Sino Ako Ayon sa Sinasabi ng Diyos?

2 Corinthians 3:18

“At ngayong naalis na ang talukbong, nagniningning sa ating mga mukha ang kaluwalhatian ng Panginoon. At ang kaluwalhatiang iyan na nagmumula sa Panginoon, na siyang Espiritu, ang siyang magbabago sa atin mula sa isang antas ng kaluwalhatian hanggang tayo'y maging kalarawan niya.”

Panimula

Alam ba ninyo, noong 1886, naimbento ang unang kotse na gumagamit ng gasolina.  May naunang naimbentong kotse na gumagamit ng hydrogen, ngunit hindi ito nagtagumpay.  Si  Karl Benz, isang German, ang nakaimbento ng unang kotse na may patent na gumagamit ng gasolina.   Tinawag itong “car” galing sa salitang “cart” o karwahe.

Tulad ni Benz, ginawa ng Diyos ang tao gamit ang kanyang kaalaman at layunin.  Ang tao ay gawa ng Diyos.  Ang Diyos ang nagdisenyo sa tao.  Siya ang may karapatang magsabi kung ano tayo, at sino tayo ayon sa layunin ng kanyang paglikha.

Pagkilala sa Sarili Ayon sa ating Paniniwala

Ang tao ay hinuhubog ng kanyang mga  paniniwala.    At ayon sa kanyang  sinasampalatayanan (faith confessions), sinisikap ng isang tao na maabot ang layunin niya sa buhay, gamit ang kanyang mga paniniwala.   Kung kaya, ang ating mga paniniwala sa Diyos, sa Biblia o ibang basehan ay may malaking kinalaman sa ating pagkatao kung paano natin nakikilala ang ating sarili.  Ang ating pagkilala sa ating Lumikha ang humuhubog sa ating tamang pagkilala kung sino tayo.

May mga talata na ating  aaralin bilang gabay sa aralin.

1. Pagkilala sa Diyos na Lumikha sa Atin  

Ang Diyos ay Banal 

Maraming attributes o katangian ang Diyos, tulad ng makapangyarihan (sovereign and omniscient), maalam (all knowing), at nasa lahat ng dako (omnipresent). Ngunit ang pnaka-daklang katangian ng Diyos ay ang kanyang kabanalan. 

Ayon sa Awit 18:30,  

"Ang Diyos na ito ay sakdal ang gawa, at maaasahan ang kanyang salita!

Siya ay kalasag ng mga umaasa, at ng naghahanap ng kanyang kalinga."

Sabi pa sa Isaias 6:3, 

"Banal, banal, banal si Yahweh na Makapangyarihan sa lahat!

 Ang buong daigdig ay puspos ng kanyang kaluwalhatian."

Sinasamba natin ang Diyos dahil sa kanyang kabanalan at kapangyarihan, at pinupur natin siya dahil sa mabuti niyang gawa sa ating buhay. Ito ang Diyos na pinapakilala ng Biblia.   Kung gayon, ayon sa  pagpapakilala ng Biblia kung sino ang Diyos, sino tayo na kanyang nilikha?

2. Pagkilala sa Tao na Nilikha ng Diyos

Sinasabi sa Genesis 1:27,
"Nilalang nga ng Diyos ang tao ayon sa kanyang larawan. Sila'y kanyang nilalang na isang lalaki at isang babae,"

• Ang tao ay nagtataglay ng larawan o wangis ng Diyos bilang lalaki at babae 
• Ang tao ay nagtataglay ng kabanalan ng Diyos ayon sa disenyo ng kanyang pagkalikha

Ang Patotoo Ni Apostol Pablo

Noong una, ang diyos na sinusunod ni Pablo ay maituturing na isang diyus-diyusan na binuo ng kanyang kaisipan at pagkatao. Ang sinunod niyang diyos ay imahen ng kanyang pagiging Judio.  Sa pag-aakalang ang kanyang sinusunod ay ang Diyos ng Biblia- namuhay si Pablo sa galit sa mga Kristiano, upang mapangalagaan ang kanyang relihiyong Judio.

Ang mga diyus-diyusan ay likha ng isipan ng tao, na pinasusunod ayon sa kanilang sariling kagustuhan.  Ang tao ang nasusunod sa ganitong relihiyon. Anumang maling paniniwala tungkol sa Diyos ay gagawa ng isang diyos-diyusan o idol  sa ating isipan.  Wrong notions on God will produce an idol within us.

Si Pablo noon ay walang personal na pagkilala sa tunay na Diyos.  Kaya mali ang kanyang nauunawaan tungkol sa Diyos. Nagbago ang pagkilala niya sa Diyos mula noong makatagpo niya si Jesus sa Damasco.  Mula sa isang diyos na malupit, nakilala niya ang tunay na Diyos na mahabagin at nagliligtas sa pamamagitan ni Cristo Jesus.

Pagkilala sa Tunay na Diyos

1. Siya ang Diyos at Ama na ipinakikilala ng ating Panginoong Jesus.
2. Siya ang Diyos na ipinakikilala ng Biblia.
3. Siya ang Diyos na nagkakaloob ng Banal na Espiritu.

Bagong Pagkilala sa Sarili

Nang makilala ang Diyos sa pamamagitan ng Panginoong Jesus, nagkaroon din ng bagong pagkilala si Pablo sa sarili. Nagsimula siya ngayong mabuhay para sa layunin ng Panginoon.

Sabi niya sa Galatia 2:20, 

"Hindi na ako ang nabubuhay ngayon kundi si Cristo na ang nabubuhay sa akin. At habang ako'y nabubuhay pa sa katawang-lupa, mamumuhay ako sa pananalig sa Anak ng Diyos na umibig sa akin at naghandog ng kanyang buhay para sa akin."

Sino Tayo sa Paningin ng Diyos?





(...to be continued...)






 

Pinagkaiba ng Huwad sa Tunay na Relihiyong Kristiano

Gawa 9:1-19

Ayon sa 1 Timoteo 3:16, 

"Hindi maikakaila na napakadakila ng hiwaga ng ating relihiyon:

Siya'y nahayag nang maging tao, pinatunayang matuwid ng Espiritu, at nakita ng mga anghel.  Ipinangaral sa mga Hentil, pinaniwalaan ng lahat, at itinaas sa kalangitan."

Ito ang Kristianismo, ang relihiyon ng katotohanan tungkol sa Panginoong Jesus. 

Huwad ang isang relihiyon kapag ito ay wala sa katotohanan. Si Saulo ay may dating relihiyon, ngunit minsan na siyang nawala sa katotohanan.  Ang nagaganap na debate tungkol sa pagnanais ng mga nagsusulong ng same-sex marriage na naghahangad ng kasal sa simbahan ay relihiyon na wala sa katotohanan. 

Ano ang huwad na relihiyon? 

1. Ito ay kalooban ng tao, na kunwari ay kalooban ng Diyos. 

2. Ito ay pagmamahal sa pangalan ng samahan o religious denomination, ngunit walang tunay na pagmamahal sa Diyos at sa kapwa. 

3. Hindi ito nakapagliligtas. 

4. Hindi ito nagbubunga ng pagbabagong buhay. 

5. Hindi ito naaayon sa katotohanan, kundi ito ay pagkukunwari lamang.

Ito ang uri ng dating relihiyon ni Saulo.  Kung kaya, siya ay pumatay ng mga Kristiano.  Hindi po katotohanan ang kanyang hinahanap. 

Ginamit ni Saulo ang kanyang buong buhay sa ganitong uri ng relihiyon. Ito ay relihiyon ng pagkamuhi sa kapwa. Isa itong relihiyon na walang kaugnayan kay Cristo.

Kungikukumpara, ano naman ba ang katangian ng isang tunay na pananampalatayang Kristiano?

1. Ito ay bunga ng pakikitagpo sa buhay na Cristo.
2. Ito ay nagbubunga ng ganap na pagbabagong buhay.
3. Ito ay nagbubunga ng tapat na pagsunod kay Cristo. 

Tuntunin sa Pagtanggap ng Banal na Komunyon

1 Corinto 11:27-34

Ang sama-samang pagdulog sa hapag ng Panginoon ay kasanayan ng mga sinaunang Kristiano.  Ito ay tinatawag na “agape meal”.  Sa Komunyon, kinikilala ang banal na presensya ng Panginoong Jesus.   Pagkakataon din ito upang maramdaman ng bawat Kristiano ang pagkaka-isa.  Ang mga mayayaman ay nakikisalo sa mga mahihirap.  Ang lahat ay pantay-pantay sa Banal na Hapunan.

Ngunit sa iglesia ng Corinto, nakaranas ng kaunting problema si Apostol Pablo.  Tulad ng alinmang iglesia, nakakita siya ng ilang suliranin na dapat  iwasto.  Bilang mga anak ng Diyos, nakapahalaga na unawain natin ang Salita ng Panginoon at maging bukas tayo sa mga maaring pagwawasto na nais gawin ng Diyos sa ating buhay bilang isang katawan.

Isang naging suliranin na nakita ni Pablo ay ang mga pangkat-pangkat ng mga kaanib sa oras ng hapag ng Panginoon.  Ang mga mayayaman, mga magkakasamang grupo ay humihiwalay sa iba.  Isa pa ay ang pagiging makasarili ng iba.   Kumakain at umiinom sila ng labis at nawawalan ng paggalang sa Banal na Hapunan.

Paghahanda sa Pagtanggap sa Banal na Komunyon

Dalawa lamang ang ating kinikilalang Sakramento ng iglesia, ang Bautismo at Banal na Komunyon.  Ang Banal na Komunyon ay iniutos ng Panginoon upang siya ay ating alalahanin.  Upang magawa natin ito, kailangan natin ang isang nakahandang puso at bukas na kaisipan.  Dahil, ito ay paggalang mismo sa katawan at dugo ng ating Panginoon. Ang pagtanggap sa katawan at dugo ng Panginoon sa paraang hindi karapat-dapat ay isang pagkakasala.

Kabilang sa mga paraang karapat-dapat ay;

a. ang pagsusuri sa sarili bago tumanggap ng Banal na Komunyon.
Ang tamang pagsusuri sa sarili ay ginagawa ng mga nagnanais lumago sa pananampalataya at sa kaalaman.  Ito ay sa paraan ng kapakumbabaan at pagbubukas ng sarili sa liwanag ng Diyos.  Ang taong nagsusuri ng sarili ay handa sa mga pagtutuwid ng Diyos, kumikilala  siya sa mga sariling kahinaan at pagkukulang.

Sa mismong tinapay at katas ng ubas, ang Panginoon ay nangungusap sa bawat tatanggap ng Komunyon.  Ito ay simbulo ng pagpapatawad na pinagkakaloob ng Diyos.  At ang pagpapatawad ay pinagkakaloob lamang sa mga tunay na nagsisisi.  At ang mga tunay nagsisisi ay nagsasaliksik ng kanilang sarili, upang ilantad ang karumihan at mga kasalanan sa liwanag ng Diyos - at sa gayun nakakamit nila ang malinis, dalisay, ang banal na buhay na kaloob ng Panginoon para sa mga lumalapit sa kanya.  Darating sila sa iglesia na may bitbit na kasalanan, ngunit uuwi sila  na wala ng bahid ng kasalanan - dahil sila ay pinatawad na.
b. ang pangalawa ay ang banal na Komunyon ay pagkilala sa katawan at dugo ng Panginoon.
Kinikilala po natin ang tinapay at katas ng ubas bilang mga “simbulo” at hindi literal na katawan at dugo ng Panginoon.
Ngunit kailangan pa rin nating igalang ang mga ito bilang mga banal na bagay.   Higit pa rito, kailangan  nating kilalanin ang Banal na Komunyon bilang isang banal na gawain ng ating Diyos.

Inuutusan tayo ng Pangjnoon na sa tuwing ginagawa natin ito, inaalala natin siya.  Ang pag-alalang ito ay hindi lamang sa isip, kundi sa kanyang presenya.   Ito ay pagsariwa natin sa pakiki-isa ng Panginoon sa ating kalagayan bilang tao.  Siya ay kasama natin sa Banal na Hapunan. Ibig sabihin, ang paggalang natin sa mga elemento ng Komunyon ay tumutukoy sa ating paggalang sa mismong presensya ng Panginoon sa ating kalagitnaan sa oras ding ito! At ang kawalan ng paggalang sa mga ito ay nangangahulugan ng kawalan ng paggalang sa Diyos.

Ito ang dahilan  kung bakit sinasabi ni Pablo na  naging kaparusahan pa sa iba ang dulot ng Komunyon.  Sila ay nagkasakit at ang iba ay nangamatay.  Sa halip na maging biyaya - ang Komunyon ay naging kahatulan sa kawalan nila ng paggalang sa presensya ng Diyos.

c. Ang Komunyon ay Pagdiriwang sa  ating pagkakaisa bilang isang iglesia o iisang katwan ni Cristo.
Ang iglesia ay binayaran ng Panginoon sa kanyang sariling dugo at ito ay ginawa niyang kanayang katawan na maglilingkod sa mga tao sa sanlibutan.

Sa hapag ng Panginoong Jesus, tayo ay nagdiriwang sa isang banal na salu-salo kasama ang Panginoon.  Sa ganitong diwa, tayo ay pinaging -isang katawan bagamat tayo ay marami.

Ang banal na Komunyon ay katibayan ng pag-ibig ng Diyos para sa atin, kaya ibinigay niya ang kanyang bugtong na anak para sa ating katubusan.  Ang pag-ibig ding ito ay inaasahang madarama ng bawat kaanib ng iglesia.  At ang pag-iig na ito ay inasahan ding ibabahagi ng bawat isa sa kanyang kapatid sa loob ng simbahan.

Wika ng Panginoon, “Ibigin ninyo ang isa’t-isa.  Sa ganitong paraan makikilala ng iba na kayo nga ay alagad ko.”

Ang Komunyon kung gayon ay tanda ng pag-ibig ng Diyos para sa atin.  At ito ay katibayan din ng ating pag-ibig sa isa’t-isa.

Muli mga kapatid, bukas ang hapag ng Panginoong para sa lahat.  May kasalanan ka ba at humihingi ka ba ng pagpapatawad mula sa Panginoon?  Lumapit ka at patatawarin ka niya. Mahal ka ng Diyos at kailan man hindi ka niya itataboy kung lalapit ka lamang sa Kanya ng buong puso.

Halina at tikman ninyo ang handa ng Panginoon. Amen.

Sermon - First Commandment

Diyos Muna!
Exodo 20:1-3

Alam mo ba ang Sampung Utos? Kabisado mo ba ang mga ito? Itinuturo mo ba ang mga ito sa iyong mga anak? Pinamumuhay mo ba ang mga ito? Ang serye ng mga aralin ngayong susunod na dalawang buwan ay tungkol sa Sampung Utos ng Diyos.
“Huwag kayong magkakaroon ng ibang diyos maliban sa Akin.”

Kailan nagiging diyus-syusan ang isang bagay?

Ano mang inuuna natin o pangunahin (highest priority or ultimate concern) na pinakamahalaga sa ating buhay ay siyang dinidiyos natin.  Ang isang dinidiyos ay hindi lamang sinasamba sa paraang pangrelihiyon, kundi siya ang napagkakalooban natin ng ating pinakamahalagang oras, kayamanan at lakas.

Ang Mga Utos ng Diyos

Ang mga utos ng Diyos ay hindi ibinigay para pabigatan at pahirapan tayo kundi para tulungan tayo ng Diyos tungo sa magaan, maayos at matagumpay na buhay.  Ang mga ito ay batas ng Diyos.  Ang mga batas, tulad ng “Law of Gravity” ay hindi pweding baliin.  Halimbawa, gusto mong lumundag mula sa 10th floor, siguradong hindi ka lulutang, at hindi mo mababali ang law of gravity sa iyong paglundag.  Ikaw ang magkakabali-bali! Tuwing sinusuway natin ang mga utos ng Diyos, sinasaktan lamang natin ang ating sarili.

Ang unang utos ay “huwag kang magkakaroon ng ibang diyos maliban sa Akin”, wika ng Panginoon.  Binabawalan tayong magkaroon ng “ibang” diyos dahil maari tayong gumawa ng ibang diyos sa ating buhay.  Hindi lamang rebulto ang tinutukoy dito, kundi kasama ang mga “ultimate concerns” o mahahalagang bagay sa ating buhay na inuuna natin bago ang Diyos.

PAANO GAGAWING UNA ANG DIYOS SA BUHAY?

May acrostic na ginawa si Rick Warren, F-I-R-S-T sa isa niyang mensahe tungkol sa araling ito.

F- finances, unahin mo ang Diyos sa mga paglalaanan mo ng iyong salapi.  Sinasabi sa Malakias 3:10 na dapat bigyan ng prioridad ang ikapu sa ating paggastos.  Unahin ang pagpapasalamat sa Diyos bago gamitin ang ating kayamanan sa ibang layunin.  May pangako ang Diyos kung susundin natin ito, ayon sa Kawikaan 3:9-11

Honor the Lord with your wealth,
with the firstfruits of all your crops;
then your barns will be filled to overflowing,
and your vats will brim over with new wine.(NIV)

I - interests, unahin ang Diyos sa mga interests mo sa buhay.  Maraming tao na makikita ang kanilang interest sa kaligayahan,  bisyo o libangan.  Hindi masama ang mga ito.  Ngunit, kapag ang mga interest natin ang nangunguna sa ating buhay at naisasantabi ang Diyos, ang  mga ito ay nagiging diyus-diyusan. Lalo kung magiging mababa ang ating pagpapahalaga sa mga bagay para sa Diyos.

sabi sa 1 Corinto 10:31;
      So whether you eat or drink or whatever you      do, do it all for the glory of God. (NIV)

R -relationships.  Ang kaugnayan natin sa ating kapwa, lalo sa ating pamilya ay mahalaga.  Pero, dapat pa ring mauna ang relasyon natin sa Diyos.  Hinihiling ng Diyos na unahin natin siyang mahalin ng buong puso, lakas, isipan at kaluluwa.  Pumapangalawa ang pag-ibig sa kapwa.  Maari kasing maging diyus-diyusan ang kapwa tao, na minamahal ng higit sa Diyos.  Ayon sa Lucas 14:26,
"Hindi maaaring maging alagad ko ang sinumang umiibig sa kanyang ama at ina, asawa at mga anak, mga kapatid, at maging sa sarili niyang buhay nang higit sa akin.”

S- schedule.  Sa ating panahon, paggising pa lang sa umaga, marami na tayong ginagawa at nakalatag na kaagad sa isip natin ang ating mga gagawin para sa maghapon.  Pero sa gitna ng ating mga busy days, at pagmamadali, may oras ba tayo para sa Diyos? Ang Diyos ay maaring magtampo kapag siya ay nakakalimutan. Ayon sa Jer 3:21-22

“A cry is heard on the barren heights,
the weeping and pleading of the people of Israel,
because they have perverted their ways
and have forgotten the Lord their God.” (NIV).
 
 a. kailangang isama ang pananalangin at pagbabasa       ng Bible sa ating daily routine.
  b. Isang oras sa buong linggo ay sumali sa
      Small Group Bible Study o cell group.
  c.Magsimba tuwing Linggo.

T- troubles.  Sa mga kabalisahan natin, Inuutusan tayo ng Diyos na ilagak natin sa kanya ang ating mga pasanin.
Sabi sa Awit 50:10,
“Call upon me in your days of your trouble,
and I will deliver you and you will honor me.”

Mahalagang isipin din natin kung kanino tayo tumatakbo tuwing kailangan natin ang tulong.   Sa ganitong paraan binibigyan natin ng pagpapahalaga ang Diyos kapag sa kanya tayo bumabaling sa oras ng pangangailangan.

Mga Pagtalakay:

1. Kailan nagiging kapalit ng Diyos ang isang bagay o  tao sa ating buhay?

2. Ano ang masasabi mo tungkol sa pagiging seloso ng Diyos?

3. Alam natin na hindi “insecure” ang Diyos.  Pero bakit gusto niya na siya ang laging inuuna?  Paanong   nakabubuti para sa ating kapakanan ang unahin ang Diyos?

Sermon - 2nd Commandments

Bawal ang Idols
Exodo 20:4-5

Ang mga idolo ay mga bagay o tao na kukuha sa lugar ng Diyos sa ating buhay.  Sila ang mga bagay na minamahal natin at inuuna bago ang Panginoon.  Ano mang bagay na nagiging karibal ng Diyos sa ating buhay, kahit ito pa ay mabuti - ito ay idol!  Ang mga idolo ay nanghihikayat sa atin upang mawala ang ating focus sa Diyos. Ang pangalawang utos ay nagsasabing, “Hindi mo kailangan ang mga idolo, sambahin mo lamang ay ang Diyos.”

Ano ang mga idolo?*

Sa Lumang Tipan ay may tatlong idolo o diyus-diyusan.  Si Baal ang idolo ng sex, si Mammon, ang idolo ng pera, at si Molech ang idolo ng kaguluhan o violence.  Ang mga ito ay mga metal images, nililok mula sa kahoy, bato o bakal, at pagkatapos bigyan ng hugis, sila ay sinasamba.

Sa ating panahon, ang mga idolo ay hindi na metal images, kundi mental images o mga bagay na nasa isip ng mga tao.  Mga bagay na inaasam, tulad ng pagnanais na maging sexually attractive (pagsamba kay Baal), sambahin ang pera (pagsamba kay Mammon) at ang pagka-uhaw sa kapangyarihan (power) para masakop ang kapwa (pagsamba kay Molech).  Ang kapangyarihan ng mga idolo ay makikita araw-araw.  Nandiyan ang produkto na humihikayat sa atin, para “habulin ka ng mga babae”, o programa sa TV na magpapayaman sa iyo, o mga tao

Mapapansin na kahit sa ating pahanon, pumapasok ang mga diyus-diyusang ito sa ating buhay na hindi natin namamalayan. Sabi ng Biblia, mapanganib sila dahil;

1. Nagbibigay sila ng kabiguan.  Ang mga idolo ay may mga mensahe ng pangako na hindi natutupad. Mga bagay na binibili natin, o pinagtutuunan natin ng pansin o maraming pera, para gumanda tayo at maging sexy, yumaman o magkaroon ng kapangyarihan. Sabi sa Jeremiah 10:14,  “Ang bawat tao ay hangal at walang kaalaman; bawat  platero ay inilalagay sa kahihiyan ng
kanyang mga diyus-diyosan.”

2. Sila ang magpapatakbo ng iyong buhay at kokontrol sa buhay mo.   Ang katumbas ng idolatry sa ating panahon ay “addiction”! Addiction  sa sex, droga, bisyo, sa sugal, sa sports, sa pelikula sa mga palabas sa TV, concerts performers, internet games, etc. Sila ang mga bagay unti-unting naglalayo sa atin mula sa Diyos at sa pananampalataya.

3. Ipapahamak nila tayo! Binabago nila ang takbo ng ating buhay, mula sa routine ng ating pagtulog, pagggamit ng pera, hihigupin nila ang ating lakas, at panahon.  Bago, sila ang uukitin natin, pero sa huli, ang mga idolo ang uukit sa ating buhay hanggang nakikita na lamang natin ang ating sarili na nawawasak, bumabagsak na grades, nasisirang relasyon sa pamilya at papalayo na pala tayo sa Diyos.

Sambahin lamang ang Diyos!

Sabi ng Diyos, “Ako lamang ang inyong sasambahin!”  Ang pagsamba ay pagbibigay ng pinakamataas na devotion and love.  Ang Diyos ang karapat-dapat bigyan ng ating pinakamataas na loyalty.

May dalawang motibo kung bakit mas gusto ng mga tao ang mga idols;

1. to limit the location of their god. Ang tunay na Diyos hindi limitado, pero ang idol, limitado siya at ito ang gusto ng marami.  Ayaw ng maraming tao na laging nandiyan ang Diyos na nakakakita ng lahat ng kanilang ginagawa.  Mas gusto nila ang isang diyus-diyosan na nasa simbahan lang, at sasambahin nila siya kapag gusto lang nila.

2. to limit the power and size of their god.  Ang gusto ng tao ay isang diyos na kontrolado ng tao. Mas gusto nila ang diyos na sumusunod sa gusto nila, kaysa sa tunay na Diyos na susundin natin.

MABUTI ANG SUMUNOD SA DIYOS!

1. Nagdudulot ito ng tunay na kagalakan.

Sabi sa Awit  37:4, “Seek your hapiness in the Lord and He will give you the desires of your heart.” Pero siyempre, ang mga gusto natin ay dapat na naaayon sa kanyang kalooban.

2. Ito ang magpapalaya sa atin  

Sabi ng Panginoong Jesus,  “Sundin ninyo ang aking mga utos, dahil ito ang katotohanan.  At ang katotohanan ang siyang magpapalaya sa inyo.”  

“Ang pinalaya ng Anak ng Diyos ay tunay na malaya.”

Ang kalayaang ito ay tunay.  Sa ating pag-focus sa Diyos, para Diyos lang ang mapasaya, hindi na natin kailangang i-please ang ibang tao. Ang mahalaga ngayon ay ang sasabihin ng Diyos at hindi ang sasabihin ng ibang tao.

Malaya na tayo sa ating nakalipas.  Hindi na tayo alipin ng aking nakaraan.  Hindi natin mababago ang ating nakalipas, pero babaguhin ng Diyos ang ating kasalukuyan at ang ating hinaharap sa buhay.

PERSONAL NA KILALANIN ANG DIYOS

Walang kapalit ang Diyos. Siya ang pinagmulan ng ating buhay at siya ating hukom.

Maari lamang siyang sambahin sa pamamagitan ng pagkilala kay Jesus, dahil si Jesus ang, “Larawan ng Diyos na hindi nakikita” - ayon sa Colosas 1:15.

Gawing sentro ng iyong buhay si Jesus bilang Panginoon at Tagapagligtas.  Siya lang ang ating sambahin, dahil Siya lamang ang Diyos---ang ibang idols ay mga ...FAKE!

Sermon - 3rd Commandment

Tamang Paggamit sa Pangalan ng Dios

Ang pangalan ay mahalaga. Dahil dito iniuugnay ang karangalan (reputation), pagkatao (character) at ang kapangyarihan (authority) ng isang tao. Ang taong may “sirang pangalan” ay wasak ang reputasyon. O di kaya’y hindi na iginagalang.

Ang Pangalan ng Diyos

Nang magpakilala ang Diyos kay Moses, sinabi ng Panginoon na “Ako ay Ako” ang kanyang pangalan. Isang Diyos na hindi nagbabago at nakapangyayari. Siya ang Diyos na lumikha at nagpapanatili sa lahat ng bagay. Ang Diyos ay makapangyarihan at naka-ugnay sa kanyang pangalan ang kanyang kadakilaan. Ang kanyang pangalan ay banal. Hindi sinasambit ng mga Judio ang pangalan ng Diyos dahil sa kabanalan nito. Maging ang mga sumulat sa Biblia ay hindi basta-basta gumamit ng pangalan ng Diyos, dahil sa lalim ng kanilang paggalang sa Diyos.

Maling Paggamit ng Pangalan ng Diyos

1. paggamit sa pangalan ng Diyos sa panlalait ng tao lalo kapag tayo ay nagagalit. Halimbawa, “Diyos ko namang bata ka!” “Santisima namang tao ka!”

2. paninisi sa Diyos sa mga pangit na nangyayari sa ating buhay.

3. ginagamit na panakot ang Diyos. “Aha, magagalit sa iyo si papa Jesus!” At may mga pastor o TV evangelists na ginagamit ang Diyos upang kumita mula sa mga tao gamit ang Diyos bilang panakot.

4. Ang paggamit ang mga religious jargons o salitang relihiyoso. Halimbawa, “Alam mo brother, praise the Lord Jesus, na bless ako kanina sa...Praise God!”. Walang masama dito subalit tandaan na ang salitang walang kaakibat na gawa ay walang kabuluhan. Kahit pa sabihin ng isang tao na mahal niya ang Diyos, kung wala itong katibayang makikita sa buhay ay walang kabuluhan at nagiging pagkakasala. Sabi sa Tito 1:16,
“They claim to know God,
   but their actions deny Him.”

Maging sa panalangin, iwasang gamitin bilang “filler” o panugtong ang pangalan ng DIyos. Halimbawa, “Panginoon, salamat po, Jesus sa lahat Panginoon ng mga pagpapala, Panginoon.” Ang ganitong paraan ay paggamit sa salitang :Panginoon bilang salita na sumusulpot lamang sa mga sentences ng panalangin.
Ang paggamit ng pangalan na tumutukoy sa Diyos ay kailangang gawin ng may pag-iingat, may takot at paggalang sa Diyos.

5. Pagsambit sa pangalan ng Diyos kapag nabibigla. “Hesus, maryosep!” “Aayy! Diyos ko!” Pero kapag hindi nabibigla, hindi naman nananalangin. Ang “impulsive” na paggamit ng pangalan ng Diyos ay pagsambit sa Diyos na hindi nag-iisip. Sabi ng Panginoon, “These people worship me with their lips but their hearts are far from me.”

Tandaan - ang pangalan ng Diyos ay may kaugnayan sa kanyang power, character at reputation.

Ang Tamang Paggamit sa Pangalan ng Diyos

1. gamitin ito sa diwa ng pagsamba. Sabi sa Awit 29:1,
“Purihin ang Panginoon, ninyong banal na nilalang.    Pagkat siya ay dakila at banal ang kanyang ngalan.”

2. maingat na ipamuhay ang paniniwala sa Diyos.
Ayon sa 2 Timothy 2:19b,

“Ang bawat tumatawag sa pangalan ng Panginoon, ay dapat lumayo sa kasamaan.”

3. lubusang magtiwala sa pangalan ng Diyos. Sabi sa Awit 33:21, “Dahilan sa kanya kami’y natutuwa, sa kanyang ngalan ay nagtitiwala.” Sabi rin ng Panginoong Jesus sa Juan 14:14, “Gagawin ko ang anumang hihilingin ninyo sa pangalan ko.”

4. tanggapin ang kaligtasang kaloob ng Diyos sa pamamagitan ng pangalan ng Panginoon. Ayon sa Gawa 4:12,

“Kay Jesus lamang matatagpuan ang kaligtasan, sapagkat sa silong ng langit, ang kanyang pangalan lamang ang ibinigay ng Diyos sa ikaliligtas ng tao.”
Sabi rin sa Roma 10:13, “Maliligtas ang mga tumatawag sa pangalan ng Panginoon.”

Mga Talakayan

1. Bakit ganito na lamang ang paggalang na hinihingi ng Diyos sa kanyang pangalan?
2. Ano ang ibig sabihin ng paggamit natin sa dulo ng ating panalangin na “sa pangalan ni Jesus”? Ano ang kaugnayan nito sa Juan 14:13-14?

Sermon - 4th Comandment

Kailangan Mo ng Day-Off!
Exodo 20:8-9

Lagi ka bang pagod, at parang wala ka nang pahinga sa buhay?  Do you feel guilty when you take a rest? Pakiramdam mo ba, ‘pasan mo ang daigdig”?  Ang pang-apat na utos ng Diyos ay ganito, “Magpahinga ka!”  Sa ating panahon, kahit marami na ang mga imbensyon upang maging mabilis ang mga gawain, lalong naging abala ang tao.

Ang ating aralin ay nagsasabing, “Remember the sabbath day, and keep it holy. 9 Six days you shall labor and do all your work. 10 But the seventh day is a sabbath to the Lord your God; you shall not do any work — you, your son or your daughter, your male or female slave, your livestock, or the alien resident in your towns.

11 For in six days the Lord made heaven and earth, the sea, and all that is in them, but rested the seventh day; therefore the Lord blessed the sabbath day and consecrated it.” (NRSV)

Ano ang Sabbath?

Ang Sabbath ay araw ng pagsamba at pahinga. Ito ay utos ng Diyos upang hindi tayo “ma-burnout” o masobrahan ng pagod.  Ayon sa Panginoong Jesus, Ang Sabbath ay ginawa para sa tao, at hindi ginawa ang tao para sa Sabbath.”(Marcos 2:27).  Ibig sabihin, ang Sabbath ay ginawa ng Diyos para sa ating pakinabang. Ito ang solusyon ng Diyos para sa nakakapagod na takbo ng ating buhay.

Ang sabbath ay isang araw ng pahinga sa buong linggo.  Sa mga Judio ito ay Sabado, para sa mga Muslim, tuwing Biernes, at sa mga Kritiano ay tuwing Linggo.

Bakit Linggo ang Pagsamba ng mga Kristiano?

Ang mga unang Kristiano ay nagsisimba ng Sabado, dahil sila ay kadalasang mga Judio.  Subalit dumating ang panahon na ang iglesia ay nagtipon ng Linggo, bilang  paggalang sa araw ng muling pagkabuhay ng Panginoong Jesus.  Ang araw ng Linggo ay tinawag na “the Lord’s day” ni apostol Juan sa Revelation 1:10.

Ayon sa Roma 14:6 at Colosas 2:16-17, hindi na nakatali ang mga Kristiano sa kung aling tuntunin ng pagkain o araw ng sabbath dahil si Jesus ang higit na mahalaga kaysa mga ito. Kung gayon, ang araw ng Linggo ay maaring gamitin bilang araw ng pagsamba at pahinga para bumalik ang ating lakas at sumigla ang ating espiritu

Ano ang mga bagay na dapat gawin sa Sabbath?

Keep it holy - panatilihin itong banal at gamitin ito sa pagsamba sa Diyos.  Ang ibig sabihin ng banal ay “nakabukod para sa Diyos”.   Nais ng Diyos na magbukod tayo ng especial na araw para lang sa kanya.

Tamang Paggalang sa Sabbath

1. Bigyang pahinga ang katawan, utos ito ng Diyos.
    Sabi sa Awit 127:2,
     “Di na dapat magpahirap, magdibdib sa hanapbuhay.       Agang-agang mag-umpisa’t gabing-gabi kung    humimlay.  Pagkat pinagpapahinga ni Yahweh ang    kanyang mahal.”

Kahit ang Awit 23:1-2 ay nagsasabing kalooban ni Yahweh ang bigyan ng kapahingahan ang kanyang mga tupa.

2.  Palakasin ang espiritual na buhay.  Kailangan ng sinumang tao ang lakas sa espiritu.  Ang ating emosyon, ay nauubusan din ng lakas.  Ang pagsamba ay gawain upang tayo ay mag-recharge sa Diyos, at magpalakas sa ating buhay espiritual.  Sa panahon ng French Revolution, inalis ng French Government ang  paggalang sa araw ng Linggo bilang pahinga.  Ang resulta, marami sa mga mamamayan nila ang bumagsak ang kalusugan. Dahil dito, ibinalik nila sa kanilang batas ang pahinga ng lahat tuwing Linggo.

Mga Gawaing Kristiano Tuwing Linggo

1.  Tahimik na manalangin, magbasa ng Biblia (Quiet time)
Sa isang tahimik na  “batisan” ayon sa Awit 23:3, tayo ay inaakay ng Panginoon. Ang quiet time ay mahalagang gawaing Kristiano, dahil sa ganitong paraan, nakikitagpo  tayo sa Diyos. Maari itong gawin tuwing Linggo, paggising o araw-araw sa umaga.

2.   Magsimba.  Makipagfellowship sa iglesia.
Sabi sa Hebreo 10:25,
     “Huwag kaligtaan ang pagdalo sa ating mga      pagtitipon gaya ng ginawa ng ilan, kundi palakasin       ang loob ng isa’t isa, lalo na ngayong nakikita nating            nalalapit na ang pagdating ng Panginoon.”

3. Bigyang panahon ang pamilya. Ang sabbath ay utos ng Diyos para patatagin ng bawat Kristiano ang kanyang pamilya. Maging ang mga kabataan ay dapat na nagbibigay ng oras upang samahan ang kanilang mga magulang sa bahay at huwag magbulakbol tuwing Linggo, pagkatapos ng gawain sa iglesia.

Mga Talakayan

1.  Maraming tao ang nagnanais magtagumpay sa buhay at madalas makalimot sa pagsamba sa Diyos at wala silang panahon sa kanilang pamilya. Ano sa palagay mo ang mabuting pakinabang ng Sabbath sa kalusugan ng katawan, espiritu at ng pamilya?

2. Payag ka ba na isa-batas ang pagsasara ng mga tindahan, malls at business tuwing Linggo,katulad ginagawa ng ibang bansa?