Church Council Officers ng United Methodist Church

TUNGKULIN
NG MGA CHURCH COUNCIL MEMBERS

1. Chairperson,

ihahalal ng taunan ng Charge Conference upang gumanap ng sumusunod na tungkulin.

a. manguna sa pagtupad ng tungkulin ng Council
b. maghanda ng tatalakayin sa mga meeting, sa kaalaman ng pastor at ng lay leader,
c. mag-aanalisa at magtatalaga ng mga gaganap sa mga napagka-isahan / pinabotohan ng Council,
d. nagpapa-alala sa ibang miembro ng Council sa pagpapatupad ng mga tungkulin at gawaing napagkasunduan,
e. manguna sa Council sa pagbalangkas ng plano, paggawa ng layunin at pagsusuri ng mga activities para sa ikauunlad ng iglesia,

2. Lay Leader,

ang kaanib na kakatawan sa lahat ng laiko sa iglesia at aasahang gaganap ng mga sumusunod na tungkulin;

a. gumawa ng pamamaraan upang malaman ng mga laiko ang kanilang mga tungkulin, lalo na sa kanilang ministeryo sa iglesia at sa kani-kanilang mga tahanan, trabaho, at komunidad,
b. palagiang makipagtalastasan sa pastor tungkol sa kalagayan ng iglesia
c. tumupad bilang miembro ng Charge Conference,
d. tagapagpatupad sa mga aksyon ng Annual Conference
e. patuloy na magsagawa ng pag-aaral para sa ikauunlad ng iglesia
f. iminumungkahi na siya ay maging sertifikadong mangangaral upang maging katulong ng pastor sa pagtuturo at pangangaral.

3. Staff /Pastor-Parish Relations Committee,

may 5 hanggang 9 miembro na ihahalal ng Charge Conference. Sila ay dapat na magkaroon ng;

a. Malinaw na kabatiran sa ministeryo ng iglesia
b. May kaalamang Biblikal sa tungkulin ng pastor.
c. Katulong ng pastor sa pagkilala sa mga kakayahan ng mga kaanib para sa epektibong paglilingkod.

Ang mga miembro ng komite ay ang Chairperson, 1 kabataan, 1 UMM, o UMW, lay leader at ang lay member para sa Annual Conference. Sakop ng kanilang tungkulin ang;
a. makipagtulungan, kumunsulta, at magpa-alala sa pastor sa mga bagay na dapat unahin, sa mga kailangang gawin sa misyon at ministeryo ng iglesia.
b. Pagyamanin ang kaugnayan ng pastor, at deaconesa sa iglesia at kumilos para alisin ang anumang gagambala sa ministeryo ng iglesia.
c. Gumawa ng taunang pagsusuri sa pangangailangan ng mga manggagawa sa larangan ng pagsasanay at dagdag na pag-aaral
d. Magturo sa katangian at misyon ng Nagkaisang Iglesia Metodista
e. Pagpili at pagsuri sa mga nagnanais maging lay
preachers at maging manggagawa.
f. Magsuri kung makatutulong ang pananatili ng manggagawa sa kasalukuyang destino.

4. Finance Committee,

magsumite ng budget at magsagawa ng paraan para sa kaunlarang financial ng iglesia. Gumawa ng mga paraan upang matustusan ang mga pangangailangang financial ng iglesia. Dalawa sa kanila ang magiging Tagabilang ng mga handog, mga pangako at ikapu. Isa sa kanila ang magiging Financial Secretary, na nagtatala sa mga pananalapi ng iglesia.

Ang komite ay kabibilangan din ng:

a. Treasurer - magiingat sa yamang financial ng iglesia
b. ibang kaanib na hinalal ng Charge Conference

5. Membership Secretary - nagtatala ng taunan sa mga listahan ng mga kaanib, mga naragdag na miembero, mga nabinyagan at iba pa. Sa kanyang pagiingat ang mga talaan ng mga kaanib.

6. Board Of Trustees,

a. nagiingat sa kagamitan, ari-arian ng iglesia at kaayusang pisikal ng iglesia
b. taunang nagsusuri sa mga kagamitan at ari-arian ng iglesia
c. nagbibigay pahintulot sa mga nanghihiram ng mga gamit ng iglesia kasama ang pastor.

7. Treasurer, ingat yaman ng iglesia.

Tungkulin niya ang:
a. pangalagaan ang kapakanang financial ng iglesia at gumastos lamang ayon sa itinakda sa budget.
b. Mag-issue ng resibo sa mga donasyon at ikapu / pangako
c. Mag-ulat ng regular (buwanan) sa kalagayang financial ng iglesia
d. Magbayad ng tungkulin sa Distrito (district tithe)

8. Lay Member of the Conference,

kumakatawan sa iglesia sa Annual Conference at mag-uulat sa mga napagkasunduan na dapat ipatupad sa iglesia lokal.

9. Nurture Committee,

ang gaganap sa tungkulin o activities na may kaugnayan sa;
a. Christian Edukasyon / Sunday School
b. Pagsamba
c. Christian Formation (Retreats, Trainings etc.)

10. Outreach Ministries

Mga gawain na may kinalaman sa pag-abot sa komunidad tulad ng mga medical missions, feeding ministries, scholarships, at iba pa, Ang ministeryong ito ay para sa mga hindi miembro ng iglesia.

11. Witness Ministries

Ito ay para sa evangelical ministries ng iglesia na may kinalaman sa panghihikayat ng hindi actibong miembro at hindi miembro para magtalaga ng buhay sa Panginoon at makaisali sa ating pagsamba at paglilingkod sa Diyos.