jesus ay maglingkod na masaya at walang pagod. Amen. 

Tayo’y  maglingkod anomang  sapitin,  at magtapat kahit anong gawin;

Pagka’t siya’y mayama’t mahabagin, bawa’t aral  ating sundin.

Bagama’t mahirap ang daraanang  patungo doon sa kalangitan:

Si Jesus ang sa ati’y papatnubay, kung maglingkod bawa’t araw.   

________________  

Si Bathala ay Matibay 

(A Mighty Fortress is Our God)

Si Bathala ay matibay, na moog nati’t kalakasan, 

Siya ang ating tanggulan, sa paglaban sa kasamaan;

Pagka hinahalay tayo ng kaaway 

Siya ang tawaga’t, ang pagtatagumpay 

sa tulong N’yay ating kakamtan. 

Kung sariling kalakasan, ang s’ya nating panghahawakan, 

Tayo ay mapipilan, sa ating pakikipaglaban;

Ngunit kung ang Banal ang ating kapisan, 

Walang katakutan tayo sa digmaan.  

Sa tulong N’ya’y magtatagumpay. 

Sa mundo man ay umapaw ang sama’t kalupitan, 

Wala kaming agam-agam, pagka’t Diyos ang aming tanggulan;

Puno ng karimlan di katatakutan, 

pagka’t nalalamang siya’y wawakasan,

Ng kay Jesus na wika lamang. 

Ang kay Cristong wika lamang , higit sa mundong kalakasan, 

Espiritung ibibigay niyang kakampi nating tunay.  

Sa pakikilaban buhay ma’y maparam.  

Ang kalwalhatian ng Dios na marangal

Ay siya naming itatanghal. Amen. 

_______________   

Samahan Mo Ako Jesus

(O Master Let Me Walk with Thee) 

Samahan Mo ako Jesus, sa paggawa't paglilingkod;  

Lihim Mo ay ipatalos, nang lumakas yaring loob.

Ang pusong nanglulupaypay, sana'y aking matulungan;  

Salita ng pagmamahal, sa kanya ay maibigay.

Ako'y turuang magtiis, tulad ng Iyong sinapit;                 

Sa gawain ng pag-ibig, tanang sama'y nang magahis.

At umasang Ikaw lamang, ang tanglaw sa aking daan;       

Sa Iyong kapayapaan, ako'y loobing mabuhay. Amen.

___________________   

Tayo ay Tinatawagan

(Jesus Calls Us O’er the Tumult)

Tayo ay tinatawagan, sa mga kaguluhan;               

Ni Jesus na nagsasaysay, “Alagad ako’y sundan.”

Sa hidwang pananambahan, tayo’y tinatawagan,   

At ang Kanyang sinasaysay, “Ako ang paglingkuran.”

Sa lungkot at kagalakan, gawa’t kapahingahan;   

Payo ay di nagkukulang, “Pag-ibig mo’y dagdagan.”

Kami’y Iyong tinatawag, sa Iyong pagkahabag;       

Dinggin naming boong galak, sundin Ka hanggang wakas. Amen.

_______________

Pastor Kang Aming Patnugot           
(Savior, Like A Shepherd Lead Us)

Pastor Kang aming patnugot,  pag-iingat Mo'y lubos;
Ikaw nga ang nagdudulot, ng tahanang malugod;
Mapagpala naming Jesus, sa tanan ay tumubos,
Mapagpala naming Jesus, sa tanan ay tumubos.

Kami ngayo'y alagaan, sapagka't Iyong tunay;
Kaya't sa tunay na daan, itungo kung maligaw. 
Mapagpala naming Jesus, dinggin ang aming luhog,
Mapagpala naming Jesus, dinggin ang aming luhog.

Ang pangako Mo ay pala, kahi't masalang lubha;     
Ikaw sa ami'y maawa, iligtas sa dalita.           
Mapagpala naming Jesus, lingapin ang may lunos,
Mapagpala naming Jesus, lingapin  ang may lunos.     

At nang dagling matutuhan, banal Mong kalooban;         
Ang biyaya ay pakamtan, sa nangangailangan,   
Mapagpala naming Jesus, lubusin ang pag-irog,
Mapagpala naming Jesus, lubusin ang pag-irog. Amen!

________________________ 

Hari Kang Tunay
(Fairest Lord Jesus)

Hari kang tunay ng iyong nilalang, Diyos na makapangyarihan!
Ikaw ang aking kal’walhatian, sasambahi’t igagalang!

Mga halaman, kahuyan at parang, magaganda kung tag-araw,
Ngunit higit kasa kagandahan, umaaliw sa may lumbay.

Sikat ng araw, bituin at buwan, maningning sa kalangitan,
Ngunit ang sikat at kaningningan ni Cristo’y lalong makinang. Amen.

_____________________________ 

Itong Sanlibutan ay sa Aking Ama
(This is My Father’s World)

Itong sanlibutan ay sa aking Ama,
Katalagaha’y may awit na aking naririnig,
Itong sanglibutan ay sa aking Ama,
Bata, kahoy, langit , dagat, gawa Niya’ng lahat.

Itong sanglibutan ay sa Amang gawa,
Mga ibo’y umaawit, puri sa Lumikha;
Itong sanglibutan ay sa aing Ama,
Sa kahoy at mga damo Siya’y nakikita.

Itong sanglibutan ay sa aking Ama,
Sama’y malakas man wari Diyos din ang siyang Hari,
Itong sanglibutan ay sa aking Ama,
Lupa’t langit na gawa N’ya, magiging iisa. Amen.


________________________ 

Mga Anak ng Diyos, Tayo ay Magdiwang
(We’re Marching to Zion )

Mga anak ng Diyos tayo ay magdiwang, mag-awitan tayong lubos
Mag-awitan tayong lubos sa harap ni Jesus.  Sa harap ni Jesus!

Koro:
Hayo nga’t magdiwang mag-saya at mag-awitan!
Si Cristo’y pasalamatan habag tayo ay may buhay. Amen!

Nasa piling ng Diyos saganang biyaya. Laan sa pusong dakila,
Laan sa pusong dakila, may banal na nasa. May banal na nasa.

Lumapit kay Jesus, taong nagkakasala. Pagbutihin mga gawa
’Pagbutihin mga gawa, tatamo ng pala. Tatamo ng pala.

___________________ 

PAGPAPALA NIYA’Y BILANGIN MO
(Count Your Blessings)

Kung bagyo sa buhay mo’y dumadalaw, at ang pag-asa’y waring napaparam,
Pagpapala ng Dios ay bilangin mo, sisiglang muli ang iyong espiritu.

Koro:
Pagpapala Niya’y bilangin mo, pagpapalang kaloob sa iyo;
Bawat pala na nakakamit kaloob ng Dios, pagkat Siya’y pag-ibig.

May tinitiis ka bang karamdaman, krus mu bang pasan ay may kabigatan?
Pagpapala ng Ama ay bilangin, puso mo’y mapupuspos ng awitin.

Kung mabibigat ang suliranin mo Dios  nama’y hindi lumalayo sa iyo;
Angeles ng Dios sa iyo ay tutulong dahil sa mahal ka ng Panginoon.


_____________________________ 

Tinig Mo’y Narinig
(I Hear Thy Welcome Voice)

Tinig Mo’y narinig tinatawag ako,
Upang linisin ng dugong ‘nagos sa kalbaryo.

Koro:
Lumalapit nga ngayon sa Iyo,
Linisin ng dugo Mong ‘nago sa kalbaryo. Amen.

Mahina’t masama, binibigyang lakas,
Kasamaa’y nililinis hanggang maging wagas.

Siya\y tumatawag upang maging sakdal,
Sa karanasan sa buhay maging sa diwa man.

Binibigyang tapang mga pusong tapat,
Pangako Niya’y  natupad sa nagsisihanap.

___________________ 

Ikaw ang Batong Buhay
(Rock of Ages Cleft For Me)

Ikaw ang batong buhay, na sa aki’y nabuksan,
Ako’y isinanggalang sa lakas ng kaaway;
Batis kang sakdal inam, gamot naming may damdam.

Hanggang may tumitibok, hininga sa pag-irog,
Hindi ako tutugot hanggang ‘di maibantog,
Ikaw ang nagpalubog sa angkan ng balakyot.

Iyaalay kong lahat buhay ko hanggang wakas,
Kami’y pawang haharap, sa hukuman Mong tapat;
At doo’y mahahayag ang tanang pagkahubad. Amen.


__________________________ 

Maligayang Araw Noong Paglingkuran Ka Panginoon
(O Happy Day the Fixed My Choice)

Maligayang araw noong paglingkuran ka Panginoon,
Ang t’wang ito dapat ngayong sabihin sa may linggatong.

Koro:
Oh laking ligayang sa awa Niya’y nakamtan!
Tanglaw ka at kalayaan sa aking pagtatagumpay,
Sa hirap ngang tanan, buhay ko ay nabihisan. Amen.

Sa salitang matatamis dalisay Niya’ng pag-ibig,
Ako sa kaya’y nanalig at nagalak akong labis.

Katungkulan ko’y ganap na, Kanya ako at akin S’ya,
Akin ngang nakikilala malugod Niyang anyaya.

Hapong puso’y magtigil na, sa gawang pagkakasala,
Sa ligaya’y mamuhay ka, lumagi ka sa kaniya.


______________________ 

Magiliw na Tumatawag si Jesus
(Softly and Tenderly Jesus is Calling)

Magiliw na tumatawag si Jesus, sa iyo at sa akin,
Sa pintuan ng puso’y tumutuktok, buksa’t Siya’y tanggapin.

Koro:
Lapit, lapit ang mga napapagal-
Si Jesus ikaw ay tinatawagan, lapit makasalanan. Amen.

Siya’y naghihintay huwag tayong magluat, mat’yagang tumatawag
Tanggapin natin habag Niyang gawad, upang tayo’y maligtas.

Panaho’y tumatakas na matulin hindi na mapipigil,
Ang kamatayan pilit na darating, sino’g ‘di aabutin.

Alalahanin ang Kanyang pag-ibig sa mga naaamis,
Makasalana’y kanyang binibihis, patawad makakamit.


______________________

Kay Jesus Dulog Taong Sala
(In the Sweet, Bye and Bye)

Kay Jesus dulog na taong sala, kaligtasan ay nasa Kanya
At alin mang hangad mo’t pita, matatagpuan mo twi-twina.

Koro:
Kay Jesus lapit na, at sa Kaniya ay ligtas ka,
Kay Jesus dulog na, at sa Kanya ay may buhay ka. Amen.

Nagkasala kang walang malay, dumalog sa mga paanan,
Ni Jesus at matatagpuan sa Kanya ang kapatawaran.

Ang ikamamatay mong damdam sa kay Jesus mo ipagsakdal
Dugo Niya ang kagamutan sa iyo’y siyang ibibigay.

Tayo nga ang tupang nawaglit na pinaghahanap na pilit
At sa balikat ikakapit Niya ang lubos na pag-ibig.


____________________________ 


Nais Mo Bang Maibsan ang Pasan?
(There’s Power in the Blood)

Nais mo bang maibsan ang pasan? Makapangyarihan ang dugo!
Sa sala ay makalayang tunay? May tanging bisa ang dugo!
Koro:

Dugong mahal ng Cordero ay makapangyarihan!
Dugo lamang ni Cristong banal, panghugas sa kasalanan. Amen.

Nais mo ang lubos na tagumpay? Makapangyarihan ang dugo!
Sa masasamang pita ng laman? May tanging bisa ang dugo.

Nais mo bang kalul’wa ay kuminang? Makapangyarihan ang dugo!
Lapit sa bukal ng kabuhayan, may tanging bisa ang dugo.

Nais mo bang maglingkod kay Jesus?  Makapangyarihan ang dugo!
Nais mong sa twi-twina’y mapuspos? May tanging bisa ang dugo.

________________________   

Aba Akong ‘Di Gasino

(Just As I am, Without One Plea)

Aba kong ‘di gasino na tinubos ng dugo Mo, 

Lumalapit na totoo, sa Iyo Dios na Cordero. 

Sa aba kong  kaluluwa, dugo Mo nga ang sukat na, 

Na makahugas sa sala.  Oh Cordero ng Dios Ama. 

Akong abang lumalangoy sa sigalot at linggatong, 

At nang huwag maparool. ampunin Coderong Poon. 

Sa ‘king aba’t maralita, bulag ang isip at dukha

Magdalang habag at awa, Corderong Dios na dakila. 

Nang lubos na maging Iyo akong abang tinubos Mo, 

Ay dumudulog na totoo sa Iyo Dios na Cordero. 

_______________________   

Jesus Kong Ligayang Tunay 

(Thou My Everlasting Portion)

Jesus kong ligayang tunay at sa akin ay buhay,

Sa landas ng kahirapan  ako’y Iyong samahan.

Sa piling Mong hirang  sa piling mong hirang,

Sa landas ng kahirapan  Ako’y Iyong samahan.

Hindi ang lugod at yaman  Ang hanap ko at dangal,

Kaya’t sa katotohanan  Ako’y iyong samahan.

Sa piling Mong hirang  Sa piling mong hirang,

Kaya’t sa katotohanan  Ako’y Iyong samahan.

Sa dilim ng kaparangan,  Bangis ng karagatan,

Sa hirap ng paglalakbay, Ako’y Iyong samahan.

Sa piling Mong hirang  Sa piling mong hirang,

Sa  hirap ng paglalakbay  Ako’y Iyong samahan. Amen.

____________________________   

 O Pag-ibig na Dakila, Suma Amin Ka Nawa

(Love Divine All Loves Excelling)

O pag-ibig na dakila, suma amin ka nawa;

Sa tahanan Mo’y itugma, busugin sa biyaya.

Ikaw, lubhang mahabagin, Jesus na magiliwin,

Kaligtasan mo’y ibiging sumapuso nga namin.

Ang Espiritu’y ilakip sa damdaming may hapis;

Maghari sa aming isip, nang sa Iyo’y masanib.

H’wag Mo kaming pabayaan sa pitang kasamaan;

Ang banal Mong kalooban, kami ay pangunahan.

Kailangan namin ngayon ang lingap Mong hinahon,

H’wag bayaang maparool sa nag-akmang lingatong:

Hangad nami’y kabuhayan na nasa Iyong dangal,

At hindi masusumpungan sa sino mang kinapal. Amen. 

___________________   

 Umaasang Ako’y Aakbayan

 (I Trust in God)

Umaasang ako’y aakbayan, kahit sa lupa o sa dagat man;

Ano man ang pangyarihan, ako ay Kan’yang aalalayan.

Koro:

Umaasang ako’y aakbayan, tiwala ko sa Dios ay matibay;

Kalul’wa ko’y iingatan sa Dios Ama sa kaitaasan. Amen. 

Kung ang maya sa gitna ng parang, Kan’yang laging inaalagaan;

Lalong higit akong mahal, na iingatan sa kagipitan.

Kung ang lirio ay pinararamtan ng maganda’t iba’t ibang kulay;

Ako’y walang alinlangan, sa akin ang Ama’y magbibigay.

Sa Dios ilalagak ang tiwala sa gitna ng kahirapa’t digma;

Sa l’walhati O sakuna, babantayan ako ni Bathala.

________________________   

Corderong  Humugas  sa  Sala  ng  Lahat  

(My Faith Looks Up To Thee)

Corderong  humugas  sa  sala  ng  lahat,  at  nagligtas;

Sa nga may damdam,  ang nananawagang Napasasanggalang  ay  ingatan

Sa Iyong kalinga, ang pusong mahina, sumagana.

Ikaw  rin ngang tunay, Ang pumapatnubay at di binayaang mangaligaw.

Sa aming tawirin, na sakdal ng dilim, ay kupkupin

Ang Iyong liwanag,  pamawi sa ulap, sa nangaglalakad  ay igawad

Ang bukal na tunay ng tubig na buhay, pumaparam;

Ng malaking pagod, sa pag-alinsunod, sa dakilang utos,  Mo, oh! Jesus.  Amen.

___________________________  

Masayang Sinasamba

(Joyful, Joyful We Adore Thee)  

Masayang sinasamba, Dios ng l’walhati’t pag-ibig,

Araw Kang may init na buhay ng pusong malamig.

Sala’t lungkot ay tunawin, alinlanga’y pawiin,

Ilaw ng twang di magmaliw liwanag kami’y punin.

T’wa ng sangnilikha Mo, sa lupa’t langit ay saksi,

Mga bitwin, mga angel, awit sa ‘yo’y papuri.

Bukid, gubat, bundok, parang, halamana’t karagatan;

Huni ng ibon at batis, kami sa yo’y magdiwang.

Ikaw ang nagpapatawad, pala’y lagi Mong gawad,

Balong ng buhay mapalad, ligaya’y isang dagat.

Dios Ama, Cristong may aral, kami’y mangag-ibigan,

Nang amin nang maranasan kagalakan Mong banal.

Tanang tao’y magsianib sa hukbong umaawit,

Sundin ang Amang pag-ibig, nating magkakapatid.

Sulong laging mag-awitan, magwagi sa labanan,

Awitin ang kagalakan, sa tagumpay ng buhay. Amen.

______________________   

Samahan Mo Ako Sa Pagpanaw

(Abide With Me)

Samahan Mo ako sa pagpanaw, lumalalim na ang kadiliman, 

Tulong , aliw ng iba’y naparam.  Saklolohan at ako’y samahan. 

Buhay ko’y matuling bumababa, lumalamlam galak na panglupa, 

Lahat ngayo’y bago’t pawang sira; ako’y samahan Dios na dakila. 

Kailangan Kita bawat oras, biyaya Mo sa tukso’y panlunas,

Sino pa ang sa’ki’y mag-iingat, sa dilim at maging sa liwanag. 

Walang kaaway kung Ika’y sa akin, karamdama’t luha’y kayang dalhin

Tibo man ng kamataya’y datnin; tagumpay pa kung Ika’y kapiling. 

Krus Mo’y hawaka’t aking titingnan, gawing sa dilim ay maging tanglaw, 

Langit sa akin ay Iyong buksan; at saakin ay laging tumahan. Amen. 

_________________________    

Kung ang Pakakak ng Panginoon Ay Tumunog Na

(When The Role is Called Up Yonder)

Kung ang pakakak ng ng Panginoon ay tumunog na, 

At ang maligayang araw’y bumuka,  

Kung ang lahat ng tao’y nagkakatipon na doon;

Ang Panginoon ang Siyang huhukom. 

Koro: 

Kung lahat ay nagkatipon, kung lahat ay nagkatipon, 

Kung lahat ay nagkatipon - angPanginoon ang siyang huhukom. Amen. 

Sa araw na yaon mga patay ay magbabangon, 

at luluwalhati sa Panginoon

Kung ang lahat ng mga tao’y magkatipon-tipon, 

ang Panginoon ang SIyang huhukom. 

Bayaan akong mag-ingat hanggang Siya’y dumatal, 

Itatanghal ko kanyang kabutihan, 

Upang masama ako sa Kanya kailanman, 

At h’wag sa walang hanggang kamatayan. 

____________________  

Dulog Espiritung Banal

(Fill Me Now)

Dulog Espiritung Banal puso ko’y pagharian, 

Anyo mo ako’y puspusin, lapit ako’y puspusin. 

Koro: 

Puspusin, puspusin, Jesus ako’y puspusin,

Anyo Mo ako’y puspusin, lapit ako’y puspusin. 

Ako’y Iyong mapuspos, paraa’y di ko talos, 

Lubha kitang kailangan, dulog Esp’ritung Banal. 

Ako nga’y mahinang tunay na nasa ‘yong harapan, 

Espiritung mapangaliw, ako’y Iyong puspusin. 

Lisanin at pagpalain, buhay ko’y tangkilikin, 

Ikaw tanging mahabagin, ako ngayo’y puspusin. 

_____________________   

Ang Espiritung Banal, Tapat na Tagaakay

(Holy Spirit Faithful Guide)

Ang Espiritung Banal, tapat na tagaakay, 

Twina’y sinasamahan tayo sa paglalakbay;

Ang mga nagtitiis nagalak ng marinig, 

na silang ihahatid sa tahanang tahimik. 

Di tayo babayaan, Siya ang aalalay 

Sa pinagdaraanan na nasa kadiliman, 

Sakaling malaginlin puso sa paninimdim, 

Akay Niya’ng magiliw nang tahana’y marating.

Kung matapos na ang araw ng madlang kahapisan, 

Umasa at kakamtan ang kapahingalayan; 

Sa pangalan ni  Jesus na ating manunubos

Sasapit tayong lubos sa langit na pag-irog. 

Himnario ng Nagkaisang Iglesia Metodista Awit Pamasko (Tagalog)

MGA HIMNONG PAMASKO
___________________________________




Kapayapaan sa Inyo, (salin ni Jestril Alvarado)
(God Rest You Merry Gentlemen)

Kapayapaan sa inyo, takot wakasan na,
Dahil sa araw na ito, Jesus sumilang S’ya,
Dakilang Panginoong Diyos, ating Manunubos.

Koro:
O balita ng kaligtasang buhat sa Diyos,
May balitang tungkol kay Jesus. Amen.

Mula sa kalangitan, angel nanawagan,
Sa mga pastol sa parang sila’y nag-awitan,
“Sa Bethlehem nakahimlay sanggol sa sabsaban.”

Huwag magulumihanan, awit ay pakinggan,
Si Jesus na Panginoon doon nakahimlay
Sa munting bayang Bethlehem, ay may abang belen.

Magpuri tayo ng lubos, lahat ng tinubos,
Binigkis tayo ni Jesus, sa pamilya ng Diyos
Upang ating ibalita, pag-ibig ng Ama.

____________________________

Sa Bethlehem ay Dumatal (salin ni Jestril Alvarado)
(In Bethlehem ‘Neath Starlit Skies)

Sa Bethlehem ay dumatal, Allelujah! Allelujah!
Sanggol nasa sabsaban, Allelujah! Allelujah!
Walang hihigan na tahanan, kay Jose at kay Mariang mahal,
Walang bukas na tuluyan,  Allelujah! Allelujah!

May mga awit at panawagan,  Allelujah! Allelujah!
Walang tumugon ga munti man, Allelujah! Allelujah!
Tanging mga hayop sa belen ang sumulyap sa abang sanggol,
Tatlong Hari ay dumating, Allelujah! Allelujah!

Mga kaibigan sa Panginoon, Allelujah! Allelujah!
May panawagan sa atin ngayon, Allelujah! Allelujah!
Kumakatok sa buhay mo ang Diyos na si Jesus-Cristo;
Puso ay buksan mo na ngayon, Allelujah! Allelujah!

_________________________________________________

IT CAME UPON THE MIDNIGHT CLEAR

Noon, gabi ay tahimik, nang dinggin ang awit;
Sa mga anghel na sulit, Alpha ay kasalit.
“Sa mundo’y kapayapaan, buhat sa kalangitan.”
Humimpil ka, kalupaan; awit ay pakinggan.

Magbangon ka sa hinagpis, ang luha mo’y pahid;
Ngayon sa ‘yo ay malapit, si Cristong marikit.
Sa kalangitan nagbuhat na taglay ang galak.
At ang awit ay pagliyag sa mundong naghirap.

Buhay mo'y mabibihisan  sa pighating pasan, 

Siya ang aakay sa daan na may pagmamahal;

Masdan oras ng ligya, ay dumarating na, 

O tanging pagpapahinga ay kakamtan twina. 

Ito ang araw na takda na ayon sa hula, 

Sa pagsilang ng dakilang sasakop sa madla;

T'wa ay kakalat lupa, sa kaniyang paglaya, 

At ang mundo sa biyaya ay mananagana. Amen. 

_________________________   

SILENT NIGHT, HOLY NIGHT

Mapayapa ang paligid ang simoy ay malamig

Tala’y biglang gumuhit sa langit

Narinig ang malambing na awit, “Sanggol ay naiidlip” (2x)

Oh, kay ganda at dakila kaligtasan ng madla

Sa anghel na hatid ay balita

Galing sa Dios na sa ‘ti’y lumikha, masaganang biyaya. (2x)

Maliwanag at maningning, ang langit sa pagdating,

Ni Jesus na umiibig sa atin

Ang mukha Niya’y maamo’t magiliw, pagliligtas sa atin. (2x)

______________ 

THERE’S A SONG IN THE AIR

Mayroong awitan, tala ay sumilang; may inang tiwasay batang nahihimlay,

At patuloy ang ningning at ang awitan pagkat sa sabsaban Hari’y nakahimlay.

Malaki ang galak nang Siya’y dumatal, ang batang marangal na guro ng tanan;

At patuloy ang ningning at ang awitan, pagkat sa sabsaban hari’y nakahimlay.

Sa ningning ng tala panaho’y naghintay at yaong awitan sa mundo’y umapaw;

Sa kala’y may ningas tana’y may awitan sa mga tahanang pinaghaharian.

Tayo’y nagagalak dahil sa liwanag awit sa itaas ating ibulalas

Atin ngang isigaw ang balitang taglay, sambahin si Cristo doon sa sabsaban.  

______________ 

JOY TO THE WORLD

Sanglibuta’y may kat’waan sa Haring pagdatal

Puso nati’y tatahanan mundo’y mag-awitan. (3x)

Si Jesus ay ipagdiwang tana’y mag-awitan

Bukid, burol, kapatagan galak ay isaysay. (3x)

Kasalana’y naparam na kalungkuta’t dusa

Naparito’t dala Niya pala at ginhawa. (3x)

Mundo ay paghaharian ng katotohanan

Ang biyayang kaligtasan kakamtan ng Bayan. (3x)

______________ 

HARK THE HERALD ANGELS SING

Sa langit ay may awitan dapat nating pakinggan

“Puri sa Dios sa kaitaasan sa lupa’y kapayapaan.”

Langit ay ating samahan, lualhatii’t papurihan;

Ang Haring walang hanggan, si Jesus na ating buhay,

Tayo ay mag-awitan, “Puri sa Dios sa kaita’san.”

Ang Hari ng kalangitan, ang sinugo na hirang;

Ang sa sala’y kaligtasan nasa Birheng kandungan.

Hayo’t ating ipagdiwang ang Verbong naging laman,

Sa Israel na Banal Emmanuel ang ngalan,

Tayo ay mag-awitan, “Puri sa Dios sa kaita’san.”

Batis ng kapayapaan, sa ‘Yo ang karangalan

Oh Jesus, tunay na hirang na nagbibigay buhay.

Ang lwalhati’y ‘Yong iniwan, at sa ami’y nakipisan

Tinanggap Mong mamatay upang kami ay mabuhay;

Tayo ay mag-awitan “Puri sa Dios sa kaita’san”. Amen.

_______________________  

RING THE BELLS OF HEAVEN

Matamis na awit ay sambitlain, sa Panginoon ay ihain,

Tulad ng inawit ng mga anghel may kagalakang walang maliw.

Koro:

L’walhati sa Dios sa kaita’san! Magpuri na may kagalakan.

Awit sa Belen noo’y napakinggan magalak na ipag-awitan. AMEN.

Humayo sa parang at mga bundok pagsinta’y ikalat, isabog;

Israel magdiwang, mundo’y malugod at mapapawi na ang lungkot.

Ang sangkatauhan na may siphayo magalak ngayon, yamang tanto;

Pag-ibig ng Dios, sa ati’y sinugo ang Anak N’yang ating pintuho.

Ilakip sa puso ang pagkilala kay Cristong nagligtas sa sala,

Huwaran natin ang pastol ng una nagpuri sila’t nagsisamba.

______________________    

ANGELS FROM THE REALMS OF GLORY

Angheles sa kalangitan hayo sa sanglibutan,

Sa mundo’y inyong isaysay ang Mesias ay sumilang;

Lapit na at dalanginan ang Haring bagong silang.

Ang mga pastol sa parang nagbabantay ng kawan,

Nang Dios sa tao’y pumisan at ilaw N’ya’y kuminang;

Lapit na at dalanginan ang Haring bagong silang.

Mga pantas hayo’t sundan talang may tanging tanglaw;

Paghanapin ninyong tunay ang Ilaw, Daa’t, Buhay.

Lapit na at dalanginan ang haring bagong silang.

Paluhod na naghihintay lipon ng mga banal,

Panginoo’y nang mamasdan nagpuring may kat’waan;

Lapit na at dalanginan ang Haring bagong silang.

________________________  

O COME ALL YE FAITHFUL

Lahat ng tapat ngayo’y mangagdiwang, humayo sa Bethlehem na bayan;

Lapit at masdan Haring bagong silang.

Koro:

Atin Siyang lapitan handugan at igalang,

Siya’y sambahing Hari ng tanan. Amen.

O anghel sa langit, hayo’t mag-awitan, purihin ang Hari na dumatal;

L’walhati sa Dios sa kaitaasan.

Binabati namin Haring bagong silang, Jesus, Iyo ang kal’walhatian;

Nagkatawang tao’t nakipamuhay.

______________________ 

AWAY IN A MANGER

Doon sa sabsaban, dukhang sumilang,

Ang sanggol na buhay ng sanglibutan;

Tuyong kumpay ang ginawang hihigan,

Tulad sa dukha, ngunit Dios ng tanan,

Manginginain doo’y mga hayop,

At ang sanggol ay gising at di takot;

Gayon din, Jesus, sa aking pagtulog,

Iyagapay Mo ang iyong pagkupkop.

Sa aking naman ay hwag kang mawalay,

O Cristo na Panginoon ko’t buhay;

At ang landas sa Iyo’y mangahimlay,

Handa sa langit na kasama’y Ikaw.  

____________________________   

O LITTLE TOWN OF BETHLEHEM

Munting bayan ng Bethlehem, payapang nahimlay;

Sa iyong pagkagupiling, bitwi’y naglalakbay;

Sa daa’y nagniningning, walang hanggang tanglaw;

Pananabik at panimdim ngayon ay naparam.

Nang si Jesus ay isinilang, nagalak ang langit

Samantalang nahihimlay ang boong daigdig;

Ang tala’y nagsasaysay ng batang marikit;

Sa awit isinisigaw, lupa’y manahimik.

Nang ang kaloob nakamit lubhang matahimik;

Puso ng tao’y umawit biyaya ng langit,

Wala ng makaisip ng kanyang pagsapit,

Pusong masala at pinid tanggap ang pag-ibig.

Batang banal ng Bethlehem, kami’y pagpalain;

Ang sala nami’y linisi’t sa puso’y humimpil;

Waring dinig pa namin ang awit ng anghel,

Manirahan Ka sa amin, Dios na mahabagin. AMEN.

Himnario ng Nagkaisang Iglesia Metodista Tagalog (Mga Bagong Salin)

Ang mga bagong liriko ng mga Himno sa ibaba ay salin ni Ptr. Jess Alvarado.

WE GATHER TOGETHER

Tayo'y nagkatipon upang papurihan, 

Ang D'yos na ating Gabay at Tanggulan, 

At kung mayr'ong hapis, sakit at kamatayan, 

Sa tulong ng Diyos, ay may kaligtasan. 

Ang Diyos ay Patnubay, ating kaagapay
Kahit sa lupa, naghaharing tunay, 
Sa mga pagsubok, lakas ay ating taglay;
Sa tulong ng Diyos, ganap ang tagumpay.

Itataas namin, banal mong pangalan,
At ang dalangin ay dinggin mong tunay,
Ang buong daigdig, nasa kapahamakan,
Iligtas mo O Diyos. Sa banal Mong Ngalan. Amen.

 Ama Naming Sumasalangit 

        (Our Father, Tune: Malotte)

Ama naming sumasalangit, ngalan Mo’y sambahin

Kaharian Mo’y dumating, kalooban Mo ay sundin.

Bawat araw, bigyang pagkain,

at patawarin kami, iba’y patatawarin.

sa tukso ay ilayo mo, at iligtas sa Tuso,

Sa’ Yo ang kaharian, kalakasan, luwalhati kailanman. Amen.

________________________

Papuring Awit, Paglilingkod

(We Are an Offering)

Papuring awit, at pagsamba, aming buhay sa Iyo ay aming kaloob,

Kami’y aawit, maglilingkod, aming buhay sa Iyo ay aming kaloob.

Kayamanan, aming lakas, lahat sa buhay ay aming alay,

Tanging sa ‘Yo.

Ang aming awit, at pagsamba.

Buhay namin ay handog sa ‘Yo Panginoon.  Sa ‘Yo Panginoon.

_____________________________________

Humayo at Maglingkod 

(Go Make of All Disciples UMH 571, Lancasire)

Humayo at maglingkod, at gawing alagad,

Sa buong daigdigan balita’y ihayag,

Luhod sa panalangin, sa Dios ay dumulog;

Nang Kanyang pagpalain ating paglilingkod.

Ating gawing alagad ang lahat ng bansa,

Bautismuhan sa Ngalan ng ating Lumikha,

Ama, Anak  at Banal, Espiritung mahal;

At turuang sumunod sa banal na aral.

Maglingkod at humayo sa lahat ng tao,

Atin silang akayin patungo kay Cristo,

Dalhin sa kaligtasan, ituro ang Daan,

Tungo sa kabanalan, sila ay gabayan.

Halina at humayo, sumunod sa tawag

Ng ating Panginoon at Tagapagligtas,

Maglingkod sa gawain habang mayr’ong lakas;

Sa wakas ay masabing tayo ay tumupad.

_____________________________ 

Katulad ng Usa 

     (As The Deer)

Katulad ng usa  ako’y uhaw sa ‘yo Panginoon,

Hanap ko ay ikaw, at nais kong sambahin kang lubos.

Koro:

Ikaw ang tanging lakas ko, laging hanap ng aking puso,

Hangad ko ay ikaw lamang  at nais kong sambahin ka.

Ikaw ang tangi kong karamay kung ako’y nalulumbay,

Tangi kong kaibigan, kapiling lagi sa aking buhay.

Higit ka sa ginto, o pilak kung aking ihahambing,

Ligaya ka sa buhay, kay inam Mo sa paningin.

__________________

Gawing Biyaya

   (Make Me A Blessing)

Sa anomang larangan ng buhay, may taong napapagal,

Ang kabigatan na pinapasan, sa puso ay may lumbay.

Koro:

Gawing biyaya, gawing biyaya,

daluyan ng pagpapala,

Gawing biyaya ang aming buhay,

Maging daluyan ng pagmamahal. Amen.

Ipakilala si Cristong mahal, kaloob N’ya ay buhay,

Ang manalig sa Kanya ng tunay, patawad ay kakamtan.

Magkaloob ka ng buong puso, umibig nang taimtim,

Maging lakas ka sa nanghihina , tumupad sa tungkulin.

__________________

O Lingkod ng Dios

(Ye Servants of God, UMH 181)

O lingkod ng Dios, inyong itanghal,

bigyang parangal Kanyang pangalan

Ang pangalang Jesus, inyong awitan.

Siya’y maghahari na walang hanggan.

Sya'y Dios ng langit, at Nagliligtas. 

Ating kapiling at ating lakas,

Sy,a’y ating purihin, laging sambahin. 

Tanging Manunubos, ang Hari natin.

Ang kaligtasan ng Panginoon.

Ating itanghal,  umaga’t hapon,

Awit ng papuri, pagsambang alay. 

Buong puso at isip, at  buong buhay.

Lahat sumamba, tayo’y umawit.

Sa Panginoon, Dios ng pag-ibig,

Kasama ng langit at mga angel. 

Ating papurihan ang Emmanuel!

_________________

Nais Kong Ibalita

 (I Love to Tell the Story of Unseen Things Above)

Nais kong ibalita ang tungkol sa langit

Kay Jesus na dakila at kanyang pag-ibig,

Nais kong ibalita dahil ito’y tunay,

At aking isasaysay habang  ako'y buhay.

Koro:

Nais kong ibalita, hanggang kaitaasan,

Ang tungkol sa biyaya  ng Dios nating mahal. Amen.

O kay inam awitin at muling sambitin,

Na si Jesus ay akin, at ako’y kanya  na rin,

At nais kong ulitin, upang iparinig

Sa ‘di pa tumatanggap sa kanyang pag-ibig.

O kay sarap ulitin ang balitang taglay

Sa mga nauuhaw, sa mga naliligaw,

Upang sila’y akayin, patungo kay Jesus;

Hanggang sila’y sumapit sa paanan ng krus.

________________________--

Dakilang Dios ng Biyaya

 (God of Grace and God of Glory)

Dakilang Diyos ng biyaya, iglesia Mo’y tulungan

Espiritu Mo ay igawad, bigyang kapangyarihan.

Igawad ang katapangan ng kami’y magtagumpay;

Sa mga hamon ng buhay.

Kasamaan at pagsubok, lumiligid sa amin,

Bigyang laya ang nasusukol sa kasalanang madilim.

Igawad ang kalakasan, nang hindi manlupaypay,

Sa buhay habang naglalakbay.

Supilin ang mga pag-aaway, kami ay bigkisin mo,

Kapakumbabaan ay itanyag, kayabanga’y ibagsak,

Igawad ang karunungan upang aming makamtan;

Pagkaka-isa at tagumpay.

Bigyang tatag sa pagsubok, baluti ay isuot,

Sa labanan ay ibalot sa pag-ibig ng Diyos

Igawad mo ang biyaya, kung kami ay mahina,

Tanging sa ‘Yo lang umaasa. Amen.

________________-

 Halina’t Papurihan! Alleluyah! Amen!

(Come Christians Join to Sing)

Halina’t mag-awitan! Alleluyah! Amen!

Ang Dios ay papurihan! Alleluyah! Amen!

Dakila  Siyang tunay.  Sa lupa at langit man.

Sambahin ang pangalan! Alleluyah! Amen!

Ibigay ang luwalhati!Alleluyah! Amen!

Sa Diyos nati’t Hari! Alleluyah! Amen!

S’ya’y ating patnubay, tunay na kaibigan!

Tapat at Walang Hanggan. Alleluyah! Amen!

Si Jesus ay purihin! Alleluyah! Amen!

Ang Nagligtas sa atin! Alleluyah! Amen!

Langit ay makakamit, sa biyaya’t pag-ibig,

na kaloob ng langit! Alleluyah! Amen!

_________________________ 

Lumalapit Jesus

(Jesus I Come Today)

Noong ako ay nasa dilim, Jesus ako ay lumapit,

At ako ay iyong sinagip, lumalapit Jesus.

Lugmok ako sa kasalanan, sa tulong mo, lumayang tunay,

Pagtawag mo ako’y lumapit. Lumalapit Jesus.

Nahihiya akong lumapit, ngunit ako ay tinawag ,

Biyaya mo ay nagtagumpay sa buhay kong taglay.

Aking luha ay pinahiran, bawat sugat ay nilunasan,

Lungkot ay naging pagdiriwang. Sa tulong Mo Jesus.

Sa gitna ng kabalisahan,  sayo’y may kapayapaan,

Buhay sa ‘Yo aking nakamtan, pinagpalang tunay,

Kabiguan naging tagumpay, kasawian naging kat’waan,

Sa piling mo ako’y lalapit.  Lumalapit Jesus.

Sa takot man sa kamatayan, Jesus ako’y lumalapit.

Sa hangganan ng aking buhay, lumalapit Jesus.

Ang tagumpay ay makakamit, kung sa langit ako’y sasapit;

Sa piling mo ako’y kakapit, lumalapit Jesus.

_________________________

Papurihan ang Diyos!

(Rejoice the  Lord is King)

Papurihan ang Diyos, haring walang hanggan!

Buong galak, umawit,  pasalamatan!

Puso’y buksan, umawit at magpuri ng lubos sa Diyos!

Naghahari Siya sa buong daigdig! 

Dios ng katotohanan at ng pag-ibig!   

Puso’y buksan, umawit at magpuri ng lubos sa Diyos!

Paghahari ng Dios, walang katapusan!

Langit at lupa ay nasa kanyang kamay!

Puso’y buksan, umawit at magpuri ng lubos sa Diyos!

Magalak na lubos, naghahari ang Diyos!

Ligtas sa panganib lahat ng tinubos!

Puso’y buksan, umawit at magpuri ng lubos sa Diyos!

________________________

Ang Dios ay Purihin

(Tune: Magtanim ay ‘Di Biro)

Ang Diyos ay purihin, ating pasalamatan

Sa buhay nating taglay na bigay ng Maykapal,

Halina’t purihin, umawit at sumamba

Laging dumalangin, iwaksi ang masama.

Kay Jesus ay sumunod, sa kapwa ay maglingkod

Tayo ay magkaloob sa mga nagdaraop

Mahirap tulungan, malungkot ay samahan

Mahalin ang kapwa , at maging pagpapala.

Mamuhay ng payapa, kapiling ang pamilya,

At sa tulong ng kapwa, ay maging masagana,

Magsikap, magtanim, upang may aanihin,

Buhay na masaya ay makakamit natin.

___________________________

Walang Kaibigang Tulad ni Jesus

        (No Not One)

Walang kaibigang tulad ni Jesus, siya’y tunay na tapat.

Ginamot niya ang lahat kong sugat, siya’y tunay na tapat.

Koro:

Alam niya ang lahat sa akin. Lakas niya ay aking angkin.

Walang ibang katulad si Jesus, siya’y tunay na tapat. Amen.

Walang banal na tulad ni Jesus, dalisay na tunay.

Ngunit maamo bilang kaibigan, siya’y tapat na tunay.

Kasama ko sa lahat ng oras, siya’y tunay na tapat.

Kung gabi ay may dalang liwanag, si Jesus ay tapat.

__________________________________

 Kung Mahirap ay Tutulong

(When the Poor Ones, UMH # 434, Tune Name: El Camino)

Kung mahirap ang tutulong sa mahirap,

Kung pulubi ang siyang magbibigay;

Kung mahina ang magbabahagi ng lakas.

Koro:

Alam nating Dios ay ating kasama.

Alam nating Dios ay ating kasama.  Amen.

Kung ang mga naghihirap, payapa,

May pag-asa ang walang kinabukasan,

Kung pag-ibig sa halip na kalupitan.

Kung ating tahanan ay pinagpala

Sa halip na digmaan ay payapa

Ang salat ay ating natutulungan.

_________________ 

Tayo ay Humayo

(Tune: Bringing in the Sheaves)

Tayo ay humayo, magtanim sa puso ng maraming taong nasisiphayo,

Buhay na Salita, ating ibalita, tayo ng umani ng gintong bunga.

Koro:

Ibahagi na, dalhin sa madla, Mabuting Balita sa mga bansa,

Ibahagi na, dalhin sa madla, halina’t anihin ang gintong bunga. Amen.

Tayo nang umani sa bawat umaga,

ang maraming bunga’y naghihintay na,

Ang Pangino’ng Jesus ay nag-aanyaya,

tayo na’t anihin ang gintong bunga.

Bungkalin ang lupa, magtanim, umasa na sa tamang oras ay aani ka,

Ngayo’y may pagtangis, bukas may pagtawa,

bawat kalungkutan, magiging saya.

________________

Ang Landas Kong Binabagtas 

(I’m Pressing On the Upward Way, Tune Name: Higher Ground)

Ang landas kong binabagtas ay patungo sa itaas,

Sa aking bawat paglakad tungo sa Tagapagligtas.

Koro:

Panginoon, dalhin ako, doon sa ligtas na dako.

Panginoon, itindig  mo ako sa buhay na bato.  Amen.

Tanging nais ng loob ko ay manatili sa Iyo,

Ang dalangin ng puso ko ang itaas maabot ko.

Kailingan ko’y mabuhay hindi sa mundong ibabaw,

Dahil nais kong makamtan ang marating ang kaita’san.

Langit nais kong marating, ito ang aking hangarin,

Kapahingaa’y lasapin at kay Jesus makapiling. _____________________________________ 

Halina O Emmanuel

(O Come O Come Emmanuel, UMH 211)

Halina O Emmanuel, at iligtas ang Israel

Sa labis na dusa’t sakit.  Hanggang Anak ng Dios ay sumapit.

Koro:

Magdiwang ka, Emmanuel! Iligtas mo ang Israel!

Halina O aming pag-asa. Kagalakan ang makapiling ka.

Hawiin mo kami sa dusa. Bigyang lakas at pag-asa.

Bumaba ka’t lisanin ang langit.  Kamay ng Diyos sa ami’y ilapit.

Nais namin ay mabuhay, sa diwa ng Iyong pagmamahal.

Lumapit ka, Ika’y inaasam ng daigidig na ‘Yong minamahal,

Ang Iyong kapayapaan, igawad Mo, kami’y naghihintay.

____________________________________

Lahat ng Tungkol Kay Jesus

(More About Jesus Would I Know)

Lahat ng tungkol kay Jesus, nais kong malamang lubos

Ang pag-ibig N’yang tumubos, kung bakit namatay sa krus.

Koro:

Patungkol kay Jesus, patungkol kay Jesus,

Nais kong malamang lubos, lahat ng tungkol kay Jesus.  Amen.

Nais kong matutong lubos sa kabanalan ng Diyos

Sa biyaya Niyang handog, ang kaligtasang kaloob.

Tungkol sa Kan’yang Salita, lahat nais kong mabasa,

Ang tungkol sa pag-ibig Niya, ligtas ako sa biyaya.

Nais ko S’yang makilala, dahil ako ay mahal N’ya,

Para sa’kin ay nagdusa, tinanggap N’ya ang parusa.

____________________________________

Awit Ko ay Para sa Nagmamahal

(I Sing the Song of the Saints of God, UMH#712)

Awit ko ay para sa nagmamahal sa Dios ng buong puso.

Na naglilingkod, at humahayo sa diwa ng pagsuyo;

Ilan ay doktor, at mayayaman, at mayro’ng yagit ngunit marangal,

Sila’y lingkod ng Diyos sa pamayanan. Nais kong mapabilang.

Mahal nila ang Panginoon, wagas na naglilingkod

Tapat sila na sumusunod, kay Jesus  Anak ng Dios;

May mga sundalo at mga pastor,  ang iba’y namatay, buhay ang alay,

Mahirap ngunit, para kay Jesus. Nais ko ring sumunod

Mula pa noon, hanggang sa ngayon, mayro’ng alagad ang Dios

Sila ay ilaw na tumatanglaw,  sa mundong naliligaw,

May mga guro, at magsasaka, may naglalakad lang sa kalsada

Mga lingkod ng Dios,  ako’y  kasama, sana’y mapabilang ka. 

__________

Humayo at Maglingkod 

(Go Make of All Disciples UMH 571, Lancasire)

Humayo at maglingkod, at gawing alagad,

Sa buong daigdigan balita’y ihayag,

Luhod sa panalangin, sa Diyos ay dumulog;

Nang Kanyang pagpalain ating paglilingkod.

Ating gawing alagad ang lahat ng bansa,

Bautismuhan sa Ngalan ng ating Lumikha,

Ama, Anak  at Banal, EspIritung mahal;

At turuang sumunod sa banal na aral.

Maglingkod at humayo sa lahat ng tao,

Atin silang akayin patungo kay Cristo,

Dalhin sa kaligtasan, ituro ang Daan,

Tungo sa kabanalan, sila ay gabayan.

Halina at humayo, sumunod sa tawag

Nang ating Panginoon at Tagapagligtas,

Maglingkod sa gawain habang mayr’ong lakas;

Sa wakas ay masabing tayo ay tumupad.

_______

Ang Iglesiang Hinirang ay Nagkakaisa

(O Church of God United, UMH 547, Tune Ellacombe / Aurelia) 

Ang iglesiang hinirang ay nagkakaisa, 

Binigkis ng pag-ibig ng Dios ng pagsinta,

Lahat ay humahayo sa sandaigdigan;

Tunay na kaligtasan ihayag sa tanan. 

Nagkaisang iglesia, tatak ay pag-ibig 

Mula sa mga bansa ng buong daigdig, 

Si Jesus ang pangulo, tayo ay katawan

Tinawag na magsilbi at Dios paglingkuran. 

Sa iglesiang hinirang ay walang banyaga, 

Kahit sa pangungusap, sari-sari’ng wika,

Sa pananampalataya naman ay iisa,

Naglilingkod sa tanging banal na Ngalan Niya.

Tayo ay dumalangin sa ating Dios Ama, 

Iglesia’y manatili sa pagkaka-isa, 

Sa bigkis ng pag-ibig tayo’y tumatag pa,

Mapuspos ang iglesia sa kabanalan Niya. 

---------------------------

Halina, Jesus na Mahal

(Come, Thou long-expected Jesus, UMH#196)

Halina Jesus na mahal, bayan mo’y naghihintay

Sa iyong kapanganakan, pag-asa’y makakamtan. 

O lakas ng Israel, pag-asa ng daigdig;

Bawat bansa’y umaasa, sa banal mong pagsinta. 

Dakilang handog ng langit, sanggol na anak ng Diyos

Maghari ka na sa amin, at gawin kaming lingkod

Sa Diwa ng kabanalan, buhay nami’y bihisan;

Sa tunay na kaligtasan, kami ay biyayaan.  

Halina O Panginoon, dumating ka na ngayon, 

Kami’y iyong saklolohan, upang ‘di maparool,

Ang liwanag mo’y itanglaw sa taong naligaw,

At ang dungis ay hugasan sa iyong dugong mahal. Amen. 

-------------------------  

1. Kayo’y Butil 

(You are the Seed, UMH # 583, Tune Name: Id Y Ensenad)

Kayo’y binhi na puno ng buhay,

mga bagong ani ng palay,

Kayo’y umaga ng bagong araw,

o ilaw na tumatanglaw,

Kayo’y asin na lasa’y maalat,

o sinag sa mandaragat

Kayo’y kamay na dala’y pag-ibig,

sinusugo ko sa daigdig.

Koro 1:

Humayo ka kaibigan, Diwa ko ang gabay,

Ihayag ang pag-ibig ng Diyos sa sanglibutan,

Saksi ka kaibigan ko, muli akong nabuhay.

At ako ay kasama mo,  magpakailanman. Amen.

Kayo’y liwanag sa karimlan, tumatanglaw sa sanlibutan

Kayo'y apoy na may dalang init, sa taong nanlalamig,

Mga kamay na magpapagaling sa mga may karamdaman.

Mga pastol na dala ay gabay sa mga naliligaw.

Kayo'y buhay na mag-aaruga sa halaman at kabukiran,

Mangangalaga sa kalikasan, maglilinis ng karagatan,

Kayo'y tinapay sa nagugutom, kayo'y tubig sa nauuhaw

Kabutihan ay inyong itanyag, katuwiran ay ipatupad.

2. Bagong Araw, Bagong Umaga

(This the Day of New Beginning, UMH #)

Bagong araw, bagong umaga; taos pusong sumasamba

Puso'y  galak, puno ng pag-ibig, tanging sa Diyos nananalig.

Bagong buhay mula kay Cristo, pag-ibig na buhat sa Diyos;

Gabay ng Espiritu Santo, pag-asa ng buong mundo.

  

Tanggapin mo ang bagong buhay, na kaloob ng Maykapal;

Kasalanan ng ating kahapon, talikuran at itapon.

Sa iglesia tayo'y tinipon, ng Diyos Amang Panginoon,

Mag-kaisa sa kanyang pag-ibig, sa pag-asa't pananalig.

Bagong araw, bagong pag-asa, umawit ng buong saya;

Lumilikha ang Panginoon, ng panibagong panahon.

__________________________

3. Maging Tunay

(I Would Be True)

Maging tunay, mayro’ng nagtitiwala

Maging wagas, mayro’ng nagmamasid;

Magpalakas, may maraming pasanin,

Maging matapang sa susuhungin;

Buong tatag, sama’y sagupain.

Maging maamo sa lahat ng tao,

Magkaloob tapat na pagsuyo,

Magpakumbaba, at huwag maging palalo,

Maglingkod sa Diyos ng buong puso;

Buong galak, tayo ay humayo.

Maging ilaw tayo sa daigdigan,

Nasa dilim ay ating tanglawan;

Kabutihan ang ating isabuhay,

At si Jesus ay ating itanghal,

Papurihan ang Dios nating mahal.

______________________________

4. Si Jesus Ang Nais

  (I’d Rather Have Jesus)

Si Jesus ang nais, higit sa lahat, kahit na yagit, sa yaman ay salat;

Mas nanaisin ko ang maligtas, kay Jesus buhay ko’y ganap.

Koro:

Yaman ng mundo ito ma’y akin, kung ang Dios ‘di kapiling;

Mas pipiliin ko si Jesus, katiyakan ay akin. Amen.

Higit si Jesus kung umibig.  Pagmamahal N’yay ‘di nagmamaliw

Ang daigdig ma’y mapang-aliw, ito ay may wakas din.

Mas nanaisin ko si Jesus,  higit sa katanyagan,

Ang kasikatan, may hangganan. Si Jesus ay walang hanggan!

________________________

 5. Kami’y Naghahandog sa Diyos ng Pasalamat

 (Now Thank We All Our God, UMH 102)

Kami’y naghahandog sa Diyos ng pasalamat,

Sa kanyang kaloob, pala na walang sukat;

Mula sa pagsilang, Diyos ang nag-iingat,

Pag-ibig N’ya’y wagas para sa ‘ting lahat.

Awit ng papuri, sa Diyos ating ialay,

Ating ipagbunyi, banal Niyang pangalan;

At dahil kay Jesus, naligtas ang tanan,

Kasalanan natin kanyang binayaran.

Bigyan ng parangal, ang Diyos na pumatnubay,

Sa lahat ng banal sa sama’y nagtagumpay;

Lahat ay magpuri, Dios ay papurihan,

S’yang kahapon, ngayon, at magpakailan paman. Amen.

_______________________

6.  Anong Ligaya ang Makakamit

 (And Can It Be That I Should Gain? UMH363)

Anong ligaya ang makakamit kung ang dugong banal ang maglilinis!

Kasalanan ba’y lilinis? Ang karumihan ba’y maalis?

Dakilang pag-ibig ni Jesus! Ang a-king Diyos ay- nabayubay sa krus!

Dakilang pag-ibig ng Diyos! Nabayubay ang Manunubos.

Diyos na banal, ay nakipamuhay sa taong nalugmok sa kasalanan,

Ang buhay ay ini-alay, sa kanyang nilikhang namamanglaw;

Kaawaan ng Diyos na marangal, ang nag-ligtas- sa nanlu-paypay,

Dakilang biyaya ng Diyos!  Sa kasalanan ay tinubos.

Kusang iniwan ang kalangitan, at kusang hinubad kanyang kadiosan,

Doon sa krus ay namatay, ang dugo at buhay ini-alay;

Dakilang biyaya ang kaloob! Ang buhay at dugo kusang inihandog!

Dakilang biyaya ng Diyos!  Iniligtas ako ni Jesus!

Ako’y wala na sa parusa, inalis ni Jesus lahat ng sala,

Ako ngayon ay sa kanya, sakop ng pag-ibig n’ya’t pagsinta,

Buhay ko ay aking ihahandog. Sa namatay at nabuhay na Manunubos!

Dakila ka aking Jesus! Tagapagligtas ko at Diyos!

__________________________

 7. Tanging Pangitain K Diyos ay Ikaw

 (Be Thou My Vision, UMH 451, Slane)

Tanging pangitain ko Diyos ay ikaw,

Ang aking buhay ay may saysay,

Kung ikaw ang aking kapiling;

Kapayapaan ay aking angkin.

Ang kaloob mong karunungan,

Sa Salita mo mananangan,

Sa aking isip at kalooban;

Ikaw ang aking kayamanan.

Dakilang Dios ng langit, aking tagumpay

Ika’y makapiling sa walang hanggan,

Hangad na aking kalooban;

Manatili kang aking kaakbay.

_______________________

8.  Ang Diyos ay Tumatawag

(The Voice of God is Calling, UMH 436)

Ang Diyos ay tumatawag, tinig N’ya’y nahayag,

“Sino ang susuguin sa bayang nalinsad?

Sino ang magsasabi at magpapahayag?

Sa bayan kong nalugmok sa sakit at hirap?”

“Bayan ko’y inalipin at pinahirapan,

Ang hapdi ng damdamin, aking naramdaman.

Mamamayan kong mahal, nasa kadiliman;

Sino ang susuguin nang sila’y tanglawan?”

Tinig mo ay narinig, at kami’y hahayo,

Lingkod mo ay suguin sa nasisiphayo,

Hininga ay lilipas, buhay magwawakas

Kami ngayo’y gamitin habang mayro’ng lakas.

Kami ngayo’y iligtas sa pagmamataas,

Puso nami’y linisin sa maling pangarap,

Pabanalin mong tunay sa buhay na ganap;

O Diyos kayo’y mangusap, pagdinig ko’y bukas.

_______________________

9. Bagong Umaga

(Morning Has Broken, UMH145C)

Bagong umaga, dala’y pag-asa, ang bawat puso sumisigla!

Tayo’y umawit, sa lupa’t langit, lahat magpuri sa Lumikha.

May bagong araw, dala ay buhay sa kalupaang anong ganda,

Ibon sa langit ay umaawit ng pagpupuring walang humpay.

O kay ligaya, Diyos ay kasama.  Tayo’y magpuri sa twi-twina,

Tayo’y lumapit, lahat umawit sa Panginoon nating Ama.

O ang liwanag ay sumisikat.  Ang kagandahan ay kay tindag!

Ang sangnilikha ay umaawit at nagpupuri Lumikha.

_____________________

10. Sa Sangang Namumulaklak

(Hymn of Promise, UMH# 707)

Sa sangang namumulaklak, bukas bunga’y darating

Sa mga binhing may buhay, halaman uusbong din.

Lingid man sa nakikita ng matang naninimdim,

Sa huling yugto ng buhay pag-asa ay darating.

Sa bawat katahimikan, sisibol ang awitin

Sa dilim magliliwanag, malungkot,  aaliwin;

Kahapon ay mayro’ng bukas na ating haharapin,

Ating Dios ay kumikilos, pag-asa ay kakamtin.

Kahit na sa kamatayan, buhay ay makakamit

Sa mundo tayo’y lilisan, sasapitin ang langit;

Pagpanaw may bagong buhay at  ganap ang tagumpay!

Himalang hindi malirip, Dios ang nakababatid.

Ang buhay sa daigdigan ay mayroong hangganan,

Ngunit sa patutunguhan, buhay ay walang hanggan,

Ang tunay nating tahanan, hindi ang sanglibutan

Sa piling ng Diyos sa langit, buhay ay  makakamit.

__________________________________________

11. Tayo ay Humayo

(Sowing in the Morning / Bringing In the Sheaves)

Tayo ay humayo, magtanim sa puso ng maraming taong nasisiphayo,

Buhay na Salita, ating ibalita, tayo ng umani ng gintong bunga.

Koro:

Ibahagi na, dalhin sa madla, Mabuting Balita sa mga bansa,

Ibahagi na, dalhin sa madla, halina’t anihin ang gintong bunga. Amen.

Tayo nang umani sa bawat umaga, ang maraming bunga’y naghihintay na,

Ang Pangino’ng Jesus ay nag-aanyaya, tayo na’t anihin ang gintong bunga.

Bungkalin ang lupa, magtanim, umasa na sa tamang oras ay aani ka,

Ngayo’y may pagtangis, bukas may pagtawa, bawat kalungkutan, magiging saya.

___________________

12. Diyos ng Pagbabago, Kami'y Akayin

(Many Gifts One Spirit)

Diyos ng pagbabago, kami'y akayin.  Sa aming lakbayin lakas ka namin;

Tanggulan kang matatag, magbago man ang lahat.

Koro:

Aming Diyos, Di-wa ng pag-ibig at biyaya,

Balon ka ng pagpapala, O banal na Lumikha,

Ikaw ang ngayon, bukas, kahapon

Salitang Mahal at Diyos na Banal. Salamat sa kaloob, "Purihin"!

Diyos ng mga lahi, bayan at bansa, nagpapasalamat, iyong nilikha

Kanlungan kang matatag, pag-asa ka ng lahat.

Sa bawat umaga, laging sagana, ang iyong pag-ibig at pagpapala,

Kaloob mo sa amin, sa 'yo'y iaalay din.

_________________________________

13. Narito Ako

(Here I Am Lord)

Ako ang Diyos na lumikha nitong langit at lupa;

bayan kong nasa dilim, liwanagin.

Mga bit’win at buwan, sa buong kalangitan,

bayan ko’y naninimdim, bigyang pansin.

Koro:

Narito ako, suguin mo, narinig ko, Diyos ang tawag mo.

Susundin ko ang utos Mo. bayan mo’y mahal sa puso ko. Amen.

Ako na Diyos ng panahon, bayan ko’y iaahon,

sa hapis at sa lagim, sila’y akin.

Sila man ay lumayo, babaguhin ang puso.

Sino ang susuguin? Ako’y dinggin.

Diyos ako ng sinuman, alay Ko’y kaligtasan,

kayo ay mahal sa’kin, ako’y dinggin.

Nais ko ngang abutin, sa hirap ay sagipin,

lahat ay iaalay, maging buhay.

_________________________

14. Bubuhos ang Pagpapala

(There Shall Be Showers of Blessing)

Bubuhos ang pagpapala, ayon sa pangako N'ya,

May darating na biyaya, galing sa 'ting Lumikha.

Koro:

May pagpapala, uulan ng biyaya!

Bubuhos na sagana, kaloob ng Lumikha. Amen.

Bubuhos ang pagpapala sa mga taong aba,

Tanging sa Dios umaasa, pala ay sasagana.

Ibuhos ang pagpapala, O Panginoong Dakila,

Ang iglesia'y dumalangin, saganang pala’y kamtin.

Saganang pala’y darating nawa ngayon sa atin,

Kay Jesus ay manalangin at ng tayo ay dinggin. 

_______________

15. Ang Tinatahak Kong Landas

(Hymn at Tune Name: Higher Ground)

Ang tinatahak kong landas ay patungo sa itaas,

Sa aking bawat paglakad,  tungo sa Tagapagligtas.

Koro:

Panginoon, dalhin ako, doon sa ligtas na dako.

Panginoon, itindig mo ako sa buhay na bato. Amen.

Tanging nais ng loob ko ay manatili sa Iyo,

Ang dalangin ng puso ko, ang itaas maabot ko.

Kailingan ko’y mabuhay hindi sa mundong ibabaw,

Dahil nais kong makamtan, ang marating ang kaita’san.

Langit nais kong marating, ito ang aking hangarin,

Nang si Jesus makapiling, sa ligayang ‘di ma'hambing.

_________________________________________

16. Pag-ibig Mo Ang Yumayakap

(O Love That Wilt Not Let Me Go,  UMH 480, Tune: St. Margaret)

Pag-ibig mo ang yumayakap, sa puso kong nalulumbay,

Buhay ko ay sa Iyo lamang.  Sabay sa agos ng ilog patungo sa Iyo.

O liwanag sa aking daan, Ikaw ang tangi kong tanglaw

Kalul’wa ko’y nananawagan, liwanag mo ang tanging kong pag-asa sa buhay.

Ligaya ka sa kalungkutan, lakas kung may kabigatan,

Bahaghari ka sa tag-ulan, pangako mo’y tutuparin sa ‘kin lamang.

O krus na umako sa sala kailan ma’y hindi lalayo

sa ‘yo hanggang sa kamatayan

hanggang ako’y babalik doon sa piling Mo.

______________________ 

17. Kung Mahirap ay Tutulong

(When the Poor Ones, UMH # 434, Tune Name: El Camino)

Kung mahirap ang tutulong sa mahirap,

Kung pulubi ang siyang magbibigay;

Kung mahina ang magbabahagi ng lakas.

Koro:

Alam nating Dios ay ating kasama.

Alam nating Dios ay ating kasama.  Amen.

Kung ang mga naghihirap, payapa,

May pag-asa ang walang kinabukasan,

Kung pag-ibig sa halip na kalupitan.

Kung ang ating tahanan ay pinagpala

Sa halip na digmaan ay payapa

Ang salat ay ating natutulungan.

______________________________________

18. Jesus, Jesus

(Jesu, Jesu, MH #432, Tune Name: Chereponi)

Refrain:

Jesus, Jesus, puspusin kami ng ‘yong pag-ibig,

Kami ay maglilingkod. Amen.

Lumuhod sa paanan ng iyong kaibigan,

Paa ay hinugasang lahat.

Kapwa man ay mahirap, o kahit na mayaman

Sila ay dapat paglingkuran.

Mahalin aming kapwa, kaibigan o kaaway,

Utos Mo ay susunding tunay.

Luluhod sa paanan, paa ay huhugasan

Aming kapwa ay paglingkuran.

_________________________________

19. Kung Salita Ko Ma’y Ganap

(The Gift of Love, MH#408, Tune Name: Gift of Love)

Kung salita ko ma’y ganap, maging bantog na mangusap

Kung puso ay hindi wagas, sa pag-ibig na ma’y salat.

Kahit buhay ko’y ibigay, kung kulang sa pagmamahal;

Ako’y walang kabuluhan, buhay ko ay hungkag naman.

Kahit talino ma'y akin, kung pag-ibig ay 'di angkin,

Aking dunong, pawang walang halaga sa 'king Lumikha.

Halika Esp’ritung Banal, at kami ay pagharian,

Puspusin ng pagmamahal ang buhay namin sa ‘yo lamang.

Sa aming Dios ng pag-irog, tanggapin aming kaloob,

Papuri at pasalamat, pagsambang sa Iyo’y handog.

__________________________

20. Sa Mumunting Siklab

(Pass It On)

Sa mumunting siklab, apoy ay magniningas

At sa ilang iglap, makikita’y liwanag.

Katulad ng pag-ibig ng Dios na nagliligtas,

Tanggapin S’ya sa buhay mo, pag-ibig N’yay wagas.

Kay ganda ng hardin, luntian ang tanawin;

Halama’t bulaklak, ibon ay may awitin

Katulad ng pag-ibig Niya, kung iyong tanggapin

Sa puso ay may awitin,  ang Diyos ay purihin.

Dalangin ko sa Diyos, ikaw aking kaibigan

Ang maranasan mo, tunay na kaligtasan;

Sabay nating isisigaw, ang Diyos papurihan,

Pag-ibig Niya ang nagligtas, sabihin sa lahat.

Mga anak ng Diyos, sabay-sabay sa awit,

Sa iisang tinig, sabihin sa daigdig;

Ang tanging Dios na dakila, nagkatawang kusa,

Pagliligtas N’ya’y tanggapin. Sabihin sa lahat.

___________________________________

21. Salamat sa Lumikha

(Come Ye Thankful People Come)

Salamat sa Lumikha sa anihang sagana

Mga punong sisidlan, umaapaw na kaban;

Sa Dios na nagkaloob papurihan na lubos,

Pasalamat ihandog sa Dios nating mairog.

Ang buong daigdigan, puno ng halamanan,

Nilikhang may’rong buhay,  pagpapala ngang tunay;

Tumubong mga palay, mga bunga at gulay

Anihan ay dumatal, Dios ay pasalamatan.

Si Jesus ay darating, tayo ay aanihin,

Sa daigidig kukunin,  sa langit ay dadalhin,

Masama’y itatapon sa apoy na linggatong,

Bunga ay titipunin, ng lalo’ng pagyamanin.

Jesus, nawa’y dumating ka ngayon sa ‘ming piling

Kami ay 'Yong linisin, at kami ay anihin;

Mabubuti ngang gawa kaloob ng iglesia,

Handog namin sa Ama, papuri at pagsamba.

__________________________________________

22. Tindig Anak ng Diyos

(Rise Up O Men of God)

Tindig anak ng Diyos, humayo’t maglingkod,

Buong puso mo at lakas, sa Diyos mo ihandog.

Tindig anak ng Diyos, tungkulin gampanan,

Mahalin mga kapatid, madla’y paglingkuran.

Ang krus ay itaas, iglesia’y itanyag,

Dakilang ngalan ni Jesus ating ipahayag.

Buhay ay ihandog sa Panginoong Jesus,

Humayo ka at maglingkod, tindig anak ng Diyos!.

________________________________________

23. “Kaya Mo Ba ang Mabuhay Para sa Akin Lamang?” 

(“Are Ye Able?” Said the Master)

“Kaya mo ba ang mabuhay para sa akin lamang?”

Panginoon ang tugon ko, “Buhay ko ay sa'Yo lang.”

Koro:

Ang aking buhay, sa Iyo lamang.

Ako’y hubugin, gamiting tunay,

Ang Iyong tanglaw ng pagmamahal

Ang liwanag at gabay sa ‘king daan. Amen.

“Iyo bang naaalala, ang napakong salarin?

Siya ay sumamp’lataya, at s’ya ay naligtas din?”

“Kaya mo bang magpatuloy sa iyong paglilingkod?

Bagama’t mayroong pagsubok, ikaw ba ay susunod?”

“Susunod ka ba sa akin kung puno ng pasanin?”

"Susunod ako O Jesus, hanggang ako ay kunin!"

_____________________________ 

24. Tulad Mo ay Isang Ibon

(Like the Murmur of the Dove’s Song, UMH#544, Tune Name: Bridegroom)

Tulad mo ay isang ibon na mayroong awitin,

Hangin kang dala ay buhay na di kayang supilin,

Halina Espiritu.

Sa iglesia mong tinawag, kami ay itinatag

Sa lupa ay magpahayag, buong tapat at lakas

Halina Espiritu.

Sa diwa ng ‘yong pag-ibig, kami ay ‘yong binigkis

Sa timyas ng Iyong tinig sa iyo ay umanib.

Halina Espiritu.

Kami ngayo’y maglilingkod, sa nais Mo’y susunod,

Hahayo ng buong lugod sa mundong iniirog.

Halina Espiritu.

______________________

25. Kay Jesus Ka Lumapit

(Turn Your Eyes Upon Jesus)

Ikaw ba’y pagod at balisa?  Dilim ang s’yang nakikita?   

Mayro’ng liwanag at pag-asa, kung si Jesus ang  kasama.

Refrain:

Kay Jesus ka lumapit, sa banal N’yang mukha tumitig,

Dilim ng mundo ay madadaig, sa tanglaw ng kanyang pag-ibig.

S’ya ay namatay at nabuhay, nagapi n’ya ang libingan

Kasalana’y wala ng tagumpay, tayo ay wagi ngang tunay.

Salita N’ya ay ‘di nagbabago, pangako n’ya’y ‘di nagmamaliw,

Kahit na ang mundo’y magdilim, pagliligtas N’yay  t’yak pa rin.

______________________

26. Ang Kapayapaan Kung sa 'Ki'y Dumating

(A Peace Like a River / It is Well)

Ang kapayapaan kung sa 'ki'y dumating, lungkot kusang lilipas din,

Ano mang pagsubok, payapang lubos. Puso ko'y panatag sa Diyos.

Koro:

Panatag na lubos, diwa ko'y payapa sa Diyos. Amen.

At kung may panganib, masama'y may badya, sa Diyos ako'y may tiwala.

Dahil si Jesus ang sa'ki'y tumubos buhay ko'y panatag na lubos.

Kasalanan ko ay tunay na nilinis, ganap, lahat ay naalis

Doon sa kalbaryo, buhay ko'y binago, purihin ang Dios kalul'wa ko.

Panginoon ko sa iyo'y maghihintay sa muli mong pagdating

Doon sa langit ako'y salubungin, nang kapayapaan ay kamtin.

_____________________

27. Ako’y Sumayaw at Umi-indak

(Lord of the Dance)

Ako’y sumayaw at umi-indak, sa paglikha ko puso ko ay nagalak,

Kasabay ng tala at ng bulaklak, doon sa belen ng ipanganak.

Koro:

Indak, sumabay, sumayaw, buong galak - kayo’y sumigaw,

Umawit lahat at pumalakpak, sumabay sa awit na may pag-indak.

Awit ko’y tumawag sa marami, tinig ko’y di pansin at para silang bingi,

Mangingisda nama’y ‘di tumanggi, nakisayaw sila sa akin.

Ako’y sumayaw sa pagsamba, mga pilay pinagaling ko pa,

Relihiyoso ay nagalit na, kaya tinanggap ko ay parusa.

Sa krus na kahoy, ako’y pinatay, ako’y ipinako at doon binayubay

Ngunit kailanman ako'y buhay. Sa aking sayaw, kayo’y sumabay.

________________________

28. Ayon sa Kasulatan (Tagumpay Ko Ay Tunay)

(Oh Victory in Jesus)

Ayon sa kasaysayan, nasaad sa kasulatan

Si Cristo’y nakipamuhay sa sangkatauhan;

Buhay ay inihandog, at sa atin ay kaloob,

Ang mananalig kay Jesus, tagumpay ay lubos!

Koro:

Tagumpay ko ay tunay, naligtas aking buhay

Panginoon kong si Jesus, aking Manunubos;

Sa krus ay nabayubay, buhay ko’y dinalisay,     

Ako’y nanalig kay Jesus, tagumpay ko’y lubos.

Narinig kong salaysay, bulag, mata’y nabuksan,

At lumakad mga pilay, O himalang tunay!

Ako ay dumalangin, ng sa sala hanguin,

Samo ko’y tinugon ng Diyos, tagumpay ko’y lubos.

May Mabuting Balita sa dakilang biyaya,

May tahanan na kay ganda sa kaharian Niya;

Doon ako’y aawit ng tinig makalangit,

Kasama ng mga angel papuri ang sambit.

________________________

29. Buhay na Pananalig

(Faith of Our Fathers Living Still)

Buhay na pananalig, sa amin ay ipinamana

Puso namin ay masayang maglilingkod at sasamba.

Pananalig namin sa Diyos! Habang buhay maglilingkod.

Ninuno natin ay nanalig, sa gitna man ng panganib,

Dugo’t sarili ang kaloob, sa Dios buhay ay inihandog.

Pananalig namin sa Diyos! Buhay namin ihahandog.

Pananalig na tinanggap ay siya naming ihahayag,

Maglilingkod na buong tapat, ng kaligtasa’y lumaganap.

Pananalig namin sa Diyos! Magtatapat kaming lubos.

Pananalig ay mamahalin, habang buhay na tangkilikin

Kapwa’t kaaway ay iibigin, utos ng Dios na mairugin;

Pananalig namin sa Diyos!  Kay Jesus ay maglilingkod. Amen!

__________________________________

30. Dakilang Biyaya ng Diyos

(Amazing Grace)

Dakilang biyaya ng Diyos sa akin ay nagligtas!

Ako ay naligaw, at Kanyang hinanap. Dilim naging liwanag.

Biyaya’ng sa ‘ki’y nag-alis sa takot at hapis,

Saganang biyaya, mula sa Lumikha mula ng manalig.

Ang pangako ng Pangino’n, ay may pag-asang angkin,

Aking Manunubos, tiwala ay lubos, na ako'y lilingapin.

At kung dulo man ay abutin, at ako'y kukunin,

Sa langit na mahal aking pupurihin, Dios ay luwalhatiin.

____________________________________

31. Buhay ang Panginoon
(He Lives)

Buhay ang Panginoon, at Siya ay narito,
Kasama ko sa buhay sa alin mang dako;
Ako’y magpapatunay na Siya ay buhay,
Siya’y aking kapiling,  sa 'king buhay.

Koro:
Buhay! Buhay! Si Jesus ay buhay!
Kapiling ko’t kasama ko, sa ‘king paglalakbay.
Buhay! Buhay! Si Jesus ay buhay!
Siya ay nasa puso ko. Alam kong Siya’y buhay!

Nadarama kong tunay ang kanyang pag-ibig,
At maging sa panganib, tulong Niya’y ‘di lingid;
Siya ang nangunguna, at pumapatnubay,
Buhay ay kay ligaya sa piling Niya!

Tayong mga Kristiano ay magpuri twina,
Sama-samang umawit sa Diyos, Halleluyah!
Naghahari si Jesus sa langit at lupa,
Siya ay ating sambahin, purihin Siya!


_________________

32. Ang Kapurihan Tanging Kay Cristo Lang
(Thine Be the Glory / Tune: Judas Maccabeus, MH #308)

Ang kapurihan tanging kay Cristo lang,
Ang nagtagumpay sa kamatayan;
Ikaw ay buhay magpakailanman.
Kaluwalhatian Mo’y walang hanggan.

Koro:
Ang kapurihan Cristo sa ‘Yo lang,
Tiyak ang tagumpay sa kamatayan. Amen.

O Panginoon, kami’y pakinggan,
Alisin ang lumbay at ang takot man.
Nang ang iglesia ay magtagumpay
Ang ‘yong biyaya sa ‘mi’y ibigay.

Diyos ng buhay, sami’y ibigay
Ang Iyong biyaya ay walang hanggan;
Ganap na tagumpay ang Iyong alay,
Hanggang masapit ang ‘Yong kaharian.


_________________


33. Ang Diyos ni Abraham,  Ating Papurihan
(The God of Abraham Praise)

Ang Diyos ni Abraham, ating papurihan
Panginoong walang hanggan, tanging banal.
Dakilang Maylikha ng langit at lupa,
kaming lahat ay sasamba sa Ngalan niya.

Sa pangako niya, ako ay tiwala
ang lakas ko'y sa agila, kaloob niya.
Aking makikita, mukha niyang kayganda,
sa langit ay pupurihin siya sa t'wina.

Ako ay hahayo sa banal na dako
lupa ng kapayapaan ay sagana,
Ang pulot at gatas ay umaapaw
halaman di natutuyo sa tag-araw.

Naghahari ang Diyos, sa buong daigdig,
banal, banal, banal na Diyos ng pag-ibig
Ngayon at kahapon, s'ya ang Panginoon,
Diyos ng bukas at sa lahat ng panahon.

_____________________________

34. Ang Pag-ibig Niyang Dalisay
(The Love Of God is Greater Far)

Ang pag-ibig niyang dalisay, higit sa kayang isaysay,
Mas mataas sa kalawakan malalim sa karagatan.
Ang katibaya’y makikita, sa kanyang pagsinta
Nang ibigay ang Anak  Niya, pantubos sa sala.

Koro:
Pag-ibig N’yang kay dakila,  ganap, walang hanggan!
Ang dakilang pagmamahal mula sa Maykapal.  Amen.

Kung panahon man ay lumipas, at daigdig ay magwakas,
Ang tumanggi sa Manunubos, ay hindi makakaligtas.
Ang pagsinta ng Diyos Ama, ang tanging pag-asa,
Ang manalig sa Anak Niya, maliligtas sa sala.

Hindi kaya kung ipinta, lawak ng Kanyang pagsinta,
Ang dagat man, ay aapaw pa, sa daloy ng pag-ibig Niya,
Pagmamahal ng Diyos Ama, labis na pagsinta,

Nang ibigay ang Anak  Niya, pantubos sa sala.