1st Sunday Epiphany : Magdiwang Kasama si Jesus / Juan 2:1-11

Anyaya Upang Magdiwang Kasama si Jesus!
Juan 2:1-11; Isaias 62:1-5

Sa totoo lang, sa oras ng kasal, masaya ang lahat, dahil ito ay panahon ng pagdiriwang. Ang Ikalawang Linggo Epifanio o kapahayagan ng Diyos ay naganap sa isang kasalan ayon sa Ebanghelyo ni San Juan.

Ang kwentong ito ayon sa salaysay ni Juan ay may layunin: upang sumampalataya ang mga alagad na kasama ng Panginoong Jesus - Juan 2:11, dahil sa pamamagitan nito'y inihayag ng Diyos ang kanyang kapangyarihan.

Kapag ang presensya ng Diyos ay nasa ating kalagitnaan, may kakaibang nagaganap. May malaking pinagkaiba kapag ang Diyos ang kumikilos para sa atin, sa halip na tayo lamang ang gumagawa para sa Diyos.

Imbitado si Jesus sa Kasal

Imbitado si Jesus sa nasabing kasal. Kahit sa ating panahon, ang Diyos ay dumarating parin bilang tugon sa ating imbitasyon sa kanya. Pero ilan kaya sa atin ngayon ang tunay na nagbubukas ng kanilang buhay para sa Diyos? Ilan kaya sa atin ang nagbubukas ng kanilang tahanan upang anyayahan ang Diyos sa buhay ng ating pamilya? Imbitado kaya ang Panginoon sa loob ng ating kapilya, upang gawin niya ang kanyang kalooban, sa halip na ipilit natin ang ating sariling kalooban?

Marami ang mga nagdurusang pamilya ngayon dahil walang lugar ang Diyos sa kanilang sambahayan. At marami na ring kapilya ang nagkakagulo ngayon dahil hindi na nagaganap ang kalooban ng Diyos sa loob nito!

Kapag imbitado si Jesus sa ating kalagitnaan, binubuksan natin ang ating sarili sa malayang pagkilos ng Diyos sa ating buhay!

Tignan ninyo, bagamat si Jesus ang imbitado dito sa kwento, tayo man ay iniimbitahan ng Panginoon upang pagbulayan natin ang kalahagahan ng presensya ng Diyos sa ating buhay. Sa tagpong ito, ginawang alak ng Panginoon ang tubig bilang patunay na si Jesus ay may kapangyarihang bumago. Marahil sa inyo na nakikinig, may mga bagay na nagaganap sa inyong buhay na nais ninyong mabago. Baka may mga bahagi ng inyong buhay na inaasam ninyong "sana" ay magbago. May magagawa ang Diyos - Siya ay may kapangyarihang bumago kahit ngayon. Tignan ninyo ito...

May Problema Sa Nasabing sa Kasalan

Kapag may nangyayaring problema na maaring magdulot ng malaking kahihiyan, nais nating magbago ang mga pangyayari o kaya'y sana lumubog na lamang tayo na parang bula, para hindi lang tayo mapahiya! Subalit ang pagkakaroon ng problema ay bahagi ng buhay.
Sa tagpong ito, nagkulang ng inumin. Problema ito. Kahihiyan ang makitang nabubulunan ang mga bisitang kumakain at wala man lang inumin na iahain. Napaka-hirap pong tulungan ang isang taong nabulunan, kapag bumara ang masarap na pagkain sa kanyang lalamunan! Lalo kung walang inumin!

Kaya huwag na nating sisihin si Maria na ina ng Panginoon dahil siya ay nagulumihanan dahil siya marahil ang namamahala sa handaan. Ang nasabing problema ay agad-agad niyang dinala sa Panginoon.

Kaya, kung may problema kayo mga kapatid, idulog ninyo agad ito sa Panginoon. Huwag na ninyong i-tsismis ang sarili ninyo sa iba. Baka kumalat pa ang balita tungkol sa inyong problema. Agad na kayong magsabi sa Diyos ng inyong suliranin, dahil laging may solusyon ang Diyos.

Ang Solusyon ng Panginoong Jesus

Bilang tugon, iniutos ng Panginoon na punuin ang mga tapayan na ginagamit sa ritual ng paghuhugas (cleansing ritual). Ngunit sa halip na ipanghugas ng paa, mukha at kamay, ginawa niya itong masarap na alak na inumin.

Ano ang ibig sabihin nito?
Tandaan na ang kwentong ito ay naglalayong ipaliwanag sa mga nagbabasa ang mga "tanda" o "signs", mga kababalaghang ginawa ni Jesus upang patunayan na siya na nga ang Anak ng Diyos, at ng sa gayon ay sumampalataya ang mga alagad.

Ibig sabihin, ang kwento ay may malalim na kahulugan. Ang mga bahagi nito ay may sinisimbulo.

Ang kahulugan ng Tubig na Naging Alak

Sa seremonyas ng paghuhugas, ang relasyon ng tao sa Diyos ay pinaniniwalaang nadudungisan dahil sa dumi ng kasalanan. Kung kaya, hindi maaring humarap sa Diyos na marumi ang tao. Kailangan muna silang maghugas. Nilalaman ng ritual na ito na nakakatakot ang pagharap sa Diyos ng isang makasalanan.

Subalit nagpapakilalang muli ang Diyos sa tagpong ito sa pagdating ni Jesus.

Ang tubig na panghugas ay naging masarap na inumin! Ang dating takot sa Diyos ay napalitan ng imbitasyon upang tikman ang bagong alak! Ang kwento ay nagpapahayag ng bagong pagkilala sa Diyos. Ang Diyos ay hindi na dapat katakutan ng mga makasalanang naghahangad ng paglilinis, dahil matitikman nila ang dakilang gawa ng Diyos na babago sa kanilang buhay. Ang pakikiharap ngayon sa Diyos ay isa ng pagdiriwang! Ito ay imbitasyon ng pakikisalo sa Diyos sa isang bagong buhay!

House Blessing Sermon- Psalm 127:1

Kapag ang Diyos ang Nagtayo ng Tahanan
Scripture: Psalm 127

Lesson:
Napakabuti ng Diyos na nagtatayo ng ating mga tahanan. Ang tanging nais ng Diyos ay ang pagpalain tayo sa loob ng ating sambahayan.

Ngunit maraming tao ang nagtatayo ng kanilang tahanan na hindi kasama ang Diyos. Dahil dito, hindi nila nakakamit ang ganap na pagpapalang kaloob ng Panginoon.

Narito ang mga kaloob ng Diyos sa sambahayang kanyang itinayo:

1. PAGPAPALA SA PANGANGAILANGAN.
Mabunga ang pagpapagal sa trabaho ng miembro ng pamilyaNg makadiyos. Walang nasasayang sa kanilang paggawa dahil ito ay pinagpapala ng Diyos (v. 2). Sila ay nakakatulog pa ng maimbing pagdating ng takipsilim.

Sa kabilang banda, sa tahanang hindi ang Diyos ang nagtayo; ang kanilang kapaguran ay walang saysay. Pagod sila ngunit hindi nagbubunga ang kanilang pagsisikap. At wala sila ni masarap na tulog man lang.

2. PAGPAPALA NG MGA SUPLING.
Mabungang pagdami ng mga supling (v.3). Ang pag-lago ng pamilyang pinagpapala ng Diyos ay pagdami ng mga anak na magpapatuloy sa pananampalataya ng pamilya.

Ang mga bata ay pagpapala ng Diyos. Sila ang bukas ng kasaysayan. Sila ang magpapatuloy sa anumang nasimulan.

Mayroon akong kaibigang mag-asawa na walang biological children. Ngunit sa kanilang ministeryo, pinagkalooban sila ng maraming anak ng Diyos. Naging mabunga pa rin ang pagdami ng kanilang mga anak.

3. PAGPAPALA NG KALIGAYAHAN.
Ang pangatlong pagpapala ay pagkakaroon ng masayang tahanan. Ang damdamin ng kapayapaan ay kaligayahan ay hindi matutumbasan ng anumang kayamanan. Ito ay ipinagkakaloob ng Panginoon kung siya ang tagapagtayo ng ating sambahayan.

Pinagpala sa pangangailangan, sa mga supling at kaligayahan. Wala ka ng mahihiling pa!

Application:
Ang Panginoon ang arkitekto, inhinyero at aluwage ng aking tahanan. Siya ang nais kong magtayo ng aking sambahayan.

Prayer:
Naranasan napo namin Panginoon ang magtayo gamit ang aming sariling sikap at kaalaman. Bumagsak lamang po ang aming itinayo.  Sa aming muling pagtayo, samahan mo po kami O Aming Diyos.

Youth Sermon (Gig Night) Luke 15:13

SEEKING  FREEDOM, and IDENTITY Without Damaging Life

Youth Gig Sermon: Prodigal Son - Luke 15:13

Verse 13 "Not long after that, the younger son got together all he had, set off for a distant country and there squandered his wealth in wild living.

Introduction

Maraming kabataan sa ating panahon ang hindi nagtatagumpay sa buhay. Ayon sa mga survey, sa bawat 100 na batang maliit na pumapasok sa pre-school, ang magtatapos sa mga ito sa kolehiyo ay wala mang 20, at ang makapagtatrabaho sa kanila ay mg lima lamang. 

Kung ganito ang patuloy na mangyayari sa ating mga kabataan, ito ay malaking trahedya. 

Ito ang inyong panahon. Sa ayaw sa gusto ninyo, maiiwan sa inyong balikat ang kahihinatnan ng bukas. Kung kaya, anumang desisyon na gagawin ninyo, aralin ninyo itong mabuti. 

Tulungan nawa tayo ng Panginoon, mga kabataan. Mga kabataang Kristiano, kailangan kayo ng Diyos, upang maging instrumento ng tunay na pagbabago. Tinatawag tayo ng Diyos upang makalikha siya ng magandang bukas, para sa inyo at para sa susunod pang henerasyon. 

Hanapin niyo ang inyong sarili. Mabuting bagay kung madiskubre mo kung kung sino ka, at 
mapatunayan mo ang iyong galing. Pillin mo rin ang maging malaya. Mabuti ito, dahil hindi ka dapat

 maging alipin ng anumang bagay. Pinalaya na tayo ng Diyos. 

Mayroon magandang aral na makukuha sa buhay. 

Isang batang limang taon, ang nagtanong sa mga magulang niya habang kumakain. Tanong niya, "Bakit kayong matatanda, marami kayong nalalaman?"  Nag-isip ang kanyang nanay ng maisasagot. Kumuha ng pitsel si Misis, at ibinuhos ang kaunting tubig sa baso, at sabi niya, "Limang taon ka pa lamang, at maaring ganito pa lamang ang iyong nalalaman."  At ibinuhos ng nanay ang mas maraming tubig, na halos higit sa kalahati sa baso.  At sabi niya, "Ito naman ang aming nalalaman."

"Paano po kayo natuto?" Dagdag na tanong ng bata. Sagot ng tatay, "Sa mga tama at mali na aming 
nagawa sa buhay anak." 

May dalawang paraan ng pagkatuto sa buhay. We may learn positively and we may learn negatively.

a. Ang pagkatuto sa positibong paraan bilang pag-aaral sa buhay. 

Matuto kayong makinig sa nakakatanda sa inyo, magbasa kayo ng aklat, mag-aral mabuti sa paaralan. Punuin ninyo ng kaalaman ang sarili. At kapag marami ka nang alam, marami kang magagawa tungo sa iyong pag-unlad. 

b. Ang matuto ng negatibo. Ito yung pag-aaral sa maling paraan. Yung magkakamali ka muna para magtanda ka dahil sa consequence, o mapait na ibubunga ng iyong maling ginawa. 

Aralin nating ngayon ang Prodigal Son story, para matuto tayo. Ready na ba kayo?

Ang bawat kabataan ay naghahanap ng kalayaan upang makita niya ang sarili. Naghahanap ang mga kabataan ng kalayaan gawin ang kanilang nais, at nang sa gayun ay may mapatunayan sa sarili at sa iba. Hindi ito masama. Go and search for your identity and find your freedom. Ipakita mo ang iyong galing at hanapin mo ang iyong sarili. 

At ito yung ginawa ng kabataan ito. He started to discover who he was. He started to live with absolute freedom. 

1. Una, naghanap siya ng kalayaan, sa pamamagitan ng paggawa ng mga ipinagbabawal.  Nilabag niya ang mga  BAWAL.  Inakala niya na ito yung magpapalaya sa kanya. 

-  Una, hiningi niya ang kanyang mana ng wala sa panahon. 

- Pangalawa, inubos niya ang kanyang kayamanan sa maling paraan. 

Ang paggawa ng kamalian, ay hindi kalayaan. Ito ay pagsira sa sarili. Kapag binabawalan kayo, ito ay positive learning. Makinig lang kayo at matututo kayo. Pagmasdan ninyo ang Sampung Utos, puro mga BAWAL! Bawal ito, bawal iyon...ang mga ito ay paraan ng pagtuturo ng Duyos sa atin upang hindi tayo mapahamak.  Kaya nagbabawal ang mga magulang, hindi ito dahil wala silang tiwala sa inyo. Nalalaman nila ang mga nakatagong panganib, kaya nagbibigay sila ng maagang babala. (Yung asawa ni Babalu.)

2. Pangalawa, hinanap niya ang kanyang kalayaan, sa pamamagitan ng pagtalikod sa kanyang pamilya. 

"Wow! Malaya na ako, wala nang pakialam ang tatay ko sa buhay ko! Magagawa ko na ang lahat ng  gusto kong gawin!" 

He sought freedom by disregarding and leaving his family behind. 

Do not do this. Ipinagpalit niya ng pera ang tunay niyang kayamanan.  Ang ating pamilya ang ating tunay na kayamanan. Walang maipapalit sa ating ama at ina. Walang maitutumbas sa pagmamahal ng tunay 
na kapatid. Huwag ninyo silang ipagpapalit. 

Ang kabataang ito, ipinagpalit niya at tinalikuran ang kanyang pamilya para sa inaasam niyang kalayaan, at bandang huli, hindi na siya malaya, dahil naging alipin na siya ng kanyang kalagayan. 

Isang kabataan ang naghanap ng kalayaan. "Huwag ninyo akong pakialaman, buhay ko'to!" 

Gusto niyang maging malaya, kaya sunod sa parkada, bisyo dito bisyo doon. Hanggang siya makulong. Bandang huli, ang kalayaan na hinahanap niya at pagka-alipin pala. Alipin na siya ng droga. 

Huwag ninyo babalewalain ang inyong pamilya. Mahal nila kayo, pakamahalin ninyo sila. 

3. Naghanap siya ng kalayaan at itinapon niya ang kanyang bukas. 

Sa sobrang kaligayahan nakalimutan niyang paghandaan ang kanyang kinabukasan. 

Kuya, hindi ka lang ngayon mabubuhay. May bukas pang darating! At ang tagumpay ng bukas mo ay nakasalalay sa paghahandang gagawin mo ngayon!  May isang Praise and Worship Team member sa aming iglesia ang may testimony na ganito, 

"Nagkaroon ako ng opportunity na mag-aral sa Maynila. Marami ang padalang allowances sa akin. Inuubos ko ito sa inom, droga at babae. Ngayong tumatanda na ako, dahil hindi ako natapos sa 
kolehiyo, napapansin iyong mga kaedad ko na nagtatagumpay, maganda ang kalagayan, may magandang trabaho, naiisip ko, sayang iyong sinira kong panahon sa aking kabataan.  Akala ko dahil masaya iyong ginagawa noon, ay mananatiling ganon na lang. Kaya eto, nagsisisi ako.  Salamat na alang at nakilala ko ang Diyos at alam ko may isa pang pagkakataon na nakalaan sa akin. This time, hindi ko na palalampasin ang ibibigay na opportunity ng Diyos." 

He sought his freedom and identity by disregarding the future.     He lived reclessly.

4. Finally, hinanap niya ang kanyang kalayaan na nakawalay sa Diyos. 

Sasabihin ko sa inyo ng tuwiran mga kabataan, hindi natin kailanman mararanasan ang tunay na kalayaan kung hiwalay tayo sa Diyos. Ang tunay na kalayaan ay makikita lamang sa Panginoon. 

Akala ng kabataang ito, ang paggawa ng kasalanan ay kalayaan. At sinira niya, winasak niya ang kanyang sarili. Sinira niya ang kanya kinabukasan. Sinira niya ang relasyon niya sa kanyang pamilya. 

Then he came to his senses. Buti na lang at siya ay nakapag-isip. Nakita niya yung kanyang kamalian. Siya ay nagsisi at nagdesisyong bumalik sa kanyang ama. 

Kung titimbangin mo ang mga nagawa mo sa buhay, alin ang mas marami, ang mga tamang ginawa mo, o mas marami yung mga mali? 

Anumang kamalian, 

kung manunumbalik ka sa Diyos, 

bibigyan ka niya ng isa pang pagkakataon. 

Kung pinalampas mo noon yung ibinigay sa iyong pagkakataon, 

Ngayon bumalik ka sa Diyos - tanggapin mo ang isa pa...isa pang pagkakataon..

Christ the King Sunday: Ang Kaharian ni Jesus na Panginoon

Ang Kaharian ni Jesus na Panginoon
John 18:33-37

Isa sa maaring ituring na pinaka-magandang piyesa ng musika ay ang “The Messiah” ni Friedrich Handel.  Sinasabi na isinulat lamang niya ito sa loob ng tatlong  Linggo.  Kahit ang mga modernong music writers ay hindi nila makopya ang piyesa (kung sulat kamay) sa loob ng tatlong Linggo.  Naisulat ni Handel ang piyesa sa inspirasyon ng Diyos.

Nang ito ay itanghal, napatayo maging si King George I, ang hari ng England.  Pagpapahiwatig ito na kinikilala ng hari si Jesus bilang Panginoon.  Alam natin na ang Halleluya Chorus ay nagpapahayag na si Jesus ay “King of kings and Lord of lords.” Siya ang Panginoon at inaasahan na ang lahat sa atin ay magpapakumbaba sa Kanyang paanan.

Ang araw na ito ay pagpaparangal sa Panginoong Jesus bilang Hari ng sansinukob.  Subalit anong uri ng kaharian ang kaharian ng ating Panginoon?

1. It is not of this world (v.36)
Ang laman ng mensahe ng Panginoong Jesus ay tungkol sa Kaharian ng Diyos.  At ang hari ng kanyang kaharian ay ang Diyos mismo.  Hindi ito kailanman tulad ng kaharian ng tao na naghahari base sa kapangyarihan ng posisyon o kayamanan.  Hindi ito pagmamanipula sa mga mahihirap. Ang pahahari ng Diyos ay tungkol sa pag-ibig ng ating Panginoon sa kanyang nasasakupan. Hindi ito katulad ng mga naghahari-harian sa mundo na gumagamit ng dahas at  kapangyarihan na gumagamit sa kapwa upang makakuha ng pansariling pakinabang.

2.  A Kingdom of Service and not of Domination.

Ng tanungin ni Pilato ang Panginoon, si Pilato ang tinanong ni Jesus.  Ibig sabihin, hindi natigatig ang Panginoon sa taglay na kapangyarihan ni Pilato.  Higit na makapangyarihan si Jesus. Ang nililitis sa tagpong ito ay hindi si Jesus kundi si Pilato.  Ang sinumang humaharap kay Jesus ay dumadaan sa paglilitis ng Diyos.

3. A Kingdom of Truth

Nakita ni Pilato  ang dahilan kung bakit naroon si Jesus ay dahil sa mga maling paratang ng mga Judio sa Panginoon.  Ayon sa Lucas 23:2 si Jesus “daw” ay;
a. naguturo na hindi dapat magbayad ng buwis ang mga    tao sa pamahalaan ng Roma.
b. sinasabi daw ni Jesus na siya ang Hari ng mga Judio
c. nangunguna daw si Jesus sa pag-aalsa laban sa    Emperyo ng Roma

Tatlong beses na paglilitis ang ginanap, alam ni Pilato na walang katotohanan ang mga paratang sa Panginoon.  Subalit sa halip na manindigan sa katotohanan, nagyabang pa itong si Pilato  tungkol sa kanyang katungkulan.  Kumbinsido na siya na si Jesus ay hari (v. 37),bagama’t iba ang kanyang kaharian.  .

Sinasabi ni Jesus na ang dumating siya upang magpatotoo para sa katotohanan.

Ano ang Katotohanan?

Sa aking pananaw, bagama’t alam na ni Pilato ang katotohanan, ayaw pa rin niyang kumilos ayon dito dahil,

1. Para sa kanya, higit na mahalaga ang kapangyarihan na nagmumula sa kanyang posisyon kaysa magpakatotoo.  Maraming tao ang nakikipag-compromise para manatili lamang sa posisyon na kanilang tinatamasa bilang isang uri ng “tagumpay”, ngunit sa katotohanan, ito ay pamumuhay sa kasinungalingan.

2. para sa kanya, mas mabuti ang iligtas niya ang sarili upang manatili sa tungkulin kaysa iligtas ang isang walang kasalanan na napagbibintangan ng kasinungalingan.  Sabi sa James 4:17

“Anyone, then, who knows the good he ought to do and doesn't do it, sins.”

Nagkasala siya dahil hindi niya ginawa ang tama.

3. Para sa kanya, mas mabuting takasan na lamang niya ng usapin at sa mga tao ibato ang desisyon. “Sino ang gusto ninyong palayain ko, si Jesus o si Barabas?”  Alam ng mga tao na si Barabas ang tunay na rebelde laban sa Roma at hindi si Jesus.  Alam din ito si Pilato.  Alam natin na si Barabas pa rin ang pinili ng mga tao at sinunod sila ni Pilato bagamat makaikatlong beses na sinabi ni Pilato na wala siyang nakitang kasalanan sa Panginoong Jesus.

Ang mga ginawang ito ni Pilato at mga mamamayan ay pagbabalatkayo. Hindi sila tumindig sa katotohanan.

Samantalang ang Panginoon ay biktima ng kawalan ng katarunagan, ngunit nanatili siya sa katotohanan.  Hindi niya binaluktot ang katotohanan bagamat lumasap siya ng parusa.  Hindi kailanman nagbago ang kanyang paninindigan para lang iligtas ang sarili.


Jesus Our  King is Offering Us His Kingdom

Ang alok niya ay isang kaharian ng pag-ibig, paglilingkod, na ayon sa katotohanan.

Ang pagkukunwari ay hadlang sa paghahari ng Diyos, maging sa ating personal na buhay.  Ang sabi ng Panginoon, sa John 18:37,

“Jesus answered, "You are right in saying I am a king. In fact, for this reason I was born, and for this I came into the world, to testify to the truth. Everyone on the side of truth listens to me."

Listening to the truth simply means, we try to hear with sincerity, we try to understand what is being said to us, then we do what we ought to do.

Nais ng Panginoon na siya ang maging hari ng ating buhay.  Ano mang hadlang mayroon ngayon sa ating buhay, kung mayroon man, na humahadlang upang hindi natin siya tanggapin...alisin natin ang mga ito.

Gawin mo siyang hari ng iyong buhay ngayon. Ito ang mabuting gawin, ito ang nararapat gawin.

Magpasakop ka sa Kanya ngayon. Amen.

ADVENT UMC-DOC CAREGROUP RESOURCES

Week 1

GATHERING                   Kumusta ka na?

GLORIFYING.                 Umawit tayo ng papuri sa Diyos.

Prayer

Ice breaker.          

          Naranasan mo na bang tumulong sa isang balo, o ikaw ang natulungan niya? 

          Ano ang pakiramdam ng tumutulong o natulungan? 

GROWING.             Mark 12:38-44

1. Nais ng Diyos ang makatulong tayo ng kusang loob sa iba.

2. Ikinasisiya ng Panginoong Jesus ang pagbibigay tulong ng taos sa puso.

3. Hindi mahalaga kung gaano kalaki ang halaga ng ating maitutulong. 

     Ang mahalaga, ito ay kaligayahan ng Diyos na nakakakita sa ating mabuting motibo. 

4. Ano ang kaya mong ibigay sa Panginoon?

GLOWING.          Magdalanginan tayo. 

GOING.               May naiisip ka bang tao na nangangailangan ng tulong o panalangin?

Week 2

GATHERING.     Kumusta ka na?

GLORIFYING.    Umawit tayo ng papuri sa Diyos. 

     PRAYER

     ICE BREAKER.  

            Ano na ang pinaka malubhang kalamidad na naranasan mo? Ano ang naging pakiramdam mo  

            noong mapanood mo ang bagsik ng bagyong Yolanda o Lando?

GROWING.            Mark 13:1-8

1. Ayaw ng Panginoon na tayo ay malinlang ng mga bulaang Messias. 

2. Maging maingat tayo upang hindi tayo makuha ng mga maling katuruan. 

3. Ang mga kalamidad, digmaan at pag-uusig ay simula lamang ng kawakasan. 

4. Mayroong lilitaw na mga magpapanggapj bilang si Jesus. 

GLOWING.    Magdalanginan tayo. 

GOING.          Sino ang nais mong idalangin upang maisama sa ating iglesia 

                       at ipakilala ang Tagapagligtas sa kanya? 

Week 3

GATHERING.                          Kumusta ka na?

GLORIFYING GOD.                Umawit tayo ng papuri sa Diyos. 

PRAYER

ICE BREAKER.             Ano ang masasabi mo sa mga turo ni Apollo Quiboloy na siya raw 

                                     ang bagong Anak ng Diyos?

GROWING .                             John 18:33-37. Christ the King

1. Ang Panginoong Jesus ay isang hari. 

2. Hindi siya tinanggap ng mga Judio bilang hari ng Israel. 

3. Hindi dito sa lupa ang kaharian ng Panginoong Jesus. 

4. Dumating ang Panginoon upang isiwalat sa atin ang katotohanang mula sa Diyos. 

5. Nais pagharian ng Panginoon ang ating buhay. 

GLOWING.       Magdalanginan tayo. 

GOING.             Sa paanong paraan mo pinapakita ang paghahari ng Panginoon sa buhay mo?

Week 4

GATHERING.            Kumusta ka na?

GLORIFYING.           Umawit tayo ng papuri sa Diyos. 

    PRAYER

    ICEBREAKER.       Kapag dumarating na ang pasko, o kung may dumarating na miembro ng pamilya 

                                  mula abroad, ang karaniwang paghahanda ang ginagawa sa inyong tahanan? 

GROWING.                Advent 1 Luke 21:25-36

1. Muling darating ang Panginoong Jesus. 

2. Makakaranas ang mga tao ng kalagiman, 

     habang ang mga Kristiano naman ay sasalubong sa Tagapagligtas. 

3. Magkakaroon ng matinding kahirapan at gutom.

4. Dapat manatiling nagbabantay at nananalangin ang mga Kristiano.

GLOWING.      Magdalanginan tayo.

GOING.           Paano mo ibinabahagi ang Panginoong Jesu-Cristo sa iba 

                        para sa kanilang kaligtasan?

Week 5

GATHERING.          Kumusta ka na?

GLORIFYING.         Umawit tayo ng papuri sa Diyos

     PRAYER

      ICE BREAKER.  Ano ang damdamin mo kapag may ipinangako sa iyong regalo at ito ipagkakaloob na sa iyo?

GROWING               Luke 1:68-79 Advent 2

1. Dumating ang Diyos sa pagkakatawang tao ng Panginoong Jesus.

2. Ang Pasko ay para ikaliligtas ng lahat ng tao mula sa kanilang mga kasalanan. 

3. Si Juan ay ipinagkaloob ng Diyos upang ihanda ang daraanan ng Panginoong Jesus. 

4. Ang kaligtasan ay ipinangako ng Diyos noon pang una sa mga propeta.  At ang pangako niya ay natupad sa   

    kapanganakan ni Juan at ng Panginoong Jesus. 

GLOWING.       Magdalanginan tayo. 

GOING.             May ipanangako ka ba sa Diyos na nais tuparin?

Week 6

GATHERING.             Kumusta ka na? 

GLORIFYING.            Umawit tayo ng papuri sa Diyos. 

         PRAYER

          ICE BREAKER. Kailan natin nasasabi na ang isang tao ay talagang nagbago na?

GROWING.                Luke 3:7-18.  Advent 

1. Layunin ng Diyos na tayo ay maligtas mula sa kapahamakang dulot ng kasalanan. 

2. Ang anumang pagkukunwari ay magpapahamak lamang sa atin, lalo kung hindi ito magbubunga 

    ng tunay na pagbabagong buhay. 

3. Gumawa ng kabutihan at iwaksi ang anumang gawaing masama. 

4.  Pagdating ng Panginoong Jesus, ipagkakaloob niya ang kanyang Banal na Espiritu sa mga 

     mananampalataya at dadalisayin niya tayo sa apoy. 

GLOWING.    Magdalanginan tayo. 

GOING.         Tumukoy ng isang tao o pamilya na tutulungan mo ngayon. 

Week 7

GATHERING                   Kumusta ka na?

GLORIFYING GOD.        Umawit tayo ng papuri sa Diyos. 

            PRAYER

             ICE BREAKER. 

GROWING.                       Luke 1:47-55.  Advent 4 

1. Pinapansin ng Diyos ang kalagayan ng mga mahihirap. 

2. Itinataas ng Diyos ang nasa abang kalagayan, at ibinabagsak niya ang mga nagmamataas. 

3. Nagpupuri si Maria sa Diyos dahil gumawa ng dakilang bagay ang Diyos sa kanyang buhay.

4. Tinupad ng Diyos ang kanyang pangako noon pang una, sa mga ninuno ng Israel at kay Abraham. 

GLOWING.              Magdalanginan po tayo.

GOING.                    Ano ang nais mong ipagpasalamat sa Diyos? 

-----------------------------------------------

Kaligayahan ng Pagkakaloob sa Diyos

Experiencing the Joy of Giving to God
Mark 12:41-44

Sa isang social experiment sa internet, napatunayan na ang mga mahihirap ang mas may kaya sa pagbibigay. Samantalang napatunayan din na mas maraming mayayaman ang kuripot. Mas madaling magbigay ang mga mahirap sa kapwa nila mahirap. Mas nauunawaan ng mahirap ang katulad niyang nangangailangan.

Kahit sa Biblia, ang mga dukhang balo ay makikitang mabuting pagdating sa pagkakaloob sa Diyos.

Sa ating pagbasa ng Biblia, napansin natin ang pagpuri ng Panginoong Jesus sa paghahandog na ginawa ng isang babaeng balo.

Ang bawat pagsamba ay may sangkap ng pagpupuri, pananalangin, pakikinig at pagkakaloob.

Ang pagkakaloob ay mahalagang bahagi ng pagsamba. Ito ay pagbibigay sa Diyos ng pasasalamat.
Hindi ito kabayaran sa mga kaloob ng Diyos, ito ay pasasalamat sa kabutihan ng Panginoon.

Nais ko kayong anyayahang makinig, dalangin ko na mangusap nawa ang Diyos sa mensaheng mula sa kanyang salita.

Ang babeng balo ay nagkaloob ng higit kaysa mga nakasama niyang nagkaloob sa Diyos. Maliit na halaga lamang ang salaping kanyang ibinigay, ngunit ayon sa Panginoong Jesus, nagkaloob siya ng mas malaki kaysa iba.

1. She gave out her love for God.

Giving when done without love, it becomes a burden, an obligation.

But giving when is done out love for God, it becomes a source of joy.

Kapag mahal mo, magaan sa iyo ang pagkakaloob.

Kung pakiramdam mo kapatid, kung ang pagkakaloob sa Diyos ay pabigat sa iyo, maganda yatang tanungin mo muna ang srili mo, "Gaano ko ba kamahal ang SM?"

Bakit ba kapag SM Mall na yung pinag-uusapan, napakadaling gumastos?
Bakit ba doon, napakadaling bumunot ng 500, 1000, 100, at 50?

May kwento ako. Nagkita-kita ang mga pera at nagtanungan kung saan na sila nakarating.

Sabi ng 1000. "Hmm, pinakamalayo ang nararating ko. Mga malls, high class hotels, at at mga luxury recreations."

Pahumble na sabi ni 500, "Malls lang ako palage. Sine, palabas-labasat mga gimik."

Tugon ni 100, "buti pa kayo, ako hanggang 7-11 lang."

At nakita nilang tahimik sina 50 at 20 pesos. Kaya tanong ng ibang pera, " Beinte (20) at singkwenta (50) kayo, saan kayo palagi?" Sagot ng dalawa, "E di sa mga simbahan! Kami kasi yung laging laman ng mga offering plates. Kami nga yung tinagurihang, MGA KRISTIANONG BARYA! Mga beinte at singkwenta!"

Natatawa kayo, pero mga kapatid, kailan ba ninyo gagawing Kristiano ang mga 500 at 1000 ninyo?

Subukan mong palakihin ang pag-ibig mo sa Diyos at magagawa mo ito sa halaga ng iyong kaloob sa Panginoon.

2. She gave to God out of trusts in God.

Secondly, she learned to trust God whenever she gives.

May isang member na nagreklamo kung bakit daw ang dami ng mga singilan, at pagkakaloob sa ating iglesia. Dahil siya ay isang farmer, nataon na binisita siya ng kanyang pastor habang nagtatanim.  Nag-aasik ng binhi ang miembro, habang papadating ang pastor.

Sabi ng pastor, "Ang dami naman po ng inyong iniasik! Hindi po kayo nanghihinayan sa mga binhing inyong isinaboy sa bukirin?"

"Bah! E Pastor, ang lahat ng aking iniaasik na binhi ay ibinabalik ng aking bukirin bilang ani! Alam ko pong magbubunga ang anumang aking itinatanim."

Wika ng pastor, "kapatid, gayun din po sa Diyos tuwing tayo ay nagkakaloob. Ibinabalik din ng Diyos ng liglig, siksik at umaapaw ang ating mga kaloob sa Kanya."

Noon naunawaan ng magsasaka, na ang anumang ibibigay sa Panginoong Diyos ay hindi nawawalang pananim, kundi, tulad ng binhing itinanim, ito ay babalik sa kanya bilang mga bungang aanihin.

Ang pagpapala ng Diyos ay nakapagpapabago ng buhay.

Maraming tao ang hindi natututong magbigay sa Diyos at sa iglesia  dahil natatakot silang mawalan.

Ngunit mga kapatid, nakita natin na kapag tayo ay marunong magtiwala sa Diyos, anumang ating ibibigay sa Diyos ay nagiging pagpapala.

Ang pagiging tapat sa Diyos sa pagkakaloob ay lalo lamang magpaparanas sa atin ng mas malaking katapatan ng Diyos.

Being faithful to God will bring more of God's faithfulness. Maging tapat ka sa Panginoon, at makikita mong lalo ang katapatan ng Diyos.

May kwentong pulpito, tungkol sa isang lalaki na nagpautang sa kanyang kumpare. Dahil wala ito pera, isinanla ng lalaki ang kanyang wedding ring, at ibinigay nito ang pera sa nagangailangan niya kaibigan.

Nalaman ng asawa niya ang pagsasanla ng kanyang wedding ring. Nagalit ang babae, ngunit nagpaliwanag ang lalaki,

"Sweetheart, ang umutang na kumpare natin ang tumulong sa atin noong magkasakit ang anak mo. Noong walang-wala tayo, tumulong siya ng napakalaki sa pinambayad natin sa hospital. Ngayong siya yung nangangailangan, nais kong tumulong sa kanya.

Tapat siyang kaibigan, nais kong maging tapat ding kaibigan sa kanya.

Naunawaan ng babae ang kanyang kabiyak. Dahil ang pagiging tapat ay sinusuklian ng katapatan.

Tapat po ang Diyos. Hindi siya naging maramot sa atin kailanman.

The only way to respond to God's faithfulness is to be faithful to God.

3. Number three, she gave to God that much due to her appreciation to God.
She simply wants to give thanks.

Appreciation is best expressed not only through words, but with gifts.

Offerings are not payments but are gifts to God, in response as a thanksgiving. Because we can never repay God for His goodness. Sino ba dito ang makapagbabayad sa Diyos sa kanyang ibinigay. Lahat tayo ay ipinanganak na hubad. At tignan mo ngayon kung paano ka pinagpapala ng Diyos.

Mababayaran mo ba ang buhay mo sa Panginoon?

Ang tanging magagawa mo ngayon, ay isang bagay lamang...magpasalamat.

Kung magbibigay ka sa Diyos, yung pinaka-mainam na kaloob, saliksikin mo ang iyong puso..
Bunga ba ito ng pagmamahal sa Diyos?
Nagtitiwala ka bang tunay sa kabutihan ng Diyos?
Ito ba ay bunga ng iyong pasasalamat?

House Blessing Sermon (Pilipino)

Kapag ang Diyos ang Nagtayo ng Tahanan
Scripture: Psalm 127

Lesson:
Napakabuti ng Diyos na nagtatayo ng ating mga tahanan. Ang tanging nais ng Diyos ay ang pagpalain tayo sa loob ng ating sambahayan.

Ngunit maraming tao ang nagtatayo ng kanilang tahanan na hindi kasama ang Diyos. Dahil dito, hindi nila nakakamit ang ganap na pagpapalang kaloob ng Panginoon.

Narito ang mga kaloob ng Diyos sa sambahayang kanyang itinayo:

1. PAGPAPALA SA PANGANGAILANGAN.
Mabunga ang pagpapagal sa trabaho ng miembro ng pamilyaNg makadiyos. Walang nasasayang sa kanilang paggawa dahil ito ay pinagpapala ng Diyos (v. 2). Sila ay nakakatulog pa ng maimbing pagdating ng takipsilim.

Sa kabilang banda, sa tahanang hindi ang Diyos ang nagtayo; ang kanilang kapaguran ay walang saysay. Pagod sila ngunit hindi nagbubunga ang kanilang pagsisikap. At wala sila ni masarap na tulog man lang.

2. PAGPAPALA NG MGA SUPLING.
Mabungang pagdami ng mga supling (v.3). Ang pag-lago ng pamilyang pinagpapala ng Diyos ay pagdami ng mga anak na magpapatuloy sa pananampalataya ng pamilya.

Ang mga bata ay pagpapala ng Diyos. Sila ang bukas ng kasaysayan. Sila ang magpapatuloy sa anumang nasimulan.

Mayroon akong kaibigang mag-asawa na walang biological children. Ngunit sa kanilang ministeryo, pinagkalooban sila ng maraming anak ng Diyos. Naging mabunga pa rin ang pagdami ng kanilang mga anak.

3. PAGPAPALA NG KALIGAYAHAN.
Ang pangatlong pagpapala ay pagkakaroon ng masayang tahanan. Ang damdamin ng kapayapaan ay kaligayahan ay hindi matutumbasan ng anumang kayamanan. Ito ay ipinagkakaloob ng Panginoon kung siya ang tagapagtayo ng ating sambahayan.

Pinagpala sa pangangailangan, sa mga supling at kaligayahan. Wala ka ng mahihiling pa!